Heimasíða Ásgarðs

14.12.2007 01:00

Klikkað veður og allt á hvolfi!

Veðurfréttir úr Ásgarðinum og tjónaskýrsla!

Mér er svo mikið niðri fyrir núna að puttarnir virka varla á lyklaborðinu!

Í gær þann 13 des þá ákvað ég eftir vægast stormasama nótt að fara út og skoða skemmdir hjá okkur.Ekki var spurning um hvort eitthvað hafi skemmst heldur hvað.
Gróðurhúsið er líklega ónýtt.Ferlega fúlt því mér þykir vænt um þetta hús þrátt fyrir að eyða kannki ekki alveg þeim tíma þar sem þyrfti til að hafa það flott.
En ég sé til hvort Hebbi minn nennir að tjasla því saman eina ferðina enn.Vanalega fara í því 1-2 rúður á veturnar en núna á tveimur sólarhringum þá eru rúðurnar orðnar í kringum 8 sem eru brotnar auk þess að listar hafa skemmst og ljósið er hrunið niður inní því.

Eftir að hafa skoðað gróðurhúsið og íbúðarhúsið sem stóð þetta af sér allt saman þá var haldið niðureftir til að kíkja á hesthúsið.Þar var hurð kengbogin inn og stórir timburflekar sem hafa verið geymdir hér árum saman á vagni voru einsog tannstönglar um allt hlaðið!

Kóngur Hróks og Pamela ásamt vinum stóðu í allar lappir.

Næst var að aðgæta skepnurnar og var allt í stakasta lagi í hólfinu fyrir eldri hross og minnimáttar:)

Tittirnir voru í fínu standi enda með afbrigðum skjólgott hólf sem þeir eru í.

Sömu sögu var ekki hægt að segja af aðalstóðinu en þar voru tvær hryssur sem höfðu orðið að öllum líkindum fyrir einhverju í veðurhvellnum eldsnemma í morgun.
Önnur hefur líklega fengið eitthvað í andlitið en hún er bólgin á auga og það lekur viðstöðulaust úr því.
Hin er draghölt á framfæti,gæti verið eftir spark frá öðru hrossi eða einhverju sem hefur fokið á hana.

Í nótt var svo brjálað veður að ég hreinlega vaknaði um 6:00 og gat ekki sofnað aftur fyrr en seint og síðar meir.Ég hélt að rúðan á svefnherberginu ætlaði að springa yfir okkur svo mikil voru lætin.Enda frétti ég að því að í verstu hviðum (uppá Keflavíkurflugvelli) hafi vindurinn farið í 71 metra á sekúndu!!!!

Á morgun á að drífa út traktorinn og gefa rúllu á línuna og svo verða aumingja hrossin að koma sér í skjól fyrir næsta hvell.Best að koma einhverju í greyin á milli lægða en eina leiðin til að fóðra þessa dagana er að rúlla út rúllu og láta þau éta hana þannig að allir fái í sig.
Ekki er mögulegt að gefa út nokkrar rúllur einsog vanalega því þá fýkur bara heyið á haf út!

Helga Skowronski kom hingað um daginn með næstum fullan vörubíl af önduðum öndum.Þær önduðust í höndunum á Ásgeiri hennar manni um morguninn og nú var komið að okkur að reyta og plokka og gera þær að flottum jólasteikum:)

Allt gekk þetta vel hjá okkur og alveg vorum við merkilega fljótar að þessu.Það ýtti kannski á okkur að litlan hennar hún Gígja var með og var sú stutta ekki alveg að átta sig á því að mamman hennar gat ekki haft hana í kjöltunni og gefið henni sopann sinn á meðan hún var að reyta endurnar:)Helga er svo mikil hetja að vera mjólkandi móðir með ungann sinn með í öllu mögulegu.
Ég held að það fari ekki allir í skóna hennar Helgu og ekki hefði ég viljað vera hún þennan dag.
Fyrr um morguninn sótti hún öll hrossin sín.........
Kíkið bara á bloggið hennar og sjáið hve dugleg þessi stelpa er!
http://www.123.is/helgadalshestar/default.aspx?page=blog

Eftir að hafa reytt og gert að öndunum þá klikkti hún út með því að prófa fyrir mig,gömlu stirðu konuna móálótta hryssu sem mér áskotnaðist í fyrra:)


Helga var mikið að tjá sig á merinni .Hún er alla vega talfær....sko merin:)

Ætli hún endi ekki sem ræktunarhryssa hér á bæ!Ég sem var nærri búin að selja hana.Ætla samt að bregða mér á bak henni og prófa hana nokkrum sinnum áður.Ekkert liggur á að bæta í ræktunarhryssuhópinn þó að tvær hafi fallið frá á þessu ári.

Ég er ekki sátt við sjálfan mig núna.Finnst ég vera að stirðna meira en vanalega þrátt fyrir fínu gigtarlyfin sem ég er á.Ég er ekki mikið fyrir pillur en verð að nota þær því annars kæmist ég líklega ekki útúr rúminu.

Eða þannig var það á tímabili á meðan ég var ógreind og ég ekkert að pæla í því hvers vegna ég var svona í bakinu.Hélt bara að svona ætti þetta að vera þegar að maður eltist og að allir væru svona.

Það er svo mikið gigtarslit í mér vinstra megin í mjaðmagrindinni að það er heilt kvalræði ef ég gleymi að taka lyfin mín.

Nú ef ég tek lyfin og allt er einsog það á að vera þá er ég fljót í fimmta gírinn og gleymi mér þá stundum og enda á kvöldin einsog spítudúkka.

Ég er að reyna að læra að gíra mig niður og vinna jafnar yfir daginn og komast yfir öll verkin í rólegheitum.

Djö.........er erfitt að sætta sig við að geta ekki gert allt einsog maður gat fyrir einhverjum árum!

Hugurinn stefnir alltaf í að gera einsog þá og skrokkurinn reynir að fylgja hlýðinn eftir þartil maður getur ekki meir.

Ussssssssss...........hver nennir að lesa svona vælublogg!

Best að skella inn hestamyndum af hrossunum síðan 13 Desember


Veðjar Dímonarson og Gná Hróksdóttir.

Týr og Gná Hróksafkvæmi.Það er eitthvað af skjóttu á bænum!

Íris vinkona mín í Þýskalandi sendi hér inn skemmtilegt comment og verð ég að láta það fljóta með fyrir þá sem sáu það ekki .
Hún sendi mér link inná Jóladagatal þarsem íslenski hesturinn virðist leika stórt hlutverk í og þar birtist þessi skemmtilega mynd í glugga 13 á dagatalinu:)
Fyrir þá sem ekki þekkja hana Íris þá var hún hér í haust með Sabine vinkonu okkar að mynda hross og fleira.

Hérna er þessi skemmtilega mynd sem hún Íris tók af honum Hrók mínum frá Gíslabæ að velta sér niður á túni.
Mjög skemmtilegt moment sem hún náði af klárnum .
Hér er svo linkur inná dagatalið:http://www.taktklar.de/

 

11.12.2007 01:09

Karen kind fengin


Þá er hún Karen kind búin að fá gott í kroppinn hjá honum Flanka vini sínum.Hún er soldið sérstök þessi kind og líklega komin útaf forystufé,minnsta kosti hegðar hún sér þannig og er alltaf fyrst og þarf bara að sjá út einu sinni hvert hún á að fara og þá er allt stimplað fast í hausinn á henni.Frekar stygg en er farin að verða blíðari við mann með hverjum lófanum af fóðurbæti:)

Við erum að fá mark,já ekki seinna vænna úr því okkur finnst svona gaman að rolast þetta innanum kindurnar.
Ekki slæmt mark myndi ég segja fyrir svona byrjendur einsog okkur.Verð ábyggilega með lokuð augun þegar að ég marka fyrsta lambið í vor af hræðslu!
Þá verður markið sjálfsagt eyrað af hægra og umskorið vinstra!
Nýja markið á að vera og vonandi tekst manni þetta (aumingi er maður:)að marka blessuð litlu lömbin með markinu heilrifað hægra,biti framan vinstra.
Nú það verður víst bara að brjóta eyrað sama og klippa á báðum eyrum........æææææææææ hlakkar ekkert voðalega til.
Afhverju má maður ekki tattóvera í eyrað á þeim einsog ég geri við kanínurnar mínar? Það er eitt sekúndubrot og búið og nánast aldrei blóðdropi:)

  Nýja aðstaðan fyrir kindurnar,ekki alveg endalega klárt en vel nothæft fyrir þær.Þú sérð Maríanna að við svindluðum smá og erum ekki búin að klæða veggina .

Þarna er annar litli hrússin sem fæddist í September.Þeir halda að þeir geti sinnt kindunum líka og eru að reyna að tilla sér á tá fyrir aftan þær ........

14 Desember.
Í dag verða líklega síðustu þrjár tilbúnar fyrir hann Flanka en þær voru svampaðar og tók ég svampinn úr þeim í gær.

11.12.2007 00:33

Jólin að nálgast og flott hestfolald til sölu!

Nú er sko Jólin á næsta leyti!Alltaf þegar að nágranninn minn er búinn að setja upp Jólaljósið á sitt hesthús þá kemst ég í Jólastuð:)


Fer að finna mín Jólaljós og skreyta húsið okkar(Hmmm...Hebbi reyndar:).Við erum bæði mest fyrir ljósin og finnst báðum gaman að skreyta með seríum en látum hitt liggja á milli hluta þ.e.a.s að versla stórt Jólatré og hengja upp allskyns dót nema þá Jólasokkinn minn gamla sem hýsir öll Jólakortin þartil dóttirin á bænum les hann upp eftir að búið er að snæða á Aðfangadag.
Eftir að dóttirin á bænum hætti að vera barn (er orðin 18 ára og fullorðin samkvæmt lögum:)þá látum við þetta ljósaskraut nægja.

Jæja"úr því ég er byrjuð að tala um Jólahaldið hér á bæ þá er best að klára að upplýsa ykkur um hvernig því er háttað hér í sveitinni.
Þarsem við erum með fullt af skepnum sem eru í algjörum forgang hér þá byrjar Jólastússið okkar á Þorláksmessu en þá förum við í bæinn,verslum ALLT fyrir Jólin,keyrum ÖLLU til vina og ættingja og brunum svo í sveitina aftur:)

Ekkert vesen með það gott fólk.Svona hefur þetta verið í mörg ár og hefur barasta alltaf gengið upp þó stressið sé náttúrulega mikið á einum degi.Ég nenni ekki að vera að stressa mig í fleiri fleiri vikur heldur er bara stressuð einn dag og svo búið!

Ég er hætt að standa á haus uppá skápum með skúringar græjur og hætt að baka svo ég geti státað mig af 18 sortum það árið .
Jólin koma samt og eru bara yndislegri eftir að ég hætti margra vikna stressinu.

Aðfangadagur fer að sjálfsögðu  í að sinna öllum skepnunum extra vel og allir fá pínu ponsu extra að borða (svo okkur líði vel:)

Síðan þegar að það er búið þá er bara spurningin hvað klukkan er og kannski er hún ekki orðin 18:00 eða hún er orðin miklu meira en 18:00.Skiptir ekki öllu máli:)

Það gerir bara ekkert til því að þennan dag er ég ekki að stressa mig neitt.Nóg var víst stressið á mér fyrri daginn hehehehehehehehe..........

Þarsem "barnið" mitt er skilnaðarbarn+einkabarn þá fær hún auðvitað extra fleiri pakka OG borðar á tveimur stöðum þetta kvöld!"Heppin" þessi skilnaðar-einkabörn:)

Mér finnst alltaf svo sérstakt að fá hana til okkar á Aðfangadagskvöldið:)

Hún er svo föst í gömlu hefðunum að hún má ekki til þess vita að ég ætli ekki að vaska upp fyrren eftir að búið er að opna pakkana!
Ekki að ræða það!!!!Nú þá þarf maður náttúrulega að gegna  "krakkaorminum"og við vöskum upp saman:)

Svo næst sækir hún sokkinn með öllum Jólapóstinum og les upp úr honum og þá er nú gaman.
Næst má maður opna pakkana!En hún útdeilir þeim af mikill vandvirkni:)Fyrst sækir hún poka undir umbúðirnar og skæri því ekki má rífa pappírinn þrátt fyrir að honum verði hent:)

Hún var alveg "óþolandi"þegar að hún var lítll óviti!
Ég hélt að ég fengi barn sem myndi tæta og rífa í sig jólapappírinn með stæl en hvað.........biður ekki barnið um skægi(skæri:) mamma?

Ein Jólin skeði soldið mikið fyndið heehehehehehe.....
Þá var hún nú orðinn unglingur og með viti.
Hún var að lesa póstinn af mikilli vandvirkni uppúr Jólasokkinum þegar að hún fer að hiksta í lestrinum!
Það var kort frá systir Hebba og það hljóðaði cirka svona:
Gleðileg Jól
Elsku Hebbi HAFDÍS og Kristbjörg.Hmmmm..........Hafdís er fyrrverandi konan hans Hebba ( fyrir MÖRGUM árum:) og ekki veit ég á hvaða systirin var að hugsa eða drekka þegar að hún skrifaði kortið!
En Krissa dóttir mín var alveg miður sín þartil ég sprakk úr hlátri því auðvitað var þetta bara hlægilegt hehehehehehe.......

Næstsíðasti hvolpurinn hennar Buslu er farinn í Skagafjörðinn og ætlar að verða minkaveiðihundur og verja Æðarvarp.Hann er algjört yndi og vona ég að nýi eigandinn komi til með að njóta hans vel:)
Þá er sá hundur sem ég hélt að færi fyrst en það er hann Zorró kallinn og er ég alveg við það að splæsa á hann geldingu og eiga hann bara sjálf með öllum tíkunum.
Ég ætla að gefa honum þau tímamörk að ef hann verður enn óseldur þegar að nýja árið rennur í garð þá mun ég eiga hann sjálf.Líst svo fjári vel á geðslagið í þessum hundi.
Er eiginlega að renna á rassinn með söluna á honum:)

Hér er búið að vera snjór yfir öllu og veðrið stillt og kalt alveg einsog ég hafði óskað mér.Gaman að sjá stóðhestana ólmast sama útí snjónum og velta sér.

Hvaða faxspray notar þú Dímon? Falla stelpurnar fyrir þessari lykt?

Komum bara í snjókast Hrókur og pælum í stelpunum í vor ......

Biskup og Völusteinn Álfasteinsson eru bestu vinir .Létu sko hina ekki trufla sig við að kljást.

Allir eru við hestaheilsu og allir komnir á gjöf.
Við erum búin að vera í hrossaflutningum enda veðrið gott í það.
Núna eru flestöll hrossin komin í Ásgarðinn sem verða hér í vetur.

Ein vinkona okkar kom í gær til vetrardvalar en það er hún Freyja kellingin sem er alveg með það á hreinu að hestakerrur er eitthvað sem hún vill ekki ferðast með!!!!
Hún gerði bókstaflega allt sem henni datt í hug og þegar að ekki gekk að mótmæla með því að setjast á rassgatið þá lét hún sig detta niður og alveg á hliðina!

Eftir hartnær tveggja tíma streð við hana þá loksins höfðu eigendur hennar sigur úr býtum og Freyja þurfti að lúta í lægra haldi og má hún bara vera fegin að hafa ekki þurft að labba í Ásgarðinn í ár!
Í Ásgarðinn átti hún að koma á einn eða annan hátt:)

Ég var að eignast gráa hryssu og folald:)Sú gráa er búin að sýna af sér það mikinn óþverra hátt að hún verður felld.Ekkert annað hægt við hana að gera.En þarsem þónokkur kostnaður er á þessum tveimur hrossum hér þá ákvað ég að skoða folaldið betur sem er hestfolald og ætla að skella því á sölu.

Hann er fæddur bikasvartur með stjörnu en er að byrja að grána í kringum augum sem þýðir það að hann verður grár og svo hvítur þegar að hann eldist.Hann fer um á flottu brokki og svifmiklu.
Þetta er Hrókssonur sem bætir geðslagið heldur betur enda sá stutti mjög geðþekkur í umgengni þó styggur sé.Ekki til í honum neitt vesen og lætur mann ýta sér þvers og kruss um allt hesthúsið:)Hann verður gasalega lappalangur og töff foli.

Ættin er eitthvað á þessa leið:
Faðir: Hrókur frá Gíslabæ sem er undan Kormák frá Flugumýri.
Móðir:Er komin útaf Orra frá Þúfu í föðurætt og í móður ætt er hún komin útaf Kveik frá Miðsitju.
Mig bráðvantar gott nafn á hann!Einhverjar tillögur???
Já eða tilboð í kauða??? Hafið samband í netfangið
herbertp@simnet.is

07.12.2007 00:21

Hermína kind lembd



Hermína og Flanki eru búin að vera svooooooo.....ástfangin.Þá eru komin kannski og vonandi tvö kríli í hana.Hún gæti nú alveg rúmað nokkur lömb í sinni stóru bumbu.Þessi kind er alveg ótrúlega mikil um sig að hún er einsog fjárhús á fótum!
Við erum að gera sér kró fyrir kindurnar okkar og erum búin að hleypa nokkrum öðrum megin í og er mikill munur að geta gefið á garðann.
Ég hef voðalega gaman að þessu kindabrölti og hlakkar til vorsins og sauðburðarins.Enda erum við að verða komin með svo góða aðstöðu fyrir þær og ég tala nú ekki um fínu flottu girðinguna sem við hebbi gerðum fyrir þær síðastliðið vor þarsem þær eru fyrst með lömbin.
Gott að hafa þær svona alveg við húsin ef veðrið verður vont þá er ekkert annað en að kalla í þær inn og hýsa.
Þetta er bara svona sérstak kindablogg svo ég hafi nú dagsetningarnar á dömunum fyrir vorið á öruggum stað að fletta upp í hvelli .

04.12.2007 22:41

Gamla Hrauna lembd


                       Gamla Hrauna frá Hrauni með sonunum sínum.                            


Gamla Hrauna var í miklu stuði í dag þegar að henni var hleypt útí góða veðrið með öllum hinum kindunum.
Ég var nærri búin að missa þær undir tveggja strengja rafgirðingu þessar nýju sem ég var að fá um daginn en þær náttúrulega eru ekkert hræddar við svona strengi í Ásgarðinum...............ennþá hehehehehe.

En mér tókst að stökkva fyrir þær og sýndi gamla takta frá því maður var ungur og sprækur og stökk einsog Gasella yfir kargaþýfi einsog ekkert væri.

Ég er samt ansi hrædd um að ég hafi í dag stokkið frekar líkt og Fíll á hjólaskautum en það þrælvirkaði á kindurnar sem drifu sig hið snarasta inn aftur undan kellingunni.

Gamla Hrauna æddi inn með látum og stoppaði ekki fyrren hún fann hann Flanka hrút og þau voru sko ekkert að fela sinn ástaleik fyrir börnunum hennar tveimur sem horfðu undrandi á móður sína!Bara 3 mánaða kríli og fengu að sjá  fyrstu skrefin hjá væntanlegum systkinum sínum en við skulum vona að sú gamla komi með tvö stykki og það helst gimbrar næsta vor:)

Pálmi Pamelusonur svaf vært í heyinu og rumskaði ekki .

Veðrið var með besta móti í dag og það hvorki söng né hvein í neinu hér og var maður bara hissa á því hve hljótt var í veðurguðunum í dag.

Nú skal fara með hann Black Beauty austur og vita hvort hann Raggi vinur okkar finni eitthvað útúr þessu með gírstöngina sem ákveður það sjálf hvort bíllinn fer í gír eða ekki.Ef hann Raggi hefur tíma til:)Elsku besti Raggi okkar......

Ég veit ekki hvernig við færum að ef þessi drengur væri ekki svona þolinmmóður við bílinn okkar og héldi honum ávalt í góðu lagi.

Þegar að það er búið þá eru sko hestaflutningar framundan í Borgarfjörðinn og austur fyrir fjall.
Best að klára að flytja heim þau hross á næstu dögum áður en önnur svona leiðindaveðurkast gengur yfir.
Ekkert sérstakt í fréttum annars héðan.
Hafið það sem allra best elskurnar mínar þangað til næst .

03.12.2007 21:35

Halastjarna fallin

Halastjarna var orðin of veik og kom ég að henni um helgina í hesthúsinu þarsem hún hafði lagst niður í síðasta sinn.
Folaldið hennar hún Sága virtist alveg vita að mamma hennar stæði ekkert meira upp og þagði.
Eina sem maður getur huggað sig við var að Halastjarna var komin inní hlýtt hesthúsið og búin að fá verkjastillandi lyf ásamt öðrum lyfjum og kvöldið áður eyddi ég extra tíma með henni og sat góða stund og horfði á hana tyggja heytuggurnar í rólegheitum.

Það er svo skrítið með skepnur og stundum líka fólk sem hefur verið mikið veikt að stuttu áður en það fær hvíldina þá er einsog að það kvikni extra líf í því rétt áður en það deyr.
Þannig var það með merina og ég hélt eitt augnablik að hún væri að hressast við.


Halastjarna fyrir tæpum mánuði,feit og falleg.Svolítið óskýr mynd.


Ég áttaði mig svo á því í gær að það átti eftir að taka Dna úr henni Halastjörnu núna í Desember en hún var ein af örfáum sem ekki var testuð í fyrra.

Nú voru góð ráð dýr og eftir að ég grennslaðist um hvað hægt væri að gera áður en merin yrði grafin þá er þetta hið minnsta mál sem betur fer.

Við tókum sýni úr hryssunni og svo verður það sent í greiningu og málinu  reddað.

Þá fá þær Sága og Hel Hróksdætur Rautt A í Veraldarfenginn.


Sága Hróksdóttir,síðasta afkvæmi Halastjörnu.Stórt og myndarlegt merfolald.

Einnig hann Heljar sem er undan Ögra en ég er búin að finna hann Ögra Glampason pabbann að Heljari og ætla að láta taka Dna úr honum þegar að hann kemur suður í framhaldstamingu.
Hann er orðinn afbragð reiðhestur fyrir þá sem komu með hryssur undir hann í hitteðfyrra og ekki hafa frétt af honum.

Við fórum í Grindavíkina að sækja folaldið hennar Sabine og settum það inní hesthús og þarmeð er hann Hrókur orðinn folaldapassari.Það er hans líf og yndi á veturnar að passa folöld á og eins gott að enginn komist nærri þeim en hann hleypir engum að þeim.

Auðvitað elur hann þau upp og er það hið besta mál að þau læri virðingu við eldra hross td í heyrúllu.
Þau gapa alveg voðalega fyrstu dagana á meðan að þau eru að átta sig á því hve nærri heytuggunni þau mega vera.

Mér finnst svo gott að hafa rúllu útí leikhólfinu því þá er ég mun rólegri að folöldin fari sér ekki að voða á meðan ég er að dunda við annað.

Ef Hrókur hreyfir sig þá elta þau hann hvert sem hann fer.Í vatnið,til baka í heyið og svo inní hesthúsið þegar að ég kalla á hann.

Mig munar ekkert smá um að hafa klárinn í þessu hlutverki og sparar þetta manni sporin og slysahættan stórminnkar hvað varðar að þau greyin séu ekki að hlaupa á girðingar af ótta við okkur tvífætlingana.

Ég gaf öllum hey í dag og eru þá öll hross í Ásgarðinum komin á gjöf.Ég ætla að byrja rólega til að minnka líkur á að þau fái í magann og rúllaði ég út rúllu og gaman var að sjá þau raða sér í tugguna.
Núna er á leiðinni enn ein lægðin með látum og vonar maður bara að þetta verði ekki svona í allan vetur því það verður erfitt að gefa út þegar að veðurguðirnir hrifsa til sín aðra hverja tuggu og feykir henni á haf út!

29.11.2007 15:24

Halastjarna veik - Kindin Afvelta lembd

29 Nóvember

Veðrið er búið að gera bæði mönnum og skepnum gramt í geði.

Vægast sagt og var mér nóg boðið og ákvað að setja inn elstu hrossin úr heldri hrossa hólfinu áður en enn eitt veðuráhlaupið gengi yfir.

Það var ekki vandamálið að fá hrossin heim að hesthúsi og eina hrossið sem var að vesenast eitthvað var hann Felix kallinn sem vildi fá allar hryssurnar sínar inn og ekki skilja neina eftir útundan.

Felix orðinn sáttur og farinn að tína í sig stráin.


Halastjarna gamla sem er orðin gömul og hægfara var óvenju hæg þennan dag og Felix hljóp alltaf aftur útúr hesthúsinu og kallaði í hana alveg ólmur að fá hana inn líka.Sem betur fer segi ég nú bara því þegar að hryssan kom inn loksins eftir að ég varð að fara út og hjálpa Felix með hana þá sá ég fljótlega að hún var ekki í lagi.

Það stórsá á henni holdafarslega séð og það lagði megna ólykt útúr munninum á henni.Hún átti erfitt með að éta og datt mér strax í hug að það væri eitthvað að tönn í henni og hringdi ég í hann Jón Steinar sem kom einsog og kallaður og kíktum við uppí hana.

Lyktin var óbærileg út úr merinni.....Aumingja skepnan.

Ekkert athugavert sáum við uppí hryssunni nema nokkuð góðar tennur miðað við aldur en Jón renndi raspinum yfir jaxlana svona úr því að hryssan stóð svona þæg og góð.

Ég var búin að hringja í dýralækninn líka og tala við hann og kom hann skömmu síðar og þá kom það í ljós að Halastjarna var komin með lungnabólgu.

Það var brakhljóð í henni vinstra megin en ekki mjög djúpt en hægra lungað var hreint og engin óhljóð þeim megin.Mesta kvefið var í efri hlutanum og hryssan með nærri 40 stiga hita sem er hár hiti í hrossi.

Hann gaf henni Pencillín í æð og verkjastillandi því hún átti erfitt með öndun. Inni varð hún að vera og var ég ákveðin í að gera allt sem ég gæti fyrir hana blessaða enda búin að skila okkur nokkuð mörgum afkvæmum í gegnum tíðina og sárt að sjá á eftir henni án þess að reyna að hlúa að henni einsog hægt var.

Hringur er hennar elsta afkvæmi okkur fætt sá brúnblesótti en Halastjarna gerði það bara einu sinni að skila okkur þessum fallega lit.

Við gengum frá hrossunum einsog hægt var miðað við aðstæður en auðvitað gátum við ekki haft öll inni með henni Halastjörnu svona fárveikri en hin voru sett í gott skjól á meðan veðrið gekk yfir með látum.

Folaldið hennar var með henni inni og var ég að undra mig á því hve mikil mjólk var enn í hryssunni þrátt fyrir hve veik hún var orðin.

Það er ekki nema svona cirka hálfur mánuður síðan að hryssan var tekin inn ásamt fleiri hrossum og ormahreinsuð og þá var hún bara fín í holdum en eitthvað hægari og rólegri en vanalega.

Næst fórum við útí stóðhestahús og unnum þar verkin okkar og hleypti ég honum Flanka í kindurnar og núna lembdi hann hana Afveltu.Þá vonar maður bara að hún Afvelta kind standi í allar lappir og komi með falleg lömb að vori.
Hún fékk nafnið Afvelta vegna þess að hún fór tvívegis í afveltu hjá fyrrum eiganda núna síðastliði haust!
Enda feit og pattaraleg kind og kannski of holdmikil svo hún nái almennilegri fótfestu:)
Blogga meir í kvöld,er að reyna að vinna upp þessa blogglausu daga í réttri röð.

28.11.2007 23:58

Stórar "mýs" og litlar mýs:)

Smá fréttir úr Ásgarðinum fyrir suma sem eru spenntir að fá fréttir:)

Flanki fær ekkert að gera og er að verða ansi óþolinmóður við kvinnurnar sínar.Þær spýtast undan honum hægri vinsti og vilja ekkert með hann hafa.
Karen kind er einna duglegust og spýtist kinda hæðs og lengs:)Enda komin útaf Forystufé og sést það á hennar sérstöku og oft skemmtilegu hegðun.Kind með karakter:)

í kvöld spýttist hún á milli rimla og endaði inni hjá honum Völustein sem bauð hana velkomna í tuggu til sín.Held að honum hafi þótt hún soldið flott en líka soldið kindarleg:)

Má bjóða þér tuggu Karen kindarlega?Þetta er ný tugga en ekki gömul.......


Ég vona að þær beiði bara allar helst samtímis og styttist óðum að einhver fari að beiða/blæsma.Fyrir Sibbu hehehehe......sko blæsma orðið:)
Þá væri nú gott ef þær gætu bara gert það í einni bunu.

Hafið þið fundið það þegar að einhver virðist vera að horfa á ykkur og þið snúið ykkur við og enginn er á bakvið ykkur!?Svona er mér búið að líða í einhvern tíma þegar að ég hef verið að gefa fénu og ég ákvað að snúa mér bara nógu snöggt við og þá greip ég kauða með augnsambandinu einu saman hehehehehehe.
Eitt stykki "stór mús"starði á mig á móti!!!Rosalega stór meina ég!!!!
Gildrurnar voru drifnar útí hús og spenntar og meira músaeitur fengið og sett í alla eiturkassana og vola!!!!!

Nú er ég búin með þessari myndbirtingu að minnka heimsóknir um 50%í Ásgarðinn,það verður bara meira kaffi og kökur eftir handa okkur stelpur mínar hehehehehehe...........Sorrý strákar fyrir þetta skot á ykkur.Stelpurnar eru alltaf að tala um hve miklar krúsídúllur þessar skepnur eru..............
EN þarna sést að það eru bara gamlar kerlingarbrækur/bækur að mýs og rottur geti ekki búið saman í sátt og samlyndi.Þessar tvær ákváðu að fara saman út að borða.....úpppsss .
Eftir alla þessa veðurhvelli þá virðist sem aumingja litlu sætu dýrin tolli ekki lengur í heimkynnum sínum fjörunni og leiti skjóls allstaðar þar sem þær geta.
Ég er nú algert dýrafrík en þoli samt ekki þessi grey í mínum húsum.

Ég er búin að vera eitthvað veik undanfarna daga.Var náttúrulega ekkert að fatta það fyrst,hélt bara að ég væri svona þreytt en fyrr má nú fyrr vera þreyttur!
Einhver bölvuð flensudrulla bara sem vonandi fer að líða hjá.Hef ekki tíma fyrir svona flensubull.

Folöldin frá Val í Víðihlíð eru komin í bæinn.
Ég veit ekki hvort ég var búin að blogga því en ég hef verið að selja folöld frá honum og eru 4-5 seld og ég held að það séu bara eftir 2 óseld úr hans ræktun og svo 2 ansi falleg brúnsokkótt.
En Valur var svo óheppinn að vera á ferðinni akkúrat þegar að brjálaða veðrið gekk yfir landið og fóru mestu vindhviðurnar yfir 50 metra á sekúndu undir Hafnarfjalli!
Hann ásamt fleiri fleiri flutningarbílum biðu af sér veðrið yfir nótt í Borgarfirði.

Hann komst svo klakklaust í bæinn morguninn eftir með fullan bíl af folöldum og hrossum.2 af þeim eru seld út til Noregs og fara strax eftir áramótin með flugi út.3 önnur eru seld hér inanlands.
Set hér inn mynd af öðru þessu sokkótta sem er óselt að gamni ef einhver hefur áhuga.

 

24.11.2007 11:00

Hryssan sem missti fóstrið fundin!

 Líklega er það komið í ljós hver af þremur hryssunum lét fóstrinu sínu útá túni eftir veðurlætin nóttina og morguninn sama sólarhring.

Gráa gestahryssan kom uppað hliði í dag og tók ég hana inn og sá þá að hún er með í taglinu brúnann lit og á hæklunum sem ekki hefur verið áður.Greinilegt var að þetta hafði verið klístur sem nú var þornað.

Hún hefur hríðlagt af á aðeins 6 dögum frá því ég tók á henni en það var síðasta Sunnudag þegar að allir voru teknir inn af túninu og meirihlutinn ormahreinsaður og settur inná vetrarhagann.
Þá var hún í fínu formi og leit vel út.

Svo stendur hún núna gleið eins og hún sé að fara að pissa.Það segir mér að hún sé sú sem missti fóstrið.Eða það er mín kenning.

Henni líður ekki vel og er alveg greinilegt að hún er eitthvað lasin eftir þetta.Aumingja skepnan að lenda í þessu.Ömurlegt fyrir hana.

Verst að ég næ ekki enn í eigandan að henni!

Hún gengur við opið hesthúsið með sínu folaldi og hryssu frá okkur sem er líka með folaldi.
Ég ætla að fylgjast með henni og ef hún fer ekki að braggast þá verð ég að kalla á doksa og biðja um hjálp.

Ég frétti af hryssu fyrir norðan sem missti líka sitt fyl/fóstur svona eftir veðurlætin.Kannki ekki vitlaust hjá fólki að huga að fylfullum hryssum í högum hvort þær séu í lagi.Vonum að það fari að hægjast um og vetur konungur fari að hegða sér almennilega.

Ég fór á röltið í dag brrrrrr.........rosalega var kalt!
Hafði cameruna með mér og smellti af nokkrum myndum.
Allir hafa það gott og eru í flottu standi.

Hugur frá Höfnum  mamma hans Pamela týnd í rúllunni og Heilladís frá Galtarnesi stundum kölluð Landsmóts Sokka:)


Embla Hróks+Lm Sokku og Hugur Dímonar+Pamelusonur.Hugur er að flýta sér alveg einsog hann getur að stækka.Hann fæddist frekar seint eða í ágúst.Sætur strákur hann Hugur:)

Sokkadís kom að líta á kellinguna sína.Hún flóðmjólkar enn og fær hann Loki að vera áfram undir henni enda hafa folöldin það best að fá að vaxa og dafna útivið með mæðrum sínum eins lengi og hægt er.Ég tek helst ekki folöldin undan ef mæðurnar eru í lagi holdafarslega og mjólka enn folöldunum.Um að gera að fóðra þær bara vel þá verða folöldin svo stór og spræk.
Best þykir mér ef ég mögulega get að hafa þau undir mæðrunum fram að vori en þá er gott að taka þau inn og kenna þeim sitthvað um tvífætlingana,okkur mannfólkið.Gott að læra góða hesthúsasiði á meðan þau eru ekki orðin risatór og óviðráðanleg 300-400 kílóa flykki!
Ég er eiginlega vaxin uppúr svoleiðis tamningum .

Hylling Brúnblesadótti með Rán Hróksdóttur.Rán nýtist vel sem klórustaur fyrir móðurina .

Dímon og Glófaxi að ræðast við.Eru mestu mátar og þægilegir að hafa á húsi.

Völusteinn alltaf svo fínn og flottur! Þvílíkur snyrtipinni þessi foli
Bara ef að öll hross væru svo þægileg hvað varðaði að halda sér hreinum.Ekki veit ég hvernig hann fer að því að halda sér svona fínum,ég ber bara í stíuna hans eins og hjá hinum og hann sem hefur nóg pláss virðist ekki einu sinni leggjast niður!

Nú fer að líða að því að öll hrossin á bænum verði komin á vetrargjöf.Það á að snjóa á morgun og svo þiðna aftur og fara að rigna! Þetta er bara ekki sanngjarnt!

Flanki fékk EKKI að vera óáreyttur í dag í sínu kvennabúri.Ég var þar og fylgdist vökulum augum með framgöngu hans og Herbert var hvergi nærri til að leyfa honum að valsa um gibburnar að vild .
Engin var að ganga í dag (auðvitað gengu þær um gólf hvaaaa....) þannig að hann fékk ekkert að gera nema að hlaupa á eftir þeim sem ekki gengu heldur hlupu um gólf:) Vona að bændurnir á Neðra Skarði skilji þetta hehehehehehe........Sko yngri bændurnir,ég veit að þeir eldri vita allt um blómin og býflugurnar.
Allt semsagt gekk upp hjá mér með gibburnar sem ekki voru að ganga heldur hlaupa .
Þangað til næst,farið varlega í veðrunum sem spáð er á næstu dögum elskurnar mínar .

23.11.2007 23:26

Tóta kind fengin 21-11 og búmannsraunir

Nú er eiginlega nóg komið af þessum ömurlega veðri.
Lætin í nótt voru slík að maður gat vart sofið og oft var mér hugsað til skepnanna úti sem vindurinn og regnið lamdi á.
Það endaði líka með því að ein merin lét folaldinu sínu og fann Magga það niður á túni í fylgjunni.

Við vitum ekki hvaða meri nákvæmlega lét folaldinu sínu en þarna voru þrjár hryssur fylfullar og allar líka með folöldum frá í sumar.

Tvær voru teknar inn en von var á dýralækni að ormahreinsa og hafði hann á orði að eitthvað yrði undan að láta í þessum veðurósköpum og það væri veðrið og ekkert annað sem hafi ollið þessu.

Tvær af hryssunum eru gestahross hérna og ein frá okkur.

Sú hryssa sem er frá okkur var að hnusa af belgnum með folaldinu í þegar að Magga kom að.

Stórstjarna og sonur hennar Kvöldroði.

Ég tók hana inn en það er hún Stórstjarna Brúnblesadóttir með son sinn Kvöldroða.
Ekki gat ég séð neitt aftan á henni og virtist hún eðlileg.En ekki getur maður samt verið viss.

Önnur kom inn með henni og virtist hún vera í lagi eða virkaði þannig í hegðun.

Sú gráa slæga var lengst niður á túni og var á kroppinu og kærði sig kollótta um það sem við vorum að gera uppí hesthúsi.

Ég vona að ég ofbjóði engum með þessari myndbirtingu en hér er litla krílið sem hefði orðið hestfolald.

Nú spyr ég,er einhver þarna úti sem les þetta og getur sagt hvernig best sé að sjá hvort hryssa hefur látið svona stóru fóstri???
Hvar er hann "gamli"eða "illur"sem voru svo skilmerkilegir alltaf inná 847? Mig bráðvantar að fá að vita ef það er einhver möguleiki er á því að merarnar verði veikar eftirá eða hvort hægt sé að sjá hver lét folaldinu!!!??? Er einhver Dýralæknir sem les þetta blogg mitt og vill vera svo vænn að pikka fáein orð í commentin,má vera nafnlaust:)

Flanki var ekki lengi að koma sér að verki daginn eftir að við settum inn kindurnar en sú fyrsta sem gekk fyrir hann var hún Tóta litla tindilfætta úr Grindavíkinni.

Næsta dag var svo ætlunin að setja Flanka aftur saman við eftir að hafa fengið að hafa hana Tótu hjá sér í stíu en þá þurfti ég endilega að vakna upp við vondann/góðan draum!

Við vorum í svaka stuði að setja inn 7 rúllur í stóðhestahúsið þegar að Valgerður vinkona hringir og spyr mig "hvar ertu"???

Úpppssss!Á þessari sömu mínútu átti ég að vera inní Hafnarfirði á Saladmaster matreiðslu námskeiði!!!

Ég henti öllu frá mér og æddi heim í sturtu og brunaði inneftir og mætti akkúrat þegar að var verið að byrja að bera fram fyrstu kræsingarnar:)

Hver frábæri rétturinn af öðrum var borinn fram og var maður orðinn ansi pakksaddur í restina.

Það sár vantaði manninn sem maður stólaði að kæmi með spurningar úr sal!!! Sigurður heitir hann úr Borgarfirðinum þarsem rjóminn liðast niður hlíðarnar hehehehehe..........Alveg satt!
Kannski hefur Sibba verið með hann hlekkjaðann inní kústaskápnum fræga:)

EN það var mættur annar maður sem reddaði þessu en það var hann Hörður frá Hrauni sem spurði úr sal í staðinn og stóð með með sóma:)

Þetta var mikið gaman og góður maturinn!Nammi namm:)

Þegar að heim kom þá spurði ég náttúrulega minn mann hvernig hafi gengið að láta Flanka skanna kindurnar en það var fátt um svör.Held hann hafi ekkert kært sig um að hreyfa mikið við hrútnum án mín:)Enginn til að bjarga kalli ef hrússi hefði gert aðra atlögu að honum:)

EN hann reddaði þessu bara snilldarlega í dag skal ég segja ykkur!

Hann Herbert sleppti bara öllum kindunum á ganginn og setti Flanka saman við og fór svo bara heim og sagði ekki eitt einasta orð við mig um þetta frægðarverk sitt fyrren seinnipartinn!

Ég get svo svarið það að ég trúði honum ekki fyrren en ég sá þetta sjálf með eigin augum!
Jú"Flanki alsæll með öllum konunum sínum og DÓTTUR frammá gangi í heyrúllunni EFTIRLITSLAUS Í ALLAN DAG!
HVERNIG Í ÓSKÖPUNUM Á ÉG AÐ VITA HVERJAR HANN TÓK/LEMBDI EÐA EKKI???????
KARLMENN!!!!!!!!!!!!!!!!!!!!!!!!!!!!!!!  .........
 

 

21.11.2007 00:56

Kindur teknar á hús og

Þá er búið að "smala" Ásgarðinn og allt féð komið á hús.
Allar 4 gibburnar sem enn voru úti komu hlaupandi þegar að þær heyrðu í plastpokanum með brauðinu:)

Ekki málið að fá þær heim í hús,beint uppá hestakerruna og beint á sinn stað í stóru húsunum útfrá.

Flanki var leystur úr sinni stíu og látinn tékka á því hvernig stadusinn væri og hvort áhugi væri fyrir smá hmmmm......hvað kallast það eiginlega hjá kindum?
Segjum bara do do,það skilja það allir hehehehehehe.....

Ekki er ráð nema í tíma sé tekið hjá svona rollu byrjendum einsog mér og Hebba:)

Ein lyktaði svona ferlega vel að hans sögn og átti hann voðalega bágt með sig og elti hana á röndum.

Sú elsta,kind með reynslu ......

Svo tók hann sér smá pásu en hann sá húsbóndann á heimilinu með fötu og auðvitað var hann alveg handviss um að þar væri nú eitthvað gott í gogginn.

Hebbi sýndi honum ofaní fötuna og hún var tóm!
Aumingja Hebbi minn var rétt búinn að snúa sér við með tómu fötuna þegar að Flanki renndi sé í hann!

Áææææææ"..... æpti kallinn og Flanki bakkaði og gerði sig líklegann í aðra atlögu í hann.Hebbi stappaði og öskraði á hann og var illa staðsettur og hálf af króaður.

Ég hentist af stað og rétt náði að grípa í rassgatið á Flanka og togaði hann til svo hann missti jafnvægið og árasin misheppnaðist hjá honum.

Ég held að geðslags einkunn Flanka míns hafi hrapað eilítið í dag.OG ég held að hann Hebbi minn gefi hrússa kannski aðeins minna brauð á næstunni hehehehehe.....

Í fyrradag vorum við í hestaflutningum og komum við við í þessu flotta hesthúsi í Víðidalnum.

Það var svo svakalega snyrtilegt og flott að ég hefði líklega ekki tímt að setja þarna inn hross:)

g varð mikið hrifin af innréttingunum og auðvitað fór kollurinn minn að snúast í marga hringi og pæla og pæla.

Við erum of sein að gera nokkuð í okkar hesthúsi í vetur þannig að núna verður maður bara að láta sér dagdrauma nægja þartil næsta haust.

19.11.2007 01:08

Ormahreinsun og gestagangur

Loksins hætti að rigna og kom skínandi gott veður með rjómalogni.Kalt var en það gerði bara ekkert til:)

Við réðumst í að ormahreinsa nokkur folöld og mæður þeirra og eru einungis eftir 3 merar niður á túni og ætla þær að bíða þar af ýmsum ástæðum.

Ein af þeim var næstum skotin hér í dag vegna þess að hún lét löpp vaða í átt að mér tvívegis og munaði minnstu að hún hitti mig.Ef eigandinn að þessari skepnu fjarlægir hana ekki fyrir næstu mánaðarmót þá verður hún felld.

Þetta eru stór orð sett hér á bloggið en mér finnst ekki hægt annað en að pikka þetta niður þarsem ég næ ekki sambandi við eigandann að þessu hrossi hvorki símleiðis né í gegnum internetið.
Það þarf mikið til að ég bregði skapi og í dag þegar að sú gráa sló tvisvar í áttina að mér þá ákvað ég að gefa bara þennan stuttan sjéns með þetta hross og vona ég að eigandinn hafi samband við mig núna fljótlega og geri upp og taki skepnuna af minni landareign.
Þolinmæði mín er þrotin eftir hátt í 2 ár með þessa hryssu hér berjandi í allt og alla!
......mín,hringdu eða sendu mér mail og láttu einhvern sækja þá gráu í snarhasti!

Týr,Kvöldroði og Gná Hróksafkvæmi.Sannkallaðir englabossar:)

Öll voru folöldin óskaplega þæg í ormalyfsgjöfinni og hefur þetta aldrei gengið eins vel hjá okkur áður.Líklega er það vegna þess að folöldin voru margsinnis búin að fá að koma inní hesthúsið og skoða það í krók og kima og fá auðvitað tugguna:)
Ég fór líka rúnt um hólfin og allt er í sakasta lagi með alla.
Felix var að ég hélt alveg að geispa golunni á tímabili!

Skúffugeispi.......

Hjöruliðgeispi........


Svo get ég verið bara sætur...............

Tóta að njóta veðurblíðunnar.

Kindurnar eru bara feitar og pattaralega kannski um of.
Við misstum því miður eina veturgamla í afveltu um daginn og var sárt að koma að henni dauðri og var Krummi búinn að ná að kroppa í hana helvískur.Vona að hún hafi verið farin yfir móðuna miklu áður.

Ég fékk skemmtilega gesti seinnipartinn í dag en hún Anna systir kom með litlu frændsystkinin mín í heimsókn.
Auðvitað fengu börnin að fara á hestbak og reyndar var það hann Pálmi litli sem vildi bara setjast á hross og hann samkjaftar ekki sá litli hehehehehehehe.......
Svo sagði hann bara "áttu meiri dýr"!

Þá var arkað útí móa og kallað á kindurnar sem komu þjótandi og Pálmi var sko ekki hræddur um puttana sína og tróð í Hermínu kind kúlukögglum.Perlu Sóley þótti öruggara að halda sig nærri ömmu sinni og horfa á bróður sinn litla þeytast á milli kindanna óðamála með nammi í lófanum:)

Áttu meiri dýr? Auðvitað átti frænka meiri dýr handa börnunum og næst voru Endurnar skoðaðar.

Pálmi var alveg til í að fara svo næst og sjá meiri dýr útí stóru húsum en kuldinn var að drepa alla svo við fórum heim og hituðum okkur te.

Eftir kvöldmatinn drifum við okkur útí stóðhestahús en öllum var hleypt útí rúllu í dag.Það er nú meira hvað stóðhestarnir eru góðir og þægir saman.

Núna er hægt að skella öllum útí einu og eru þeir pollrólegir að maula í sig heyi á meðan við vinnum við annað.
Gaman að þessum greyjum:)

15.11.2007 22:09

Sokkadís,Loki og Kóngur heim

Við fórum austur fyrir fjall um daginn og sóttum Sokkadís og son hennar hann Loka Dímonarson.Sokkadís var orðin verulega hnjúskuð en með því að koma henni í rúllu fyrir austan þá snarlagaðist hún á meðan við vorum að koma honum Blakk bílnum okkar í það stand að geta farið í svona langferð.

Loki Dímonar að heilsa Væntingu Glymsdóttur systur sinni.

Loki hefur blásið út og er hinn myndarlegasti.Hann er orðinn verulega stór og slagar í að ná mömmu sinni á hæðina en hún er nú reyndar frekar lítil blessunin:)

Í bakaleiðinni var hann kóngur Hróksson sóttur á annan bæ en hann var líka orðinn hnjúskaður og þurfti að komast heim í aðhlynningu en hann var orðinn líka kvefaður í öllu vatnsveðrinu sem dynur á öllum þessa mánuðina.
Svo hefur hann náð að meiða á sér annan afturfótinn og er þetta þriðja trippið sem er meðhöndlað hér á bæ vegna sára á fótum í haust!

Kóngur og Flanki saman að borða.

Gríðalega hefur hann Kóngur samt haft það gott í sumar en hann hefur stækkað heil ósköpin öll!
Hann er ekki nema veturgamall og er á stærð við fullorðið hross!
Hann er búinn að fá fyrstu Pencillín sprautuna og stóð sig einsog hetja:) Nú er bara að krossa fingur og vona að hann nái sér fljótt og vel og geti farið aftur út í rúllu með hinum trippunum sem hann á að vera með í vetur.

Flanki að tapa sér í heyinu .

Minni á hann Ask Stígandason sem er til sölu.Stóðhestur með flotta ætt á bakvið sig.Hér er hann með honum Heljari vini sínum inni að borða í dag:)

14.11.2007 00:41

Askur Stígandsonur til sölu (síðast fædda afkvæmi Stíganda 1087)

Við erum búin að vera á miklu flandri við hjónin um síðust helgi.
Hebbi byrjaði á því að skella sér norður í Skagafjörðinn með strákunum á Rjúpu og ekki kom hann með höglin í rassinum til baka.Samanlagt náðu strákarnir 18-20 Rjúpum að mig minnir.
Ég aftur á móti var heima á Föstudeginum að gera klárt fyrir mína ferð í Borgarfjörðinn en ég var boðin í Villibráðaveislu og hlakkaði mikið til.

Laugardagurinn var eitt allsherjar span en það kom fólk alla leið frá Hornafirði að versla kanínur og Quail fugla en ég er víst að verða uppiskroppa með kanínur til sölu og þarf þá ekki að fella eina einustu fyrir veturinn og er ég mikið fegin að svo er.

Mikið hafði ég gaman af þessum gestum og var alveg endalaust hægt að spjalla um allt sem viðkom skepnum.Þau eru með ferðaþjónustu fyrir austan og ef þið eruð á ferðinni og vantar gistingu hjá yndislegu og skemmtilegu fólki þá endilega kíkið við hjá þeim.
Hér er þeirra linkur: www.eldhorn.is/mg/gisting

Það kom að því að ég hitti aðra kanínubændur sem hafa sömu sögu að segja og ég.Alsherjar vandræði alltaf hreint ef að einhverjar smá fóðurbreytingar verða þá bara hviss púfffff.........og gefa kanínurnar upp öndina og drepast!
Ég er reyndar búin að finna frábæra köggla handa þeim sem virðast henta þeim miklu betur en hinir eiginlegu kanínukögglar og er það Pavo hestamúslíið!

Annars er ég með aðra síðu þarsem allar kanínufréttir eiga að birtast hehehehehhehe...........

En aftur að Borgarfiðinum fagra.

Hvaða fallega fjall er þetta í Borgarfirðinum?

Ég auðvitað var alltof sein að koma mér af stað (annars væri það ekki ég:)en sem betur fer þá voru fleiri seinir en ég og meira að segja maturinn var enn að malla í rólegheitum þegar að ég loksins mætti uppeftir um klukkan 20:00.
En allt þetta small saman og úr varð hin besta veisla með skemmtilegu fólki.

Takk æðislega fyrir mig matinn og gistinguna Gro og fjölskylda.

Mjög fallegar línur eru í Aski og kemur hann til með að skora hátt fyrir bygginu.Askur er jafnvígur á allar gangtegundir.Brokk,tölt og skeið bara eftir pöntun.

Við ákvaðum um daginn að setja stóðhestinn hans Hebba á sölu.Við höfum ekkert með tvo stóðhesta að gera á svona lítilli jörð og Askur var settur á sölulistann.

Alveg ekta stóðhestur fyrir þann sem langar að spreyta sig á tamningum og sýningum á komandi ári.

Ekki alltof mikið dúllaður eða dekraður og svarar hann mjög vel öllu því sem honum hefur verið kennt td hringteynmingu.Mjög næmur foli og vakandi fyrir ábendingum.
Hér er auglýsingin á hestafrettir.is http://www.hestafrettir.is/smaaugl/viewad.asp?id=50277640413100131

Við erum alveg að verða gráhærð á villtri kanínu sem er hér að tæta allt í sundur!

Síðast (og fyrir það er hún réttdræp) var hún undir rúllustæðunni!!! Arg.....hundarnir urðu alveg spólvitlausir en náðu henni ekki enda Busla hálfsjónlaus og á þremur fótum með hana Súsý litlu sem er nú ekki nema hvolpur ennþá.

Busla er svo þrjósk að það er engu lagi líkt.

Grefur og grefur undir allt og reynir hvað hún getur að troða sínum stóra búk á eftir kanínunni.

Súsý og Busla örþreyttar eftir kanínuhlaup .

Dóttirin Súsý er akkúrat eintakið sem okkur vantaði,svona lítil og nett enda getur hún  skriði undir hérumbil allt.
Við eigum alveg örugglega eftir að ná kvikindinu áður en hún gatar allar neðstu rúllurnar!

Ég heyrði í henni Sigrúnu (Danmörku) minni í kvöld.Allt gengur vel með hryssurnar tvær sem fluttar voru út og er sú jarpvindótta fengin við honum Dímoni Glampasyni og mjög líklega sú rauðglófexta við honum Óðinn Hróksyni þeim litförótta.Það verður gaman þegar að vorar og þá heimtum við hér á þessu bloggi myndir frá Danaveldi af folöldunum!!!!

Hér er linkur http://horseinharmony.dk/litteratur.htm inná síðu sem Sigrún benti mér og datt mér í hug að setja hann hér inn eftir alla umræðuna um tungubasl og erfiðleika með að finna mél eða mélausann beislabúnað.Klikkið á vídeóið og sjáið!

Hvernig væri bara að gera eins og þessi kona gerir........ríða bara útí guðs græna náttúruna án beislis og hnakks!!!???
Hmmmmm.....................kanski á Biskup,held ekki
.
 

10.11.2007 00:58

Allir í fínu standi:)

Hér gengur allt sinn vanagang.Ég er ekki enn komin með símsvara og loftnet á hausinn gott fólk þó það sé ekki vanþörf á hehehehehe...........ef ég svara ekki símanum þá sendið bara sms,ég svara þegar að ég get.
Algjör snilld þessi sms finnst mér því ef ég er vant við látin í bústörfunum og einhver þarf virkilega að ná í mig þá er svo gott að geta smassað á viðkomandi eða bara hringt til baka.

EN loksins stytti smá upp og ég fór á röltið að athuga með skepnurnar eftir alla rigninguna.
Við Busla og dóttir hennar Súsý örkuðum niður á tún og ætlunin var að fá merarnar heim í hús í smá tuggu og skoða hvort að hnjúskar væru nokkuð að koma í þær.

Merarnar voru ekkert að flýta sér að koma enda önnum kafnar við að skemma túnið og rífa allt og tæta.

Alveg eru þær einstakar með það á haustin að moka upp Fíflarótum í gríð og erg!!
 
Arg..........þær eru alveg ferlegar með þetta og það hefur meira að segja komið fyrir að þær hafa bitið í sölnað grasið og hrækt því útúr sér eingöngu til að ná í græna grasið undir!!!

Ef ég randbeiti ekki og stýri þeim á haustin þá gera þær þetta og túnin líta út fyrir að hafa verið slegin en heyið ekki hirt og það liggur í sköflum um allt og á girðingunum!
Það er ekki alltí lagi heima hjá þeim held ég barasta:)

Eftir að hafa rekið þær heim með henni Súsý (pínu) litlu sem er alveg snilldarinnar smalahundur og þvílíkt gegnin þá röltu þær sé inní hesthúsið og röðuðu sér eftir virðingaröð eftir smá rassabardaga og hví.

Ekki sá ég einn einasta hnjúsk í þeim og líta þær og folöldin bara reglulega vel út.
Ennþá.........vona að rigningunni fari að slota og það væri svosem ekkert verra þó að það snjóaði í staðinn en það gerir hrossunum ekkert til.Bara betra fyrir þær heldur en þessi eilífðar bleyta.

Síðan fórum við í (H)eldri hrossa hagann en þar eru hross sem þurfa að fá aðeins meiri frið fyrir þeim sem eru yngri og sprækari.

Allt í lukkunar standi þar og var ég ekki lengi að fá knús frá honum Felix sem kom askvaðandi að athuga hvort ég væri með eitthvað góðmeti með mér.

Ég steingleymdi að hafa mola í vasanum en lofaði honum því að hann fengi þá bara tvo næst:)
Allir voru í flottu standi svo við héldum áfram för okkar í stærsta vetrahagann en þar eru trippi samankomin og ein eldri meri með folald.

Súsý þurfti heldur betur að sýna mér hve vel hún gæti rekið til hrossin og tætti allt af stað en hún var heldur betur skömmustuleg þegar að ég hastaði á hana.
Hvað þetta litla kríli getur hlaupið!

Við settum salstein í saltkassann og saltið þáðu þau með þökkum og allir þurftu á smakka í einu.
Næst var farið í stóðhesta húsið og stóðhestum hleypt út á meðan stíurnar voru rakaðar vandlega og sagbornar.

Það er nú meira hvað þeir eru fljótir að átta sig á rútínunni hér,fyrst voru þeir voðalega óþekkir við mig að koma inn.Létum mig gömlu konuna elta sig um allt og þóttust ekkert taka eftir því að hliðið væri opið..........ormarnir!

Núna eru allir orðnir svo þægir og góðir og ekkert mál,bara opna hliðið og kalla þá koma allir strákarnir röltandi og gegna kellingunni,enda betra að hafa hana góða:)

 

Um mig

Nafn:

Ingibjörg Rannveig Ingólfsdóttir (Ransý)

Farsími:

869-8192

Afmælisdagur:

25 Júlí

Heimilisfang:

Ásgarði

Staðsetning:

250 Garði

Heimasími:

422-7363

Um:

Ég er með hestabakteríuna ógerlegu einsog svo margir aðrir.Náði mér í bónda og fór að búa með honum Hebba mínum í Ásgarði 1998.Muna að kvitta í gestabókina!Njóttu.

Kennitala:

250766-4839

Bankanúmer:

0157-05-400339

Tenglar

Fána teljari

free counters

Eldra efni

Flettingar í dag: 72
Gestir í dag: 5
Flettingar í gær: 521
Gestir í gær: 50
Samtals flettingar: 285304
Samtals gestir: 33370
Tölur uppfærðar: 29.3.2024 03:17:02