|
Heimasíða Ásgarðs |
||
15.12.2013 23:46Tíkunum mikið mál :)Það er ekkert eins hressandi einsog að og vera vakin af tíkunum hálf sjö á Sunnudagsmorgni og þurfa að fara út á inniskónum og náttslopp útí kafasnjó til að hleypa þeim út að pissa og gera númer tvö.Eitthvað fékk Buslan mín of mikið að borða í gær og lét vita með háværu gelti að nú þyrfti hún út og það strax! Sú gamla arkaði útí snjóinn með nýju jólaklippinguna sína sem hún fékk í gær og var lengi lengi að finna hentugan stað fyrir þessa athöfn á meðan að hinar tvær þustu út og aftur inn með hraði.Þær vita svosem af gotterýi í bílskúrnum sem þær fá í verðlaun fyrir að koma strax tilbaka þessar elskur Fyrirsæturnar á myndinni eru Busla mamman bráðum 15 ára og dæturnar Skvetta 10 ára og Súsý 6 ára. Skrifað af Ransý 10.12.2013 00:05Kláruðum að ormahreinsa stóðiðÍ dag fékk ég góða hjálp við að klára að ormahreinsa stóðið en folöldin geta alveg staðið í manni þegar að maður er einn að þessu. Boggi og Eygló komu einsog hendi værir veifað og kláruðum við trippin og gelddótið og svo voru folöldin tekin í restina. Fullorðnu hryssurnar kunna þetta allt saman utanað og sumar eru farnar að hrifsa með munninum í sprautuna til að ljúka þessu af sem fyrst. Ein gerði sér lítið fyrir og beit framan af sprautunni en puttarnir á mér sluppu. Næst voru það folöldin og rákum við tvö og tvö saman uppá tökubásinn góða inní hesthúsinu. Þarna vor allavegana útgáfur af folöldum sem að sprikluðu svolítið og reyndu að malda í móinn og svo önnur sem fóru að hrína af hræðslu þegar að þau áttu að opna munninn og taka við ormalyfinu.Mikið agalega geta þessi grey orðið hrædd og að heyra folald hrína stingur mann í gegnum hjartað.Það mætti halda að þessu grey hafi ímyndað sér logandi heitt grillið handan við hesthúshornið! En takk innilega elsku Boggi og Eygló,þið eruð alveg ótrúlega bóngóð og yndislegt fólk :) ! Skrifað af Ransý 09.12.2013 23:52Nói og Lúxus ormahreinsaðir og teknir á húsNói frá Ásgarði for sale Ég tók hrossin heim í dag og tók þá félagana Lúxus og Nóa úr og gaf ormalyf og skutlaði þeim svo uppá hestakerru og ók þeim uppí stóðhestahús. Nú er Hrókur ekki lengur eini hesturinn í húsinu með kindunum og það verður mikill munur að geta haft þessa tvo fola þarna til að tuskast í honum gamla og hreyfa hann aðeins til. Við Hebbi minn gáfum svo öllum að borða og settum hann Fána í krónna hjá kindunum að leita en það var einungis ein núna blæsma en það var gimbur frá í vor sem á ekki að fá hrút heldur stækka og verða að veglegri kind. Fáni efstur á vinsældarlistanum um daginn :) Fáni er orðinn mikið meira taminn og gaman að honum. Bíður alveg rólegur á meðan að Hebbi setur á hann strigavörnina og dillar dindlinum af og til en hann elskar allt klapp og klór. Eftir gegningar uppfrá þá fór ég niður í heimahesthús og kallaði inn nokkrar merar og ormahreinsaði þær og snyrti taglið á þeim fyrir veturinn. Það léttir á morgundeginum en þá ætla ég að klára að gefa inn ormalyf og opna fyrir þeim inná vetrarhagann. Ég var búin með 8 stykki þegar að síminn hringdi en það vantaði hrút til láns í eitt fjárhúsið og auðvitað var Fáni leiddur uppá kerruna hjá maninum og núna er hann alveg örugglega alsæll með sig án nokkurra varna að búa til lömb. En meðan að ég man þá ormahreinsaði ég: Rjúpu Stórstjörnu Hyllingu Lotningu Fjalladís Von Eðju Mist Skrifað af Ransý 06.12.2013 23:02Hitnar í kolunum í fjárhúsinuÞað er ansi hreint erfitt að vera hrútur í Ásgarðinum í dag. Maður er einsog smákrakki í dótabúð og má bara horfa en ekki snerta dæsti hann Fáni Borðason! Aumingja Fáni er búinn að leita að tilkippilegum dömum fyrir mig síðustu dagana og ég færi þær inná dagatalið sómasamlega svona til að auðvelda mér eftirleikinn þegar að byrjað verður að hleypa til hér. Fyrst var ég með hann í bandi og kenndi honum að teymast og það er komið svona nokkurn veginn hver ræður stefnunni og hraðanum.Stundum er hann fullviljugur áfram eða leggst bara niður! En allt er þetta að koma og nú er hann hann hættur að henda sér niður og er farinn að þekkja rútínuna. Var bundinn fastur inni hjá dömunum sem tróðust hver um aðra þvera að komast að honum. Hermína var nú svo lúnkin og áköf að hún og Fáni sneru aldeilis á kellinguna og sveindómurinn fauk útí buskann fyrir augunum á mér áður en ég gat brugðist við! Of langt í spottanum og ég ekki á verði.............! En svo kom til mín lítill ljóshærður fugl og hvíslaði að mér þægilegri aðferð fyrir alla aðila sem ekki á að bregðast ef rétt er farið að. Fáni var tekinn útúr stíunni sinni í dag og settur á hann strigapoki sem getnaðarvörn og var svo sleppt í og dömurnar í ullarpilsunum misstu allt niður um sig og tróðu hann næstum niður. Aumingjans Stóri Stubbur minn og Melur frá bara að horfa á lætin í gegnum rimlana úr sinni stíu og svo fá þeir hetjusögurnar þegar að hann Fáni kemur tilbaka,held að hann segi þeim nú kannski ekki alveg satt stundum og stórýki á köflum í kvennamálunum. En til að týna ekki dögunum hjá dömunum þá ætla ég að setja þá hér inn fyrir augun á alþjóð því ég er svo fljót að fletta þeim upp hér eða láta fletta þeim upp fyrir mig ef ég er ekki nærri tölvu. 30 Nóv-1 Des Bondína 1 Des Bondína 2023-2003 2 Des 2003- 3 Des Brynja B-Gráhyrna-1017 4 Des Hermína-1028-Sibba Gibba 5 Des 1028-Heba-Kráka-Sibba G -2011 6 Des Rifa - Kráka - 9007 7 Des 9007-Rifa 8 Des 9 Des 10 Des 11 Des 12 Des 2005 (Frekja) 13 Des Ballið byrjað með ullarpylsaþyt:) 14 Des Fáni fékk 2034 (Rita) 14 Des Stóri Stubbur fékk Forystu og Evru. Skrifað af Ransý 03.12.2013 00:14AligæsirnarNú var komið að því að gera tilraun til að veiða aligæsirnar okkar sem struku frá okkur fyrir 6 vikum og flögruðu sér yfir á tjörnina rétt fyrir utan Sandgerði og komu sér fyrir útí hólma þar.
Við erum búin að vera dugleg við að fóðra þær þarna og spekja og fyrir nokkrum dögum settum við upp risastórt búr og gáfum þeim brauð inní það og þegar að þær voru orðnar voða öruggar með sig inní búrinu var ákveðið að nú skildum við gera tilraun að ná þeim. Og það tókst í dag,þær komu hlaupandi einsog vanalega þegar að þær sáu bílinn koma keyrandi að tjörninni og Hebbi gaf brauð inní búrið og inn runnu þær og átu og átu brauð. Svo kippti kallinn í spottann og hliðið lokaðist á eftir þeim. Við vorum rétt búin að loka og tryggja að hurðin opnaðist ekki þegar að brást á með þvílíku hagléli og látum. Ég fór svo inní búrið og gómaði þær og var það miklu minna mál en ég hélt. Þær lögðust bara niður greyin og biðu eftir því hvað verða vildi. Svo settum við þær í stórt hundabúr uppá pikkupinn og ókum heim. Það var ekki spurning að nú skildu þær inn í stóðhestahús og Hrókur kallinn sem átti að fá sína spez stíu varð að víkja en hann er í næstu stíu við hliðina á þeim og væntanlega geta þær sagt honum frá ævintýrum sínum þegar að við heyrum ekki til. Ég ákvað að það fyrsta sem gert yrði væri að vængstýfa þær og ég hætti ekki fyrren ég fann viturlega aðferð á youtube þarsem dýralæknir sýndi bestu aðferðina við að vængstýfa. Svo var bara að klippa og vanda sig voða vel og líta þær allsekki út fyrir að hafa misst megnið af vængfjöðrunum sínum eftir klippinguna en þær fjaðrir eru farnar sem þær nota til að hefja sig til flugs. Set hér inn að gamni youtube myndbandið því það kemur stundum fyrir að fuglar eru vængstýfðir á vitlausan hátt og skaðast þeir stundum ansi illa en þetta er ekki eins flókið og maður hélt og fer ekki illa með fuglana á nokkurn hátt. Hann talar um að taka af báðum vængjum til að fuglinn haldi áfram ballans og svo á að skilja eftir nokkuð af fjörðum næst fuglinum (næst búknum) svo að klipptir fjaðurstafir meiði þá ekki og svo á allsekki að taka ystu 2 fjaðrirnar af. Við ákváðum að halda 3 ystu á okkar fuglum. Og núna eru þær mun léttari heldur en þær komu til okkar en með nægu fóðri og atlæti náum við þeim aftur upp í fyrri þyngd því það vantar ekki matarlysinna í þau blessuð hjónin:) Skrifað af Ransý 30.11.2013 23:11Tilhugalífið að byrja í fjárhúsunumRok og leiðindi í veðrinu þannig að ekki var maður mikið í útivinnu í dag. Hleypti kindunum og Hrók út og færði svo hrútana svo ég gæti lagað pallinn þeirra sem var að sökkva ofaní taðið.Það er svo hátt að hoppa úr stíunni þeirra að þeir fengu pall blessaðir svo þeir skrapi nú ekki undan sér dingalingið sem verður að vera í lagi núna í Desember. Bondína 007 Fyrsta kind blæsma og er það jafnframt elsta kindin í húsinu hún Bondína gamla sem er á 9 ári.Hún var búin að standa á öndinni og var jarmandi útí eitt og leit varla við heyinu svo ég setti spotta í hann Stóra Stubb og leiddi inn.Bondína missti gjörsamlega niður um sig ullarpilsið og dillaði dindlinum framaní hann og í látunum við að loka hliðinu á eftir mér þá missti ég lambhrútinn og hann æddi af stað og þóttist nú alveg vita hvað hann ætti að gera! Kráka Svarthyrndóttir Stökk uppá hana Kráku og ég rétt náði í spottann og kippti honum til mín.Kráka uppáhalds kindin hans Hebba á ekki að fá við þessum hrút heldur litahrút sem er væntanlegur einhverntímann síðar þegar að um hægist hjá honum. Það væri kannski ráð að vera með nýja lambhrútinn hann Fána í spottanum því það væri í lagi ef að slys skildi verða og hann næði að lemba. Þetta er allt saman eftir uppskriftinni en vanalega hef ég hleypt til í kringum 1-2 desember og sýnist mér að kindurnar ætli að halda þeirri hefð að byrja núna en ég ætla að hafa þetta uppá gamla mátann núna en ég lét ekki svampa þær í ár einsog hin síðari. Hugmyndin er að seinka sauðburði um cirka hálfan mánuð og hleypa til í kringum 15-17 Desember. Skrifa þær kindur niður núna sem sýna áhuga á hrút og svo aftur hálfum mánuði síðar þegar að þær fá hrút og velja þá á þær. Ég fann það síðastliðið vor hvað það munar rosalega á birtu og hita þegar að ég sat vaktina yfir þeim sem gengu upp. Það er svo kalt og ömurlega dimmt ennþá í lok Apríl byrjun Maí. En uppúr 10 Maí er þetta orðið allt annað og miklu bjartara orðið á nóttunni og meiri hiti. Skrifað af Ransý 29.11.2013 21:12Óvæntur frá Ásgarði seldurÞá er síðasta folaldið í ár selt og er það hann Óvæntur sonur Vonar og Borgfjarðar frá Höfnum sem er að fara út til Þýskalands í Janúar. Það er svolítið gaman að segja frá því hversvegna hann fékk þetta nafn en góð vinkona mín frá Þýskalandi hún Íris var hérna í vor í heimsókn og sat hún hin rólegasta niður á túni þarsem ég er alltaf með fylfullu hryssurnar á einskonar fæðingardeild. Von sú bleikálótta leggst niður rétt við Írisi og var eitthvað svo skrítin og hélt Íris að merin væri jafnvel að fá hrossasótt. Íris stóð upp og færði sig fjær merinni og merin stóð upp og elti hana og hlammaði sér aftur niður fyrir framan hana. Sér ekki Íris að merin er komin að köstun og stutt í að folaldið fari að koma í ljós! Hún stendur aftur upp og færir sig fjær til að trufla ekki hryssuna við köstunina en þá stendur merin en upp og eltir hana og þá voru fæturnir á folaldinu farnir að gægjast út! Von og Óvæntur frá Ásgarði (Myndataka Íris) Enn stendur hryssan upp og eltir hana og Íris greyjið ákveður að nú skuli hún ekki standa upp annars gæti köstunin farið eitthvað illa ef merin væri sírápandi á eftir henni með folaldið rétt ókomið. Hryssan svo bara kastaði þarna beint fyrir framan hana vinkonu mína hestfolaldi en þetta hefur verið æðsti draumur hennar að fá að sjá köstun og það var svona aldeilis í beinni og fékk hún folaldið næstum í fangið. (Myndataka Íris) En til að ná góðum myndum þá varð hún að mjaka sér hljólega frá hryssunni svo að hún næði góðum myndum en linsan var nú ætluð í langdrægari myndatöku en þetta. En svona fékk hann nafnið sitt því þetta var ansi óvænt og skýrði Íris hann :) Skrifað af Ransý 27.11.2013 20:56Þrúður Hróks á förum útí löndSnarvitlaust veður og nálægt 30 metrar á sek í hviðum. Héldum okkur inni fyrripart dags og settum svo undir okkkur hausinn seinnipartinn og æddum útí gjafir og annað stúss. Ég fór niður í stóð og náði í gegnum hliðið þeim systrum Þrúði,Rjúpu og Mist en Þrúður er að leggja land undir fót og var sótt í kvöld. Hún var spreyjuð,burstuð og puntuð í bak og fyrir og var voða skvísa þegar að bíllinn mætti til að sækja hana í kvöld. Hebbi fór og gaf strokugæsunum og var búrið þeirra sem á að veiða þær í dottið um koll en þær eru barasta ekkert hræddar við það og koma hlauðpandi á móti kallinum og æða inní búrið þegar að hann gefur þeim brauð þar. Við verðum að fara að gefa okkur tíma til að veiða þær og flytja þær heim blessaðar.Þær fá tvö brauð á dag en eru altaf tilbúnar í meira þegar að kallinn mætir á pikkupnum en hann eru þær farnar að þekkja langar leiðir. Dánarfregnir: Ein kínversk silkihæna gaf upp öndina en það skeður stundum og ekkert við því að gera.Annars eru silkiungarnir farnir að verpa og lítil sæt egg farin að koma daglega frá þeim og einnig frá þeim eldri. Busla er að jafna sig eftir minkaslaginn um daginn en það fór alveg 5 daga orka í þennan slag og hélt ég að tíkin væri nú að fara að kveðja. En enn eina ferðina reis hún upp og er hin brattasta. Ég er einsog Buslan,fer stundum fram úr mér og er í 1-2 daga að jafna mig.Bakið er búið að vera að stríða mér en um leið og ég er orðin góð þá er ég komin á sprett aftur.Alveg einsog allt sé gleymt og ég komin flug Skrifað af Ransý 26.11.2013 19:39Hófar snyrtir á hrossunumFlottur dagur að kveldi kominn og rúmlega það. Tók húsið mitt og ryksaug í kappi við hana roombu vinkonu mína sem er ansi dugleg að hjálpa mér í verkunum.Ég var á gömlu ryksugunni og Roomba elti og tók betur það sem ég og gamla náðum ekki að sjúga upp. Svo dró ég fram skúringarapparið og skúraði í kapp við Roombu sem var enn að ná upp rykinu enda altaf nóg ryk hjá manni. Skúraði alveg útúr dyrum og gerði svo kvöldmatinn klárann á meðan að ég var ekki búin að koma neinum dýrhárum á mig,þoli ekki að koma heim skítug og eiga eftir að meðhöndla matinn. Þegar að allir pottar voru orðnir klárir og næstum allt til fyrirmyndar inni þá stökk ég af stað útí myrkrið að ná stóðinu inn því að járnignarmaðurinn var á leiðinni til að snyrta fæturnar á hrossunum. Það er alveg með ólíkindum hvað einn lítill skrjáfandi nestispoki er duglegur að smala saman hrossunum og fá þau til að elta bílinn á grenjandi ferð heim og alla leið inní rétt! 27 hross komin í réttina og var ég í nákvæmlega 35 mínútur að þessu og flokka í sundur það em átti að fara í snyrtingu og það sem verður síðar snyrt. Þau sem voru snyrt í kvöld voru þau: Þrúður Hróks Mist Hróks Freisting Fjalladís Auðna Von Lotning Röskva Svo átti að vera ormalyfsgjöf á morgun og flutningur í vetrahagann en veðurspáin er svo slæm að ég verð bara að sjá til með það. Trippin fengu hrós frá járningarmanninum fyrir góða hegðun en þó var ein og ein löpp sem þeim þótti aðeins erfiðari að gefa heldur en aðrar en allt hafðist þetta þó með góðu tiltali og allir voru sáttir. Fyrirsætur dagins eru járningarmaðurinn og hún Lotning/Freistingar Astródóttir tveggja vetra í eigu Hebba:) Skrifað af Ransý 23.11.2013 19:32Hænurnar að byrja aftur að verpaFrábært veður í dag en ég svaf heldur betur illa um nóttina og stórskemmdi daginn með því að vakna alltof seint. En við gerðum þó það sem þurfti að gera í góðu veðri en það var að skella upp stóru búri til að veiða strokugæsirnar okkar í á næstu dögum. Við fylltum búrið af brauði og svo gerði ég smá brauðslóð einsog í teiknimyndunum að búrinu. Nú er bara að bíða eftir góðu tækifæri til að veiða þær en þær fá nokkra daga til að venjast búrinu og labba inní það nokkrum sinnum og út aftur þartil þær eru orðnar voða öruggar með sig. Það kom að því að fyrsta græna eggið liti dagsins ljós eftir góða hvíld hjá þeim amerísku :)Það var sem mig minnti að þær fara í frí síðla hausts og byrja svo aftur að verpa í lok Nóvember stuttu áður en jólabaksturinn hefst:) Eins eru kínversku silkihænurnar og ungarnir að byrja að verpa þannig að ég þarf þá ekki að kaupa fleiri egg í Bónus. Ég keypti egg í vikunni og var að opna bakkann og það vantaði eitt egg í hann,nenni ekki að reyna að fá það bætt enda ekki séns að ætla að sanna það.Skiptir engu máli úrþví að elsku hænurnar mínar eru farnar að borga fyrir fæði og húsnæði aftur:) Skrifað af Ransý 23.11.2013 18:09Kindadútl og annað.....Rigningarsuddi í dag og heldur leiðinlegt veður framanaf en stytti svo upp og fór að kólna og þorna. 2 kanínuhögnar hvítir að lit eignuðust nýjan eiganda í dag,voða hressir og kátir og eru að fara að leika í mynd skilst mér. Systur hvítu högnanna óseldar. Nú er ég að verða uppiskroppa með hvítar kanínur en það er sá litur sem síst fer en ég verð samt að eiga hann til.Hann má ekki deyja út í húsinu hjá mér þannig að ég ætla að hanga á einum hvítum högna eða svo. Kindurnar fengu stærri garða í gær en kallinn bætti við hann svo allar kæmust að auðveldlega og svo var mokað á garðann langa og þær eru ekki að torga heyinu svo það verður að gefa minna á. Það er gaman að tvævetlunum sem eru að fá hrút núna fyrst en þær eru ansi bústnar og flottar og þær tvær sem hvað mest þoldu mann illa í fyrra eru spakastar í dag.Það eru þær systurnar Frekja og Frenja sem heimta klapp á kinn og nudd á bak og eru voða líkar pabba sínum honum Topp.Lygna aftur augunum alsælar á meðan að þær eru kjassaðar. Ef maður tekur ekki eftir þeim þá hnibba þær fast í mann með snoppunni og frussa á mann með nebbanum sínum hehehehe....... Melur að ulla á fóstru sína:) Melur gestahrúturinn er farinn að lykta alveg ógurlega og jólaanganin af honum rosaleg og sá getur nú rutt í sig góðgætinu þegar að það býðst! Ég gætti mín ekki í dag þegar að ég bauð honum brauð og beit hann mig rækilega í puttann sen sem betur fer eru nú ekki tennur báðumegin í þessum skepnum þannig að puttinn er heill! En hann fékk engar skammir því hann er svo yndislegur blessaður kallinn og skemmtilegur í alla staði:) Fyrirsæta dagsins er einmitt hann Melur að ulla á fóstru sína:) Skrifað af Ransý 19.11.2013 19:47Inni/útigangurinnFyrirsætur dagsins er stóðið í gærkveldi að fá sér tugguna:) Vetur konungur er kominn hingað í Ásgarðinn og snjóaði af krafti í fyrradag.Þetta er eitthvað sem við erum ekki vön að sjá á þessu ári en það kom varla snjókorn úr lofti síðasliðinn vetur. Veturinn þar á undan fór allt á bólakaf og þann 1 Nóvember fékk útigangurinn fyrstu rúlluna sína sem er alveg mánuði fyrr en vatnt er. Menja frá Ásgarði for sale. Ég er farin að hára aðeins í hrossin núna en ekki koma þau nú altaf heimundir hesthús því enn er beit næg og enn á ég eftir að opna vetrarhagann þeirra. Það verður gert uppúr næstu mánaðarmótum þegar að búið verður að ormahreinsa alla og klára að klippa hófa. Útflutninghrossin fara að fara en það er vika í að fyrstu tvö verði sótt. Svo fer einn veturgamall foli heim til sín og þá verður nú ekki mikið eftir af hrossum hér í vetur. Hrókur er einn uppí stóðhestahúsi með kindunum og bíður rólegur eftir félagskap en hann er vanur að passa uppá gestatitti hér á veturnar. Ansi hreint rólegur dagur í dag eftir læti gærdagsins.Tíkurnar er með harðsperrur eftir átökin við minkinn og fór ég í dag í gæludýrabúð og fékk nammi handa þeim,þá kættust þær mikið þessar elskur.Ef við hefðum þær ekki hér þá veit ég ekki hvernig dýralífið væri,minnsta kosti væri það miklu fátæklegra en það er í dag. Nú er að styttast í tilhleypingar í fjárhúsinu og í ár ætla ég ekki að láta svampa kindurnar heldur gera þetta uppá gamla mátann að gamni. Einhvernveginn grunar mig nú að ég eigi eftir að bölva sjáfri mér í hljóði í vor þegar að burður fer að dragast inní sumarið. En þegar að það kostar orðið cirka eða hátt í 4-5 innleggslömd með akstri dýralæknis að láta svampa þennan litla hóp sem samanstendur af 21 kind þá er mér eiginlega bara alveg sama þó að burður dragist aðeins á langinn. Skrifað af Ransý 18.11.2013 20:16Minkurinn fundinn og drepinn....Hebbi gat ekki sofið almennilega af áhyggjum af hinum fuglunum á bænum og vaknaði snemma í morgun og æddi af stað með hólkinn þrátt fyrir að enn væri myrkur úti. Enginn minkur var kominn í gildruna en nýleg spor allt í kringum hana. Dökka öndin drapst um nóttina en sú ljósa er enn lifandi og aðeins brattari í dag og fékk sér vænann slurk af vatni.Enn er hún samt ekki hólpin og er ég efins um að hún nái sér,allavegana þarf kraftaverk til þess. Við fórum svo af stað með tíkurnar þrjá eða öllu heldur 2 og hálfa því að Busla er nú orðin ansi gömul og farin að þreytast elsku kellingin að verða 15 ára gömul. En það mátti nú ekki taka þetta frá henni að fá að fara með í hasarinn,hún gæti að minnsta kosti þvælst eitthvað fyrir á sínum þremur fótum og með eitt auga í lagi og hálfheyrnalaus. Skvetta og Súsý voru ekki lengi að finna minkinn! Hebbi hjálpaði þeim að rífa upp draslið sem hann faldi sig undir við hænsnakofann og út stökk hann og inní kindagirðinguna og inn í rör þar! Nú upphófst mikið gelt og læti og voru tíkurnar gjörsamlega brjálaðar yfir því að komast ekki inní rörið til að ná honum Ljóta.Ég lamdi með hamri utaní rörið einsog óð væri og reyndi að hrekja hann útúr rörinu en það gekk ekki upp enda tíkurnar fljótar að heyra öskrin og gargið í honum og hröktu hann altaf inn aftur.Hebbi lyfti upp rörinu og hrissti það og marg lét það detta. Ekki kom Ljóti út heldur öskraði og gerði sig breiðann inní rörinu með látum. Skvetta gerði nokkuð sem ég hef aldrei séð hana gera áður en hún réðist á Súsý litlu systur sína og ætlaði að tæta hana í sig og tókst mér að öskra hana af henni! Hún var orðin svo tryllt yfir því að ná ekki minknum að hún lét það bitna á litlu systur sinni. Á endanum kom Hebbi með langt plaströr og stakk því innum annan endann á rörinu og hrakti minkinn útum hinn endann en þar var Súsý þessi litla flís sem að fékk hann beint í fangið þennan líka rosastóra högna! Hún var ekki lengi að bíta sig fasta á hann og vafði hann sig um hausinn á tíkinni og börðust þau í nokkrar sekúndur eða þartil að Skvetta kom að hjálpa henni. Busla gamla var ekki alveg að átta sig á því sem var að ske fyrren ég kallaði í hana og sú hrökk í gang!! Varð á sekúndubroti ung í annað sinn og læsti skoltunum í hnakkadramdið á minknum og Skvetta fór á hinn endann og Súsý litla dinglaði í miðjunni. Og á augabragði var hann aflífaður.............. Skrifað af Ransý 17.11.2013 23:00Minkur fór í endurnar!
Skrifað af Ransý 17.11.2013 19:42Útigangurinn ánægðurÞeim finnst gott að kíkja inní hlýjuna hrossunum og fá sér smá tuggu á meðan að veðrið lemur allt að utan.En um leið og tuggan er búin eru þau rokin aftur út á kroppið eða í betra skjól. Þeim líkar nefnilega betur við að standa undir húsvegg en inní húsi ef þau hafa val. Dreyri Hyllingarsonur kíkti líka inn,ansi snotur fimmgangs folald sem rúllar um á fínu tölti og brokkið er stórstígt og svifmikið. Hann er frátekinn í nokkra daga en hann gæti verið á leið út til Þýskalands. Skrifað af Ransý |
Um mig Nafn: Ingibjörg Rannveig Ingólfsdóttir (Ransý)Farsími: 869-8192Tölvupóstfang: ransy66@gmail.comAfmælisdagur: 25 JúlíHeimilisfang: ÁsgarðiStaðsetning: 250 GarðiHeimasími: 422-7363Önnur vefsíða: http://www.123.is/kaninur/Um: Ég er með hestabakteríuna ógerlegu einsog svo margir aðrir.Náði mér í bónda og fór að búa með honum Hebba mínum í Ásgarði 1998.Muna að kvitta í gestabókina!Njóttu.Bankanúmer: 0157-05-400339Tenglar
Fána teljari  Eldra efni
|
|
