Heimasíða Ásgarðs

Færslur: 2011 Maí

24.05.2011 13:46

Embla köstuð þann 17 Maí


Embla með Astró dótturina:)

Embla Hróks kastaði jörpu merfolaldi þann 17 Maí og var ég ekki búin að sortera frá ólétturnar og setja við stofugluggann og taka úr stóðinu frá trippadraslinu og geldingunum.


Þetta má bara alsekki ske í svona stóru stóði enda var allt í rugli næsta morgunn og girðingar í druslum um alla móa.

Einn geldingurinn hafði hamast við að reka hana nýkastaða á 3 strengja rafgirðinguna með 4 þúsund voltum á (girðingin var ný yfirfarin) og hefur ekki hætt fyrren hún og folaldið fóru í gegn og yfir á Kolbeinsstaði og hann svo á eftir einsog klikkaður stóðhestur!

Ég fann fylgjuna rétt við girðingarhornið okkar megin þannig að hún hefur verið búin að kasta og orðin heil og folaldið komið vel á fætur þegar að þetta skeði.

Restin af stóðinu þorði ekki yfir strengina sem betur fer en fylgdu þeim eftir fram og tilbaka að kafna úr forvitni yfir nýja folaldinu.

Allur dagurinn fór í það að flokka frá óköstuðu hryssurnar sem voru eins og englar á meðan ég barðist við þennan bévitans gelding og svo tók einn veturgamli titturinn sig til og flaug yfir í horninu á réttinni og saman við stóðið og þá fengum við gjörsamlega nóg og hringdi kallinn á Selfoss og pantaði SS bílinn og kemur hann á morgun.

Við höfum hvorki heilsu né þolinmæði í svona girðingarfanta og stefnan hefur hingað til verið að hafa gaman af hrossunum en þurfa ekki að standa í svona helv...vitleysu að vera hlaupandi útum allar jarðir á eftir svona truntu rusli.

Piffffff.........þurfti að koma þessu frá mér elskurnar mínar:)

Embla er rosa stolt móðir og passar vel uppá folaldið sitt og mjólkar því vel.

Nú er bara að krossa putta og vona að hestapestin frá því í fyrra láti ekki mikið á sér kræla og að folöldin fái einhverja vörn úr móðurmjólkinni en þetta kemur allt í ljós í sumar hvernig ungviðið fer í gegn um þetta.


18.05.2011 15:10

Seinna holl búið og sauðburði lokið 13 Maí


Gullhyrnu/Topps dóttir nr.17

Þá er seinna hollinu lokið en fimm kindur af 18 gengu upp og lauk sauðburði hér þann 13 maí.

Ég er nokkuð sátt en með mikilli yfirlegu og þrjósku þá lifðu öll lömbin 34 sem að sónarinn var búinn að lofa okkur.
Sónarinn stóðst semsagt 100% og er næsta víst að við látum sóna aftur.

Gullhyrnu/Toppsdóttir nr.18

Eitt aukalamb kom frá Jóni bónda en kviðslitin kind bar tveimur lömbum og kom annað lambið hingað ókarað alveg glænýtt og var sett undir hana Gráhyrnu sem að var sónuð með einu lambi og hafði borið 6 tímum áður og tók hún til við að kara það strax og kumra við það.


Tvö að derra sig í leik:)

Hún veit af því að hún á það ekki en er góð við það.


Jón litli fær samt ekki nóg að drekka þannig að ég bæti á hann SMA þurrmjólkurduft (sem er ætluð unganbörnum og hefur reynst mér vel) til að hjálpa uppá styrk og þroska en það kemur að því einn daginn að hann verður nógu kraftmikill til að teyga mjólkina af sama ákafa og stóri fósturbróðir gerir.


Dóru/Frakkssdóttir

Lömbin eru spræk og hress en þessa dagana er maður við það að kalla í allt inn og hýsa vegna kulda.

Tvö af Forystu/Frakks þrílembingunum.

Líklega loka ég allt inni um helgina en þá á að gera leiðinda veður og gott að vita af öllum inni í góðu skjóli fyrir norðangarranum.


4 daga Brynju Beauty/Frakkssonur:)

Hérna er frábær linkur fyrir okkur sem eru að stíga sín fyrstu skref og fyrir þá reyndari að rifja upp hvað getur verið að í fjárhúsinu og hvað sé til ráða:
Sjúkdómar í sauðfé
  • 1

Um mig

Nafn:

Ingibjörg Rannveig Ingólfsdóttir (Ransý)

Farsími:

869-8192

Afmælisdagur:

25 Júlí

Heimilisfang:

Ásgarði

Staðsetning:

250 Garði

Heimasími:

422-7363

Um:

Ég er með hestabakteríuna ógerlegu einsog svo margir aðrir.Náði mér í bónda og fór að búa með honum Hebba mínum í Ásgarði 1998.Muna að kvitta í gestabókina!Njóttu.

Kennitala:

250766-4839

Bankanúmer:

0157-05-400339

Tenglar

Fána teljari

free counters

Eldra efni

Flettingar í dag: 504
Gestir í dag: 8
Flettingar í gær: 591
Gestir í gær: 23
Samtals flettingar: 50503
Samtals gestir: 2738
Tölur uppfærðar: 28.5.2022 21:32:06