Heimasíða Ásgarðs

Færslur: 2011 Júní

30.06.2011 22:23

Eðja köstuð 30 Júní


Eðja með Astró soninn

Eðja kom með strák undan Astró frá Heiðarbrún handa okkur í ár og ef ég er ekki alveg galin þá gæti þetta verið litföróttur strákur en við skulum bíða og sjá til þartil folaldahárin fara að falla af honum síðar í sumar.


Hún er alltaf jafnstygg og hrædd við allt fyrstu dagana en mér tekst nú alltaf að fikra mig að henni og tala hana til þartil ég næ taglinu upp á folöldunum til að kíkja á kynið.

Eitthvað var að trufla Eðjuna en það var nú bara kallinn í regngallanum hehehehe........:)

Reyndar treystir hún mér ágætlega síðan ég hjálpaði henni með hann Óðinn litla fyrir nokkrum árum en hann óx of skart í móðurkviði vegna offóðrunar á merinni að það kom svo mikil beygja á hrygginn á honum að merin var alveg dauðuppgefin við að koma honum í heiminn.

Ég var í fleiri klukkustundir að koma honum á spena því hann var alveg í L.
Ég varð að styðja við aðra hliðina á honum á meðan að hann stóð og teygaði í sig fyrstu móðurmjólkina en það fékk hann ekki fyrren Eðja var farin að skilja að ég var að hjálpa henni en ekki taka af henni folaldið.

Stóðið var svo spennt yfir þessu og virtist skynja að eitthvað var að.
Hrókur stóð sig vel og reyndi hvað hann gat til að stugga hinum hryssunum frá á meðan ég kom Óðinn litla á fætur.

Það var frábær tilfinning þegar að Eðja skildi að við tvö vorum að hjálpa henni en ekki öfugt og Hrókur stóð á milli stóðsins og okkar þriggja og varnaði forvitnum hrossum aðkomu að okkur.
Vanalega stendur hann vörð á meðan að hryssurnar kasta en þarna var hann aðeins ákveðnari en venjulega.
Gaman að kynnast og þekkja einstaklingana í stóðinu sínu og finna traustið sem myndast og eflist ár frá ári.



29.06.2011 03:01

Váli í húsnotkun og gengur vel


Steinsofnuð eða hvað...........:)?

Hér eru mörg störfin og verkin sem vinna verður og er eitt af þeim að halda gestahryssum á húsi en Váli hefur verið að sinna sínum skyldum og gengur það bara ágætlega.


Ég tók frá honum tvær folaldshryssur í fyrradag og sótti tvær ungar dömur þær Himinglævu frá Ásgarði og Kapellu frá Katanesi.

Himinglæva var að seljast út til Þýskalands og vildi kaupandinn hafa með í pakkanum litafolald og valdi Vála sem vænsta kostinn af þremur mögulegum kostum.

Hrókur hefði sett í hana einhverja af þessum hefðbundnu litum og svo er hann Astró frá Heiðarbrún hér í pössun en hann hefði nú getað gert eitthvað sniðugt.
En Váli hafði vinninginn og þar verða litatúpurnar notaðar villt og galið:)

Laust er undir Vála ef áhugi er og kostar tollurinn 20.000-

Hér er rok og þurrt en veðurfræðingarnir lofa öllu fögru um helgina en þá eigum við að fá rigningu .....LOKSINS!

25.06.2011 13:44

Sauðburði lokið endanlega:)


Sóley frá Stað og dóttir.

Lengi er von á einum segir orðatiltækið en hér fæddist lamb "óvænt" þann 15 Júní.


Við fengum gefins kind í vetur sem að sónaðist tóm og átti að fella.

Ákveðið var að geyma hana og skíra hana Sóley en hún er áberandi gul blessunin og fallega feit er hún.

Ég margtók undir hana í vor en var ekki viss,júgrað var frekar stórt en gat hafa verið fitujúgra enda kindin mun feitari en hún Hermína okkar sem hefur slegið hér öll met í holdafari og áti.

Sóley var svo sett út með hinum kindunum og var ég með annað augað á henni og svo var hún komin einn daginn þegar að ég kallaði í þær í brauðið með pínkulítið lamb (miðaða við hin lömbin:)en sú stutta var gripin og bólusett,sprautuð með Selen,vigtuð og mörkuð.

Hún er flottur einlembingur 5.5 kg.

Hér er allt að skrælna úr þurrki og veðurblíðan að drepa mann dag eftir dag.

Það sprettur ekkert að ráði og hagarnir eru að reyna að kreista upp stráin en það gengur hægt.

Það sárvantar hér rigninguna en það er ágætlega hlýtt eða damlar í tveggja hita tölum dag eftir dag með logni og eða gjólu.

Við fórum með 15 kindur með lömbum og tvo hrúta þann 20 Júní  uppí sumarhólfið sitt sem er ágætlega sprottið enda vel áborið og friðað alveg framtil 10 Júní í ár.

Heima erum við með 4 kindur sem við viljum hafa nærri okkur og hygla en það eru þær:

Fröken Spök með Litlu Svört sem að fótbrotnaði og systur hennar.

L-Svört sem vóg ekki nema 900 grömm þegar að hún fæddist en er komin yfir 10 kg núna:)

Sóley með litlu gimbrina sína síðbornu.

Forysta með sína þrílembinga stráka.

Og Sibbu Gibbu  þrílembingar,tvær gimbrar og einn hrússi.

23.06.2011 14:30

Váli að verða verkefnalaus


Váli frá Ásgarði IS2009125861 A vottaður.
F: Hrókur frá Gíslabæ (A 7.66 B 7.95 H 7.47)

FF: Kormákur frá Flugumýri(A 8.30 B 8.23  H 8.37)

FM: Best frá Brekkum 2

M: Eðja frá Hrísum 2

MF: Hrókur frá Stærri-Bæ ( A 8.01 B 8.18 H 7.89)

MM: Kvika frá Hrísum 2

Váli sýnir allan gang og er með góð gangskil. Lundin er traust og yfirveguð. Folinn er orðinn gríðarlega stór aðeins tveggja vetra og þroskast mjög vel. Váli tók fyrstu meðhöndlun vel og var auðveldur að eiga við í allri frumvinnu.
Váli frá Ásgarði verður verkefnalaus eftir cirka 10-14 daga,ef einhver vill fá lánaðann vindótt/litföróttan tveggja vetra fola í nokkrar merar þá er hann laus og liðugur og til í tuskið.Hann er þægilegur við að eiga,virðir girðingar enda alinn upp í góðum rafgirðingum.
Get tekið hann aftur snemma tilbaka.
Ransý 869-8192 eða senda skilaboð:)

21.06.2011 14:50

Stórstjarna köstuð 21 Júní


Stórstjarna og Hróksson:)

Stórstjarna kom með rauðblesóttan Hróksson en núna virðist sem að strákastrollan sé að koma útúr hryssunum hér á bæ.

Hann var svo nýkominn í heiminn þegar að við komum niður á bakka að hann var ekki enn kominn á spena og alveg rennandi blautur í norðangarranum.

Það kólnaði skyndilega þetta kvöld en hér hefur verið blíða og sólskin dag eftir dag og nánast logn alla daga.

Rigninguna vantar algerlega en úthagar eru að verða ansi þurrir og mesta furða hvað grasspretta er í þessum þurrki.

Það væri alveg eftir því að það fari að rigna þegar að heyskapur hefst!

15.06.2011 20:09

Hrókur og Váli komnir í merar


Spennan að verða óbærileg hjá Hróksa.......:)

Hvar eru dömurnar:)?

Hrókur var settur í merar í dag og var hann mikið kátur að komast loksins út á græn grös.

Þetta er rétta lyktin:)

Ég var ekki síður glöð enda leiðinlegt að loka þessi grey inni á vorin en veður hefur ekki verið spennandi og allt skeður miklu seinna en í venjulegu árferði.

Stórstjarna tók smá dans.

Hryssur á mínum bæ halda folöldunum sínum í sér eins og þær geta,gróður er seinn til og  meira að segja kanínurnar halda í sér ungunum lengur en vanalega sem er MJÖG óvenjulegt!

Hrókur gat ekki minni verið og missti sig í ræl og tjútt....

Fuss og svei...engin dama í látum hér.....ég er farinn....!

En loksins fyrir 3-4 dögum tók gróður verulega góðann kipp og það liggur við að maður sjái grösin stækka.

Váli fór einnig í sínar merar og er laust undir hann og kostar tollurinn 20.000-.

Einum tolli er óráðstafað undir Hrók frá Gíslabæ og er ekkert mál að bæta við hryssum í hólfið hans og kostar tollurinn 35.000-

ransy66@gmail.com

Myndataka Íris:)

09.06.2011 19:56

Mön köstuð 9 Júní


Fyrsta Hróksfolaldið í ár mætt á svæðið og er það enn ein hryssan og sú fjórða í röð.

Að sögn litaspegúlanta þá eru yfirgnævandi líkur á að folaldið sé litförót en ég sé það ekki fyrir víst fyrren hún fer að fella folaldahárin seinna í sumar.

Og einsog altaf með folöldin undan Hrók og Mön þá er þetta folald lofthátt og fallegt.

Það er alveg undravert hve vel þessi tvö parast saman og gaman að sjá hvað þau koma altaf með flott folöld.

Tvær alsystur þessarar jörpu hafa verið í úrslitum á folaldasýningum,Hefring frá Ásgarði varð í 3 sæti á folaldasýnginu hjá Mána og alsystir hennar Völva frá Ásgarði varð í 1 sæti á folaldasýnignu útí Sviss og var dómarinn voðalega skotinn í henni þar.

Sú jarpa fer fljótlega á sölulistan en ég verð að ná betri mynd af henni þegar að hún fer að rétta úr sér og þora að fara aðeins frá mömmu sinni en þau hanga alveg föst í pilsfaldinum á mömmunum fyrstu dagana og erfitt er að ná góðum myndum af þeim svona nýjum.

08.06.2011 00:52

Litla Löpp köstuð 5 Júní


Bleikálótt Astró dóttir og er það þriðja folaldið í ár og allt merfolöld:)

Litla Löpp hefur altaf sama háttinn á eftir að við hættum að opna bakkann svokallaða fyrir fylfullu hryssurnar í byrjun maí.

Hún veður meðfram girðingunni alveg brjáluð og reynir allt hvað hún getur til að komast niður á bakka en þar er stór laut sem að hún hefur notað sem skjól á meðan hún er að kasta.

Þessi laut er afar vinsæl og þykir hryssunum hér á bæ súrt að þurfa að kasta inná túni þessi síðustu ár eftir að ég breytti beitarfyrirkomulaginu hér.

En svona er nú lífið og ekkert annað í boði en að láta sér það nægja en bakkinn þarf á friðun að halda eitthvað frammí Júní svo að hann sé þokkalega vel grösugur til að taka á móti þeim með folöldin sín og stóðhesti.

05.06.2011 13:41

Freisting frá Laugardal köstuð 2 Júní


Freistingar/Astró dóttirin er stór og myndarleg svona nýfædd:)

Freisting var svo elskuleg að koma með bleikskjótta hryssu handa kallinum en það er alveg orðið tímabært að endurnýja Freistingu en hún er orðin 17 vetra gömul.

Sú bleikskjótta er háfætt og kætin er alveg með ólíkindum í þessu nýja folaldi sem fer um á hoppi og skoppi með rassaköstum.

Merarnar eru inni á túni sem við köllum Brunnflöt (gamall brunnur er þar) og er sprettan þar ágæt en úthaginn hér er mun seinni til og sárvantar meiri hlýindi svo gróður taki betur við sér.

01.06.2011 01:06

Hrókur frá Gíslabæ og Váli sonur hans taka á móti hryssum


Hrókur frá Gíslabæ

Tekur á móti hryssunum sínum og verður sleppt í hólfið Sunnudaginn

5 Júní 2011.

Folatolli er stillt í hóf 35.000-fyrir fengna hryssu með girðingargjaldi.

Sónar er ekki innifalinn en ef hryssa hefur verið sónuð með fyli úr hólfi hér og missir fyl þá á hryssueigandinn rétt á að koma aftur með hryssuna.

Hér er mjög gott eftirlit með stóðinu,rennandi vatn í körum og hey gefið með beitinni fyrst um sinn á meðan hrossin eru að venjast grængresinu.

Salt og steinefni eru einnig hjá stóðinu.

6 pláss eru laus hjá Hrók og ekkert mál er að bæta inná hann hryssu þó hann sé kominn í hólfið.

Hafið samband í netfangið

ransy66@gmail.com

 

Váli frá Ásgarði veturgamall vorið 2010 

Verður sleppt í hólfið sitt með aðgengi að hesthúsinu Sunnudaginn 5 Júní 2011.

Vindótt/litföróttur

F: Hrókur frá Gíslabæ  (A:7.66 B:7.95 H:7.47)

FF: Kormákur frá Flugumýri II  (A:8.30 B:8.23 H:8.37)

FM: Best frá Brekkum 2

M: Eðja frá Hrísum 2

MF: Hrókur frá Stærri-Bæ (A:8.01 B:8.18 H:7.89)

MM: Kvika frá Hrísum 2

Váli sýnir allan gang og er með góð gangskil. Lundin er traust og yfirveguð. 

Hann fer aðallega um á brokki en stutt er í töltið og nóg af skeiði (alvöru) hefur hann sýnt á góðum degi.

Folinn er orðinn gríðarlega stór aðeins tveggja vetra og þroskast mjög vel. 


Váli tók fyrstu meðhöndlun vel og var auðveldur að eiga við í allri frumvinnu. Hann er spakur án þess að vera með nokkurn yfirgang.

Nú þegar er búið að taka niður pantanir fyrir fyrstu hryssurnar sem að Váli kemur til með að sinna vorið 2011.

Váli verður heima í Ásgarði í húsnotkun og verður folatolli stillt í hóf eða 20.000- fyrir hryssuna en sónar er ekki innifalinn.

Sónar er ekki innifalinn en ef hryssa hefur verið sónuð með fyli úr hólfi hér og missir fyl þá á hryssueigandinn rétt á að koma aftur með hryssuna.

5 pláss eru laus undir Vála.

Váli er laus í seinna gangmáli ef þú átt handa honum nokkrar hryssur og góðann haga.

Hafið samband í netfangið

ransy66@gmail.com

Ps.Við áskiljum okkur þann rétt að taka frá hryssur og senda heim sem að sýna grimmd eða trufla í stóðinu með óæskilegri hegðun.


  • 1

Um mig

Nafn:

Ingibjörg Rannveig Ingólfsdóttir (Ransý)

Farsími:

869-8192

Afmælisdagur:

25 Júlí

Heimilisfang:

Ásgarði

Staðsetning:

250 Garði

Heimasími:

422-7363

Um:

Ég er með hestabakteríuna ógerlegu einsog svo margir aðrir.Náði mér í bónda og fór að búa með honum Hebba mínum í Ásgarði 1998.Muna að kvitta í gestabókina!Njóttu.

Kennitala:

250766-4839

Bankanúmer:

0157-05-400339

Tenglar

Fána teljari

free counters

Eldra efni

Flettingar í dag: 42
Gestir í dag: 9
Flettingar í gær: 135
Gestir í gær: 31
Samtals flettingar: 280615
Samtals gestir: 32698
Tölur uppfærðar: 19.3.2024 03:22:52