Heimasíða Ásgarðs

Færslur: 2006 Júní

30.06.2006 16:14

Æðarvarpið og merarlæti

Mig langaði svooooo.........til aðsetjast niður og rifja upp síðastliðnu daga en þá byrjaði síminn og fullt af fólki að koma.En það er samt gott að eiga vini og vera ekki einsog Palli litli sem var einn í heiminum en þá sögu las amma mín fyrir mig þegar að ég var lítil og leist mér ekkert á það að lenda í hans sporum einn daginn þó svo að ég gæti labbað inní næstu búð og fengið mér allt það nammi sem hugurinn girntist.Við Hebbi erum byrjuð að týna æðardúninn og núna í ár hefur snaraukist hjá okkur í varpinu og miklu fleiri hreiður en undanfarin ár.Kollurnar eru tiltölulega spakar og hleypa mér ansi nærri með cameruna.Enn eru kollur á eggjum og bíðum við í rólegheitum eftir að geta tekið dúninn frá þeim en það gerum við ekki fyrren þær eru farnar með ungana sína.Dúnninn er reyndart ekki eins verðmætur og góður þá er okkur sagt en þarsem þetta er ekki orðið neitt stórt hjá okkur þá skiptir það ekki öllu máli heldur að styggja fuglinn sem minnst svo hann komi nú aftur og aftur.

Blogga meir fljótlega,verð að fara út að afhenda kanínur sem seljast ágætlega þessa dagana.Skelli inn mynd af fallegum kanínuhóp.Þarna eru bæði Lop (holdadýr) og Castor Rex til sölu.Fallegir og vænlegir gripir.

Ekki má ég heldur gleyma því að eftir nokkra daga verður allt fullt af fallegum Landnámshænu ungum til sölu.Faðirinn er virkielga fallegur með fiður á fótum sem er eitt af einkennunum í mínum stofni hér á bæ.Það liggja tvær hænur á einhverjum helling af eggjum.

Og svo er allt að verða vitlaust hjá öndunum og eru þar ansi margir andarungar komnir úr eggjum.Þeir eru líka til sölu ef einhver hefur áhuga.Flestir ungarnir verða/eru hvítir að lit.Þessa mynd tók ég í gærkveldi en sá fyrsti í svakalega stóru hreiðri var að klekjast út en það eru þrjár endur sem sitja sameiginlega á þessum eggjum.Ekkert smá duglegar endur!

19.06.2006 21:37

Stórstjarna og Orka kastaðar

Stórstjarna kastaði snemma í gærmorgun og vakti Hebbi mig klukkan 6:00 og rukum við niður á tún til að vera við ef eitthvað yrði nú ekki einsog það ætti að vera.En stórstjarna var bara hin duglegasta og kom folaldinu sínu hjálparlaust í heiminn einsog ekkert annað væri sjálfsagðara.Hún var mikil mamma og karaði folaldið sitt vel og vandlega.Þetta er móbrúnt tvístjörnótt hestfolald.Hebba fannst að folaldinu veitt nú ekki af aðstoð við að koma sér á fætur og eftir nokkrar valtar tilraunir þá studdi hann það á meðan það var að ná jafnvæginu.

Ég var ekki alveg vel sofin og fór aftur uppí rúm eftir þetta ævintýri og svaf vel og lengi.Hafdís kom að kíkja á Kóng sem er hinn fallegasti og uppgötvuðum við það að hann er með geislabuag í öðru auganum.Hann er semsagt ekki glaseygður,ekki með hring heldur hálfhring eða ljósan baug í hægra auga.Þetta þykir vera merki um góðann hest sagði einn góður hestamaður mér í dag.

Við fórum í gærkveldi með fjórar ungar merar í Reiðholtið og komum til baka með Hyllingu og Freistingu hans Hebba en þær eiga báðar að fara undir Hrók.Þegar að við komum heim og ég var búin að ganga frá öllu klukkan 3:00 um nóttina þá ákvað ég að kíkja á hana Orku sem var líkleg til að fara að kasta.Mér brá heldur betur í brún þegar að ég sá hvar hún húkti yfir folaldi sem var enn í belgnum og ekki bara eitt heldur TVÖ folöld.Þau lágur þarna hlið við hlið og höfðu kafnað í belgnum.Annað var jarpstjörnótt leistótt hestfolald en hitt sem var minna var brúnblesótt leistótt merfolald.Ég ætla ekki að segja ykkur hvað ég var svekkt yfir þessu.Er ekki komið nóg!

Ég hringdi næsta dag í dýralækni og sagði hann mér að sumar merar sem eru að kasta í fyrsta sinn hafa ekki vit á að rífa gat á belginn svo að folöldin geti andað einsog virðist hafa skeð í þessu tilviki.Og hann sagði líka til að hugga mig"Ransý mín.........það er ekki hægt að standa yfir merunum allann sólarhringinn og ekki kenna þér um að þú hafir ekki verið á staðnum.Þegar að hryssur rífa ekki pokann annaðhvort með að krafsa í hann eða bíta í hann með tönnunum þá er um sekúndu spursmál að ræða en ekki mínútu spursmál.Folöldin kafna á stuttum tíma.

Ég setti hana Hyllingu hans Hebba hjá Hrók seinnipartinn í dag en gaf henni fyrst ormalyf.Hrókur tók vel á móti henni og var hryssan greinilega að byrja í hestalátum en ekki komin á tíma.Toppa Náttfaradóttir mamma Hyllingar tróð sér á milli og endaði það með því að Hrókur gafst upp og og lét það eftir henni sem hún var að suða um.Ég held að ég verði að taka hana Toppu úr hópnum því hún er svo frek á hann Hrók og gestahryssurnar eru að byrja að ganga.Voga-Mósa er að byrja að sýna Hrók áhuga en kemst ekki almennilega að honum og reyndar pínulítið feimin við hann.Skelli hér inn mynd af Hrók að "tímasetja" hana Hyllingu sem hann fékk til sín í dag.

17.06.2006 02:25

Skjóna og Eðja með falleg folöld.

Þetta fallega merfolald er undan Eðju Hróksdóttur frá Stærri-Bæ og Ögra Glampasyni frá Hóli.Hún er óskýrð ennþá og er ég voðalega spennt að vita hvort hún verði ekki litförótt einsog mamma sín.Það er ekki slæmt að eiga rauðblesótta-sokkótta-litförótta meri.Sú stutta er sokkótt á öllum fótum og einhvernveginn finnst mér það vera frekar sjaldgæft.Oft eru hross bara sokkótt að aftan eða á þremur fótum.

Þetta er afturámóti hann Kóngur litli sem er undan reiðhryssunni minni (fyrrverandi) og Hrók okkar frá Gíslabæ.Ekki hafði hún Skjóna mín mikið fyrir að koma honum í heiminn en þegar að ég var að líta eftir hryssunum eitt kvöldið um daginn þá var allt í rólegheitum og klukkustundu síðar stóð þetta fallega skjótta folald við hliðina á mömmu sinni vel sprækt og farið að hreyfa sig um á tölti! Ég hélt eitt augnablik að Skjóna hefði komist í einhvern annan stóðhest en hann Hrók sem er nú bara dökkjarpur einsog Kormákur pabbi hans en það er alveg útilokað að það hafi getað skeð.Enda þegar að ég hef verið að skoða folöldin undan Hrók fyrir austan og hér heima þá er hann yfirleitt ekki frekur á litinn sinn heldur hafa folöldin yfirleitt orðið svipuð og móðir þeirra.

Ég er ekki búin að blogga í fleiri fleiri daga og nú verð ég að fara að rifja upp.

9 Júní.

Ég mætti galsvösk á úrtökuna fyrir LM hjá Mána og var virkilega gaman að sjá alla þessa frábærlega vel ríðandi krakka og unglinga.Ég tók eitthvað af myndum þó skilyrði fyrir myndatöku væru nú ekki góð.

10 Júní.

Ég fór með Freyju og Pamelu útí Hafnir eða heim til sín.Freyja var ekki alveg á því að fara á hestkerruna en með hugviti tókst mér að koma henni um borð.Ég setti bara gúmmíkarlinn góða á kaðalinn og strekkti svo vel á og batt við slána inní hestakerrunni.Pamela var komin um borð og beið þolinmóð eftir Freyju sem smá tosaðist uppá hestakerruna.Ég var ekki langt undan og fylgdist með úr fjarlægð og gerði hesthúsið fínt á meðan.Freyja mjakaðist uppá og var heldur betur fyndið að sjá hana tosast þetta í rólegheitum því ekki voru nein læti í trippinu heldur var hún bara alveg föst í allar lappir.

12 Júní.

Við keyrðum Silfra á móts við Jóel í Borgafjörðinn og var virkilega gaman að hitta þau heiðurshjón og strákana þeirra.Fengum við okkur kaffi saman í Hyrnunni og röbbuðum góða stund saman og þá helst um vorið sem hefur verið heldur betur erfitt fyrir  bændur norðanlands.Snjórinn sat sem fastast frameftir öllu vori og bændur komnir í þrot með pláss undir allt féð sem er borið og hryssur að kasta útum alla skafla.Aumingja Jóel missti góða hryssu sem kom ekki frá sér folaldi sem var snúið inní merinni og mjög stórt í þokkabót.Eftir mikið rabb þá var komið að því að færa Silfra á milli hestakerra og gekk það einsog í sögu enda folinn orðinn viðráðanlegur og vel unninn í vetur hjá mér .Síðan brunuðum við heim og á leiðinni hafði Hebbi orð á því hve stilltir og prúðir strákarnir þeirra Jóels og Guðrúnar voru á meðan fullorðna fólkið drakk kaffi þá biðu þeir rólegir innanum allt nammið og freistingarnar í Hyrnunni.Þetta mættu ansi mörg önnur börn taka sér til fyrirmyndar.Enda fengu þeir eitthvert slikkerý að narta í á heimleiðinni .

Við vorum komin í rúmið óvenju snemma eftir Borgafjarðar túrinn með Silfra eða um klukkan tólf á miðnætti.Eitthvað var að trufla mig um eittleytið og kíkti ég útum stofugluggann að athuga með hryssurnar og þá sé ég að hún Brandstaða-Sokka er að kasta og hékk hausinn á folaldinu út og í belgnum.Við erum búin að vera með hana B-Sokku inni við vegna lyfjagjafar en hún er búin að vera með niðurgang sem virðist ekki vera hægt að stoppa og kom Gísli dýralæknir þrisvar til að líta á hana og láta okkur hafa lyf og annað sem hægt var að gera fyrir skepnuna.Hann ráðlagði okkur svo að setja hana inná besta beitilandið og fylgjast vel með henni því það væri það eina sem hægt væri að gera fyrir hana.Við semsagt þutum af stað útí kuldann til að bjarga því sem bjarga varð og þegar að við komum að merinni þá lá folaldið í belgnum og reif ég hann strax upp og virtist folaldið vera andvana fætt.Ég fann agnarlítinn hjartslátt og hóf þegar að blása lífi í það og nudda það í gang.Eftir þriðja blástur þá hrökk andardrátturinn í gang og hjartað tók kipp og fór að slá hraðar og kröftugar.Hebbi rauk heim eftir bílnum og ullarteppi sem við  vöfðum það inní.B-Sokka var ekki alveg á því að elta okkur alla leið en hún vildi hafa Sokku-Dís og Snót með sér alla leið inní hesthús.Þar héldum við áfram að stumra yfir folaldinu en B-Sokka virtist vera búin að átta sig á því að ég var að hjálpa en ekki taka af henni litla krílið hennar.Hún stóð bara yfir mér þessi stygga meri og var farin að hræra með snoppunni ofaní hárið á mér á meðan ég nuddaði og þurrkaði folaldið hennar.En því miður þá hefur folaldið líklegast verið búið að hanga með hausinn of lengi útúr merinni í nístings kulda og roki og líf þess fjaraði út.Þetta tók greinilega meir á mig en ég áttaði mig á því ég var hálfuppgefin eftir þessa erfiðu nótt í marga daga á eftir.Feigur litli var svo grafinn með mömmu sinni næsta dag en það var ekki leggjandi meir á hana B-Sokku og fékk hún hvíldina ásamt folaldinu sínu í heiðursgröf niður á Vinkli.

13 Júní.

Við vorum á fullu að setja upp öryggislínu í hagann þarsem hann Dímon Glampasonur verður með merar í sumar.Við völdum undir hann 4-5 merar en ein þeirra er varla talin með en hún fyljast ekki.Við vorum óskaplega spennt að sjá þegar að hann Dímon sæi skvísurnar og komu Boggi og Eygló að hjálpa okkur með stóðhestana tvo en Hrókur fékk að fara í sinn merarhóp líka þetta kvöld.Hrókur og Dímon voru orðnir góðir vinir uppí stóðhestahúsi og höfðu verið saman daginn áður í gerðinu stóra að leika sér.Hrókur tekur öllum vel og fannst gaman að hlaupa og leika við þennan nýja fallega fola.Þannig að við skelltum þeim saman um borð í hestakerruna og keyrðum í girðinguna hans Dímonar og hleyptum honum út.Dímon var nú ekki alveg að heilla þær á stundinni enda engin af þeim í hestalátum.Snót var nú ekki lengi að koma honum í skilning um að hún réði yfir öllu í þessu hólfi og hann skildi láta vinkonur sínar í friði! Snótin sem er alltaf svo prúð og sæt! Hún verður tekin úr þessu hólfi núna á næstu dögum því það gengur ekki að hún standi í vegi fyrir því að folinn fylji þær hryssur sem hann á að fylja.Það var aldeilis upp á henni ti....ið! Sokka-Dís Hróksdóttir og Dímon eru bæði fallega fext og er ég voðalega spennt að vita hvað kemur undan þessum tveimur næsta vor! Hún jarpsokkótt og hann jarpvindóttur-blesóttur!!!!Skelli inn mynd af þeim tveimur og fyrstu kynnunum:))

14 Júní.

Þóra Sigga vinkona mín á afmæli og ég er boðin í fertugsafmælið hennar í RVK.Mín var í fríi þennan dag og var ég bara að dúlla mér innivið og þurfti ekki að gera eitt eða neitt nema að undirbúa mig fyrir bæjarferðina.Jiiiiiiiii.......hvað það var gaman að sjá allar gömlu vinkonurnar aftur og sumar hafði ég ekki séð í ein 20 ár! Kampavínið freyddi uppúr öllum glösum og dýrindis réttir voru á boðstólnum.Mér var boðin gisting ef ég vildi en ég afþakkaði það með þeim orðum að það gæti nú verið heldur betur hættulegt ef að við gömlu vinkonurnar færum af stað á bæjarrölt með Kamapvín í hendi einsog forðum daga.Þá var margt brallað og sumt ekki prenthæft.

15 Júní.

Ég man ekki alveg hvað ég var að gera þennan dag.......úps.Líkast til man ég það eftir nokkur ár hehehe.Nema ég veit að það er allt að rigna í kaf!Þvílík rigning dag eftir dag!Ég hafði ráðgert að fara í hinn árlega Vigdísarvallartúr en sleppti því þriðja árið í röð vegna veðurs í þetta skiptið.Vanalega hefur verið farið á Jónsmessunni en í síðustu 3 skipti þá hefur þessari vferð verið flýtt um eina viku og leggst það frekar illa í fólk minnsta kosti hérna megin á Skaganum.Mig langar ekkert til að sitja á hesti gegnblaut inná milli fjalla í grenjandi rigningu og roki.Það er hvorki gaman né gott fyrir hestana heldur sem geta forkelast í svona veðrum.Minnsta kosti eru hrossin hér heima með glamrandi tennur í rigningunni og ég er af og til hlaupandi út að bjarga þeim inn á nóttunni þegar að hitinn fer niður á við.

16 Júní.

Mín fór í Bónus í dag að versla til heimilisins.Það er ekki það skemmtilegasta sem ég geri að fara af bæ og standa í löngum biðröðum eftir afgreiðslu einsog skeði í dag.Allir að verða vitlausir í skapinu og svo bitnar það á afgreiðslufólkinu sem á sér einskis ills von og reynir eftir fremsta megni að vera kurteist.Ég var að reyna að láta vita af því að það vantaði banana á kurteisann og rólegann hátt og það lá við að strákræfillinn í Ávöxtunum bæri fyrir sig hendurnar einsog ég ætlaði að lemja hann! Ég komst nú óslösuð útúr verslunninni og vona að þessar birgðir dugi bara sem lengst:)) Hebbi var búinn með felst verk þegar að ég kom heim og eina sem ég þurfti að gera var að gefa heimalningunum mjólkina sína fyrir nóttina.Það ringdi svo rosalega að ég hélt ég þyrfti að kalla út Björgunarsveitina með gúmmítuðru til að aðstoða mig við að ná inn tittunum sem að skulfu undir húsvegg.Týr,Þór,Glófaxi,Biskup,Glói og Skjóni voru ekkert smá fegnir að fá að komast inní hlýtt hesthúsið og fá tuggu í stallinn.Tittirnir þrír eru virkilega þægilegir og gæti ég alveg hugsað mér að taka að mér í framtíðinni  veturgamla fola í geymslu yfir sumarið en þetta er einskona tilraun hjá mér svona í alvörunni þó ég hafi haft titti áður og þá bara fyrir mig.Þetta eru vænstu grey og ekkert vesen á þeim.

 

07.06.2006 19:42

Gestahross að fara

Jæja gott fólk.Það er búið að vera svo mikið að gera hjá mér síðustu daga að það er ekki venjulegt! Nú verð ég að reyna að bakka eitthvað til baka í huganum og muna hvað var mest spennandi að ske.Auðvitað eru folöldin mest spennandi þessa dagana en þessi herra hér að ofna er búinn að fá nanfið Fengur og er undan Ögra Glampasyni og Moldu frá Tunguhlíð.Fengur er mikið forvitið foald og gaman að setjast niður og taka myndir af honum.Mér sýnist hann verða tvístjörnóttur moldóttur glaseygður á öðru auga en sumir vilja meina að hann verði bleikálóttur.

Um daginn fórum við Hebbi með hrossin hennar Möggu uppí Katanes og voru þau ósköp ánægð að komast í grasið þar.Það er vel sprottið þar miðað við hér í ásgarðinum enda allt annar jarðvegur,meiri mold og mýrar.Hér er svo sendið að ein rigningarskúr gerir ekki mikið.Það er alltaf gaman að koma í Katanesið og sjá hvað Sveinn er að bauka þar.Ég held samt að hann Hebbi minn hafi mikið meira gaman að sjá bíladótið og vinnuvélarnar heldur en hrossin sem við erum að flytja þangað:)) Lömbin í Katanesi eru orðin svakalega stór og er það kannski ekki skrítið því Hrúturinn á bænum ruglaðist eitthvað og kveikti í kindunum löngu fyrir jól!

Hér er allt orðið fullt af fallegum kanínum og gotin voru svo stór að við urðum að taka stíur í stóðhestahúsinu undir 3 læður með 8-9 og 10 unga.Þannig að ef að þið viljið kaupa fallega kanínuunga þá eru til nokkrir sem mega fara frá mæðrum sínum.Loop kanínurnar eru ættaðar frá Sauðnesvita en þar er fallegt og stórt kyn sem ég náði mér í í fyrra.Feður unganna eru Sauðnesvitakall og hvítur kall frá Ásgarði og er hann ein 5 kíló að þyngd.Castorinn er undan mjög góðu pari og er það 10 unga got.

Lömbin rifna upp og eru þvílíkt dugleg að drekka mjólkina sína.Vala er alveg svakalega frek á sopann og prílar upp eftir manni á meðan mjólik er blönduð handa þeim.Hermann hrútur sem var fótbrotinn þegar að hann kom er gróinn og snýr fóturinn kannski ekki alveg rétt en hann stígur í hann og er farinn að hoppa og skoppa og meira að segja farinn að hoppa uppá heyrúllur en Hebba leist nú ekki neitt voðalega vel á þegar að hann ætlaði að láta sig vaða niður af rúllunni og greip af áður en hann fótbryti sig aftur með þessari fífldirfsku sinni.Líklega er að bætast við fjórða lambið sem er í einhverjum vandræðum með að fá sopann sinn úr mömmu sinni en Ransý "mamma" mun nú redda því:))

Við vorum boðin í grill og guðaveigar um daginn útí Fjörukot en hópur af skemmtilegu fólki fór ríðandi  þangað en við Hebbi fórum bara bílandi vegna anna í okkar bústörfum.Þarna var yndislegt að vera í góðra vina hópi,allir tættu af sér brandarana og voru þeir sumir bannaðir að minnsta kosti innan fimmtugs ef ekki meir!Skelli hér inn mynd þaðan.

Fyrir um tveimur kvöldum gleymdi ég mér alveg í frumvinnu við veturgömlu trippinn.Mýldi ég ein 4 mertrippi og hengdi utaná Biskup sem var duglegur að draga þau á eftir sér útað búi og til baka.Sóley og Feilstjarna voru alveg einsog englar og fylgdu okkur vel eftir.

Biskup var alveg viss um að fá mola í hverju skrefi sem verðlaun:))Þetta trippi líst mér vel á því það er svo lundgott og meðfærilegt.

Feilstjarna Nökkvadóttir (frá Háleggstöðum)var mjög skemmtileg að vinna með og alveg með ólíkindum hvað hún var örugg og treystir manni vel.Hún er tilbúin til að fara í Reiðholtið á næstu dögum.Ég hef ekki áhyggjur af því að ná henni ekki aftur í haust.

Sú minnsta tók alveg rosalega á og ætlaði sko ekki að láta fara eitt eða neitt með sig! Ég hef aldrei séð gúmmíkarl verða svona mjóan eftir svona lítið dýr einsog hana hemlu litlu:)) En kallinn hafði betur en það tók ansi drjúga stund að fá hana til að skilja að hún hefði ekki betur:)) Biskup dró hana á eftir sér útí bú og þar fengu hún og Biskup snúða í verðlaun og eftir það teymdist hún einsog ekkert annað væri sjálfsagðara.

Freyja var ekki alveg að viðurkenna ósigur sinn frekar en Hemla litla en Biskup og gúmmikallin réðu:))Eftir dágóðann spotta fór þetta að ganga betur og þurfa Hemla og Freyja að fara aðra bunu til að sætta þær endanlega við þessa meðferð:)) Það var svo gaman hjá mér og Biskup(verðlaun í munn) að við vissum ekki hvað tímanum leið og þegar að Hebbi var farinn að óttast um kellinguna sína og hringdi niður í hesthús þá var klukkan farin að ganga tvö um nóttina!

Í dag gáfum við útiganginum og afhentum hana Hel Hróksdóttur sem er að fara norður á morgun.Eigandinn kom og sótti hana og kveið okkur pínu fyrir því að setja hana í kerruna en það gekk víst alveg hrikalega að koma henni um borð í vetur þegar að hún kom hingað.En með brauðmútum og lagni tók þetta innan við 5 mínútur! Sko okkur!

Ég skrapp inná Mánagrund í gærkveldi en það ætlaði að koma maður og kíkja á söluhross og verðleggja Hring.Ég verð víst að selja hann því að einhverstaðar verða að koma inn aurar fyrir öllu sem þessu hrossastússi tilheyrir.En þarsem við biðum eftir kauða ( sem mætti ekki) þá sáum við skemmtilega og fyndna sjón útum kaffistofugluggann hjá Bogga og Eygló! Fíni flotti hesturinn hennar Sunnu Siggu var að redda sér um fáein fíflablöð sem uxu einsog fílf rétt fyrir utan gerðið:)) Sá var nú liðugur og sniðugur!

01.06.2006 13:24

Dýralæknatími og gróðursetning

Ég er alveg orðin óð með myndavélina á smáblómum og öðru skemmtilegu.Þetta blóm er í garðinum hjá mér og veit ég nú ekki hvað það heitir en fallegt er það.Endilega koma með nafnið á því ef þið kannist við það!

Í gær gat ég ekkert bloggað en kerfið var eitthvað ekki í lagi þannig að ég verð að grufla vel í kollinum hvað ég var að bauka í gær hehehe.Ég man allt sem skeði fyrir 30 árum en ekki hvað ég gerði í gær.Eitt sinn vorum við Hebbi á ferð í Skagafirðinum og hafði ég ekki komið að bæ einum þar sem ég var sem barn í sveit sex ára gömul og langaði mig afskaplega til að sjá bæinn aftur.Þaðan átti ég margar góðar minningar þarámeðal um fyrsta alvöru reiðtúrinn minn á húsbóndahestinum sem engum var treystandi á nema honum sjálfum.Þannig var að Skjóni var hafður heimvið í hafti og fékk hann að bíta í kringum bæinn.Hann var rammstyggur og erfitt að ná honum nema að hefta hann vel á framfótum og man ég hvað ég vorkenndi honum að hoppa svona um allt eftir grængresinu.Eitt sinn þegar að bóndinn hafði verið að nota Skjóna þá var ég beðin um að teyma klárinn yfir að næsta bæ (þarna var/er tvíbýli) og binda hann við hesthúsið.Mig dauðlangaði að spyrja hvort ég mætti fara ríðandi á honum en það var hnakkur og alles á klárnum.Ég vissi það svosem að ég fengi þvert nei þannig að ég teymdi hann og þegar að á bakvið hesthúsið var komið þá var ég orðin svo spennt að ég teymdi Skjóna að girðingunni og prílaði upp girðingarmöskvana og í hnakkinn komst ég! En nú voru góð ráð dýr því ég hafði gleymt að setja tauminn upp og var því með tauminn liggjandi á hálsinum á honum hægra megin.Ég tímdi ekki að láta mig vaða niður aftur og ákvað að hafa þetta bara svona og beygja þá bara alltaf til hægri.Svo var hottað á Skjóna og hann óð af stað fangreistur á töltinu og stefndi ég að kirkjunni og reið ég alsæl hring eftir hring í kringum hana.Smiðirnir sem voru að vinna við lagfæringu á kirkjunni góndu úr sér augun og voru eitthvað að kalla á mig en ég þóttist ekkert heyra í þeim alsæl á klárnum.Svona gekk þetta um stund þartil Kristján bóndi á gamla bænum kom út og handsamaði Skjóna í rólegheitum með mig sex ára gamla í hnakknum og var ég heldur skömmustuleg á svipinn þegar að hann náði klárnum loksins.Spurði hann mig hvort ég hefði verið í Reiðskóla og svaraði ég því játandi sem var nú ekki satt því ég hafði aldrei heyrt það orð áður.Vissi ekki einu sinni að slíkt væri til.Þetta var minn fyrsti reiðtúr og hófst hann á Skagfirskum gæðingi í Skagafirðinum og man ég þetta enn einsog það hefði skeð í gær!

En aftur að því þegar að við Hebbi minn vorum á ferð í Skafafirðinum fyrir örfáum árum.Það var komið myrkur og ekki mikil von fannst honum um að ég myndi rata að Reykjum í Lýtingstaðahreppnum en ég bað hann samt að leyfa mér að reyna.Ég hafði ekki farið þetta í 30 ár og vegirnir lágu ekki eins og þeir gerðu þá.EN......mín rataði þetta í myrkrinu án þess að villast eitt eða neitt! Beint að bænum og mundi ég meira að segja eftir Svartánni og hvaða leið við fórum ríðandi upp með fjárreksturinn á vorin.Því eftir Skjónareiðina þá var mér treyst fyrir því að fara ríðandi með hjónunum á bænum með kindurnar til fjalla og það berbakt í fleiri klukkustundir.Ég fékk að fara á eina þrjá hesta sem segir nú margt um það hve geðgóðir þessir hestar hafa verið að hægt var að setja sex ára gamalt barn á þá berbakt langar leiðir.Svona hross langar mig til að rækta.

Einhver var að biðja um mynd af nýja stóðtittinum okkar svo ég tók eina mynd í gær af honujm Aski Stígandasyni.Hann er allur að koma til og spekjast meir og meir.Hann átti að fara í merar eitthvað vestur en kúlurnar láta á sér standa (á ekki eitthvað annað að standa)?Þannig að Askurinn verður heima í tveimur þremur hryssum í sumar á meðan hann er að þroskast betur.Reyndar sá ég um daginn þegar að hann var að velta sér tvær litlar kúlur þannig að þær eru þarna.Askur er háættaður í móðurætt en hann er undan Ösku sem er undan Frosta frá Heiði sem er hálfbróðir Heklu frá Heiði sem er hæst dæmdam klárhryssa í heimin með 8.78 fyrir hæfileika skeiðlaus!

Farin út að vinna gott fólk!!!!!!!!

  • 1

Um mig

Nafn:

Ingibjörg Rannveig Ingólfsdóttir (Ransý)

Farsími:

869-8192

Afmælisdagur:

25 Júlí

Heimilisfang:

Ásgarði

Staðsetning:

250 Garði

Heimasími:

422-7363

Um:

Ég er með hestabakteríuna ógerlegu einsog svo margir aðrir.Náði mér í bónda og fór að búa með honum Hebba mínum í Ásgarði 1998.Muna að kvitta í gestabókina!Njóttu.

Kennitala:

250766-4839

Bankanúmer:

0157-05-400339

Tenglar

Fána teljari

free counters

Eldra efni

Flettingar í dag: 537
Gestir í dag: 8
Flettingar í gær: 591
Gestir í gær: 23
Samtals flettingar: 50536
Samtals gestir: 2738
Tölur uppfærðar: 28.5.2022 21:53:31