Heimasíða Ásgarðs

Færslur: 2006 Október

23.10.2006 01:07

Góðar móttökur og fótlyftudagur!

Í gær fórum við á Grænuhól og heimsóttum Gunnar og Krissu. Þar var frábærlega vel tekið á móti okkur. Krissa fór með okkur stelpurnar í safaríferð og sáum við ca. 200 hestastóð. Sabine og Íris náðu frábærlegum myndum. Við fengum líka að sjá stóðhestana á bænum og voru þeir ekkert slor! Eftir kaffi og kökur var farið í hesthúsið þeirra og sáum við væntanlegar kynbótabombur og eigum við eftir að fylgjast vel með þeim í brautinni í vor.

Síðan fórum við í Reiðholt að skoða hrossin þar og ná myndum af Sóley fyrir Corinnu og fjölskyldu. Það var mjög kalt og sólin að setjast.

Næst fórum við á Ægisíðu III að skoða folöldin hans Hróks. Auðvitað var þarna folald sem við féllum fyrir. Við skýrðum hann/hana Aladdín. Aladdín óð yfir þúfurnar á hágengu yfirferðatölti! Hvað erum við búnar að koma okkur í?  .

Eftir að hafa tekið myndir í ískulda fórum við til Huldu á Hellu og var hún fljót að koma hitta í okkur aftur með capuccino.

Í dag 22.10. fórum við stöllurnar að taka fótlyftumyndir í Ásgarðinum. Það var mjög gaman að sprella í folöldunum og hlupu þau um allt skelfingu lostin .

Okkur fannst Skinfaxa flottust . Að öðrum ólöstuðum .

Gamla rörið mitt hann Biskup var alveg viss um að hann væri líka folald og montaði sig alveg ógurlega!!!!!!

19.10.2006 23:51

Enn verið að ormahreinsa!

EKKERT smá biluð þessi kelling skín úr augunum á Kóngi Hróksyni og Stórstjörnu Brúnblesadóttur! Enda engin furða þegar að maður tekur uppá því að borða heyið frá skepnunum á þessum síðustu og verstu tímum . Það gekk mun betur að koma inn folöldunum í gær en í fyrradag enda fengu þau núna að skoða hesthúshurðina í rólegheitum á meðan að mannfólkið fór að stússa í öðru. Kóngur var næstum því alveg til fyrirmyndar enda "amma" farin að hrósa honum í hástert og mala um að hann væri nú alveg einsog öll hin Hróksbörnin.Það var og............Maður á aldrei að hrósa fyrirfram,hvað er maður ekki búinn að brenna sig á því oft?Kóngur hélt nú að hann þyrfti ekki að láta  loka sig einsog smákrakka inná tökubás og mýla sig,þaðan skildi hann sko stinga af og með stæl! Það var hoppað og skoppað og prjónað uppum allt.En við Boggi náðum að mýla gæjann og ekkert múður við okkur Bogga sko!

 

Eina folaldið sem ekki kom inn og stóð útí rétt og hló að okkur var hann Heljar en hann hló ekki lengi þegar að Boggi snaraði sér inní réttina með þetta svakalega flotta net sem við strengdum á milli okkar og eftir smá stund þá var allt loft úr kauða og inn hentist hann.Hann fékk sitt ormalyf sá ormur og allar lappir teknar upp.

Þristdóttirin var alveg einsog (umferða:) ljós og gerði allt sem hún var beðin um enda alveg frosin greyið af hræðslu.Hún tók engann séns á að vera með neina vitleysu eða streð,lét bara gera allt við sig mótþróalaust þessi elska.Og á endanum borðaði hún bara heyið sitt og þarmeð var hún bara tamin . Já"hvert á hún Eygló að senda reikninginn fyrir tamningunni á henni Ragga mín? Hehehehehehehehehe...........

Þór Ögrasonur er minnstur í þessum hópi og alveg einstaklega mikil gunga greyið.Lét öllum illum látum í tökubásnum og þóttist geta sloppið við þetta allt saman.En ekki var það nú svo að hann slyppi við allann pakkann,ormalyf,strokur,settur í gúmmíkarlinn og allar fætur teknar upp.Alveg frábært að handleika folöldin svona og sleppa þeim svo.Það munar alveg svakalega um að vera búin að þessari vinnu því næst þegar að þau koma inn stærri og öflugri þá er nú gott að vita til þess að þau eru vel handleikin og eitthvað búin að læra.

Í dag voru svo stóðtittirnir teknir inn og mýldir og ormahreinsaðir.Þeir voru öllu auðveldari viðfangs.Allir voru spreyjaðir og puntaðir fyrir myndatöku svo þeir gljáðu á skrokkinn.Svo voru þeir settir í nýtt hólf og var ætlunin að þeir sýndu okkur fótlyftur og læti en eitthvað gekk það erfiðlega,líklega höfum við verið búnar að svæfa þá með öllu þessu dútli inní hesthúsi!

Hér er einn góður í lokin frá henni Sigrúnu hehehehehe.........

Fjölskyldan sat við matarborðið á sunnudagskvöldi.


"Pabbi, hvað eru margar gerðir af kvenmannsbrjóstum til ?"

Spurði sonurinn allt í einu.
"Þær eru þrjár, sonur sæll.

Þegar að konan er á þrítugsaldri eru
brjóst hennar eins og melónur, kringlótt og stinn.

Á fertugs- og fimmtugsaldrinum
eru þau eins og perur, enn falleg er farin að lafa svolítið.

Þegar að konan er komin yfir fimmtugt þá má líkja brjóstum hennar við
lauka." "Lauka ?" "

Já, þú horfir og þú grætur !"


Smáþögn.


"Mamma, getur þú sagt mér hve margar tegundir ef tippum eru til"

spurði dótturin.

Mamman brosti, leit á eiginmann sinn og sagði:"

Maðurinn gengur í gegnum þrjú stig.

Þegar að hann er á þrítugsaldri er limur hans eins og
eik, öflugur og harður.

Á fertugs- og á fimmtugsaldri er hann eins
og birki, sveigjanlegur en traustur og þegar að hann er kominn yfir
fimmtugt má líkja honum við jólatré!"
" HA, jólatré ?"
" Já hann þornar hratt upp og kúlurnar eru bara til skrauts

 

 

18.10.2006 00:43

Framhald á ormyfsgjöfinni

Það var sko tekið á gúmmíkarlinum í dag skal ég segja ykkur! Hann Fengur Ögrasonur ætlaði ekki að láta í minni pokann fyrir okkur þessum tvífætlingum sem voru að reyna að troða uppí hann sprautu með bleikum vökva í,ojjjjjjjbjakk! Þetta var nú meira skítapakkið sem þarna var á ferðinni.En ormalyfið fór allt ofaní hann og hann fékk að reyna sig við gúmmíkarlinn og allar fætur teknar upp. Fengur er orðinn stór og sterkur strákur enda er Molda mamma dugleg að mjólka ofaní drenginn sinn.

Iðunn var öllu rólegri og alveg búin á því eftir smá tog og hopp en þá áttaði hún sig á því að best var að vera stillt og góð stelpa.Það var ekkert mál að taka upp allar fætur á henni og ekkert mál að snerta hana alla.Mér líst vel á hana og er hætt að kalla hana Bananahausinn en hún hefur heldur betur lagast og er ekki með eins mikla merarskál einosg þegar að hún fæddist.Hún er líka orðin ansi stór og stæðileg.Íris og Iðunn voru orðnir hinir mestu mátar og lét Iðunn hana kjassa sig og klappa og stóð einsog tamið hross.

Við urðum að játa okkur sigruð á einum fjórum folöldum sem ekki voru á því að láta plata sig inní hesthús en þau fá að bíða með mæðrum sínum í litlu hólfi í nótt og áfram verður haldið á morgun.Þau voru alltof södd og sjálfstæðið orðið mikið og höfðu ekki áhuga á að fylgja mæðrum sínum inní hesthúsið.Þau kölluðu ekki einu sinni í mæður sínar og ekki þær í þau en vonandi hefst þetta á morgun en þau fá ekki strá í nótt að borða og ættu að verða fegin að finna tugguna í stöllunum á morgun.

Það var gestkvæmt í Ásgarðinum í dag en fyrir utan okkur Hebba mig,Sabine og Írisi þá komu Gro og dóttir hennar að sækja Bjössa sem kom með flugi frá Noregi í dag.Þeir náttúrulega gátu spjallað um allt sem viðkemur byssum og veiðibráð en Bjössi hafði verið á Dádýraveiðum í Noregi í heilann mánuð! Boggi og Eygló komu einsog hendi væri veifað til að aðstoða við folöldin og var mikið gaman að stússa í kringum hrossin og spá og spekúlera í væntanlegum "heimsmeisturum"hehehehehehe.......Það má nú pæla er þaggi  .

Eftir alla vinnuna í dag var ekki um annað að ræða en panta tvær 18 tommu ofaní liðið og eftir að við sporðrenndum þeim niður þá var auðvitað lagst í tölvuna og farið yfir myndir dagsins en Sabine og Íris gátu ekki sofið fyrir spenningi og voru komnar út klukkan 8:00 í morgun að taka myndir af hestunum.Þær náðu þessum fínu myndum enda birtuskilyrðin alveg frábær í morgun.Hún Sabine er náttúrulega snillingur á Camerunni og tók maður andköf af að horfa á sumar myndirnar!

16.10.2006 21:03

Þær eru að koma!

 Eftir cirka tvo tíma lenda þær Sabine og Íris og allt á hvolfi í Ásgarðinum! Eldhúsið enn í rúst enda er bóndi minn að gera það fínt og flott,enn flottara en ég bað um .Isssssssss........þetta er sko alltílagi,mig grunar að Sabine og Íris sé alveg sama bara ef þær geta séð hrossin sín hér og stússað í hesthúsunum.Við ætlum nefnilega að temja svolítið litlu pungana,þessa veturgömlu sem enn eru með kúlur.Ekki veitir af að kenna Hjartan og Stóra-Dímon meira um mannskepnuna en að hún komin bara færandi hendi með gott í gogginn.

Ég ætla að taka cameruna með á eftir og smella af gellunum þegar að þær koma þrammandi í gegnum tollinn! Skelli inn hér á eftir .

Þá eru þær komnar gellurnar alla leið frá Þýskalandinu .Ég þorði nú ekki að vera með cameruna á lofti við tollinn því að það var eitthvað lögguvesen þarna og ekki ætlaði ég nú að vera næsta forsíðumynd í DV! Þannig að ég var bara róleg og stillt og heim komumst við klakkalaust og auðvitað var strax brunað niður í hesthús að líta á þær gersemar sem sáust í ljósi inní hesthúsi.Allir trölluðu þeir inn veturgömlu tittirnir að sýna sig og sjá okkur stelpurnar.Á morgun verða miklar myndbirtingar héðan úr Ásgarðinum,því get ég lofað .

14.10.2006 00:22

Púlli geimhundur!

Þetta er hann Púlli minkaveiðihundur með meiru og er líkast því að kauði sé nýkominn frá annari plánetu! Við erum með hann í láni en hann er albróðir hennar Buslu okkar úr sama goti.Þetta er snilldarinnar hundur því hann ekki einungis leitar uppi mink heldur sækir hann í sjó Skarf og kemur með þá að landi fyrir eiganda sinn.Við ætlum að fara á minkaveiðar um helgina ef veður leyfir og förum við þá með Púlla,Töru mömmu hans og Skvettu dóttur Buslu.

Buslufréttir:

Busla er öll að koma til,hætt að finna mikið fyrir verknum í fætinum og farin að veiða Fiskiflugur með mér hérna heima!Hún fer alveg á límingunum þegar að kellingin tekur upp spaðann og slæ ég flugurnar niður til hennar og hún grípur þær og jóðlar þeim uppí sér og hrækir þeim svo út.Sú er montin af þessum veiðum sínum.Annars liggur hún nú bara á teppunum sínum og er að láta sér batna í rólegheitum.Hún fær Pencillín tvisvar á dag og svo er hún á einhverskonar lyfjum frá Hómópata sem eiga að gera henni gott.Það eru allir að leggjast á eitt með að koma tíkinni til hjálpar og meira að segja fólk frá útlöndum er að gera ýmislegt fyrir hana!

Ég var ekkert smá dugleg um daginn,tók til í öllum kanínubúrum sem í eru kanínur og þreif duglega og setti inn nýja hálm hjá öllum.Það er svo gaman að sjá hvað nínurnar verða glaðar að fá inn til sín nýjann hálm,þær þeyta honum um allt búr og skvetta til rassinum einsog beljur að vori:)) Síðan fyllti ég vel af hálmi í allar hestastíurnar og setti svo spænir undir þá líka.Ég nefnilega er komin með 4 hesta inn því að Tangó og Askur voru ekki alveg að geta torgað rúllunni nógu hratt áður en hún fór að skemmast þannig að ég náði í tvö átvögl þeim til aðstoðar við rúllurnar þá Biskup yfirátvagl og Glóa "minn". Samkomulagið er mjög gott útí gerði en fyrst þurfti náttúrulega hann Tangó að kyngreina Biskup og þótti Biskup nóg um hvað hann var marga klukkutíma að átta sig á því að hann væri hestur en ekki hryssa og það hvein og söng í honum gamla mínum hehehehehe.Tangó fannst þetta BARA sniðugt......hann gat látið Biskup syngja hvað eftir annað,bara rétt að snerta hann með snoppunni hehehehehe.Það heyrist hátt í Biskup og halda margir sem hann ekki þekkja að hann sé að ganga frá öðru hestum en sá gamli lyftir ekki löpp eða blakar við öðrum hestum,hann í mesta lagi skellir rassinum í þá og hvín einsog lúður á skipi!

Við erum búin að rústa eldhúsinu og nú skal sko koma því í lag á mettíma! Við byrjuðum í dag að tæta það niður og á morgun á svo að fara að smíða hærri sökkul undir svo að hægt sé að koma fyrir  uppvöskunarvélinni og líka svo það verði vinnalegt fyrir manneskju í venjulegri hæð við borðið.Mikið hlakkar mig til þegar að þetta er búið.

Og svo koma Íris og Sabine á Mánudagskvöldið!!!!!! Ég er að gera herbergið þeirra rosalega flott og næs svo þær njóti sín vel hér og komi aftur og aftur:))

10.10.2006 00:48

Fyrsta ormahreinsun

Sælt verið fólkið,ég er á lífi elskurnar mínar .Ég verð að vera duglegari að blogga því ég fæ orðið símhringingar og tölvupóst ef ég blogga ekki í nokkra daga og allir halda að ég hafi slasast eða eitthvað þaðan af verra.

En það sem helst er í fréttum er að hann Hringur kallinn minn elskulegi gekk ekki alveg heill til skógar á sölusýningunni um daginn,hann er múkkaður þessi ræfill og var hans svar við því að sýna ekki sitt besta og spara flottustu taktana sína í brautinni.Ég heimsótti hann í dag og Sigga Matt sem segir að þetta sé allt í rétta átt og hesturinn að lagast.Það er verið að doktora klárinn með öllum bestu ráðum og allt að gera sig .Hann fær reglulegar heimsóknir frá spenntu fólki sem er að spá og spekúlera í honum.Ég varð nú pínulítið montin þegar að einn af þjálfurum hans sagðist vera við það að versla hann sjálfur.Mér skilst að hesturinn seljist núna á allra næstu dögum,nú ef ekki þá kemur hann bara heim litli Englabossinn hennar "mömmu" sinnar í smá dekur fyrir átök vetrarins og hver veit nema að kellan skelli sér á honum í Kvennatöltið hjá Mána í vor!

Það er engin smá fótlyfta þarna á ferðinni! bara yfir vinkilinn .Nú er bara að krossleggja fingur og vona að hún Vænting frá Ásgarði sýni þessa sömu takta þegar að því kemur að hún verði reiðhross.Við Eygló tókum okkur til um daginn og ormahreinsuðum folöld úr tveimur hólfum af þremur og þvílíkur munur að vera ekki einn að þessu einsog ég hef verið í flest skiptin.Ég var ekki ánægð með hana Von hennar Röggu en það er fósturfolaldið hennar Heilladísar sem missti mömmu sína þegar að hún var cirka mánðargömul eða svo.Von var farin að líta út einsog hún væri ormaveik og ég var voðalega svekkt vegna þessa.Ég sem er svo samviksusöm að ormahreinsa öll hross reglulega og alltaf allar hryssur á vorin áður en þær kasta! Ég spurði dýralækni út í þetta og þá kom hið sanna í ljós og er maður alltaf að læra meira og meira í sambandi við hrossin.Þannig er að þrátt fyrir að Von hafi haldið áfram að fá mjólk úr Heilladís og hennar eigið folald hún Sif blæs út og blómstrar og er ekki ormaleg að sjá þá hefði Von þurft að fá mjólk úr sinni eigin móður í minnst 3 mánuði til að mótefnin gegn ormum frá móður virki almennilega! Semsagt Sif Heilladísardóttir nýtir vel mótefnin úr móðumjólkinni en Von getur það ekki því hún er ekki dóttir hennar Heilladísar!

Pálmi frá Höfnum var ormahreinsaður og bundinn í gúmmíkarlinn og var hann duglegur sá stutti að taka á kallinum hehehe.Hann lærði heilmikið um það hvernig er að vera bundinn og þurfa að sætta sig við það.

Ekki slapp hún Frigg frá Ásgarði við að fá ormalyf heldur og sú var dugleg á gúmmíkarlinum!Rosalega er þetta mikilvægt tæki þessi gúmmíkarl,hann sparar manni mikið vesen og óþarfa uppákomur við það þegar að hross taka sig til og slíta sig laus af manni þegar að þeim hentar.Og auðvitað voru allar lappir teknar upp og voru folöldin orðin svo þæg og góð eftir allar þessar kúnstir hjá okkur Eygló eftir daginn.

Við tókum okkur til um daginn og slátruðum þremur af heimalningunum.Hrússarnir voru ansi þungir og fínir,vógu 17 kg annar þeirra og hinn 17.5 kg.Nú er staðan þannig hjá okkur að við ætlum að vera með kindur og prófa okkur áfram með þetta og fáum við góða aðstoð frá vinkonu minni henni Valgerði sem er fjármálaráðfrúin mín .Það verða settar á 3 gibbur og einn hrússi hann Flanki frá Flankastöðum.Hann er svo mikil kótiletta að það er ekki fyndið!Ýkt langur og ætlar hann að framleiða falleg kótilettulömb með extra langan hrygg hehehehe.

Buslufréttir:

Busla er búin að fara tvisvar sinnum í geislana sína og er komin aftur á Pencillín því það er sýking í beininu og kannski ekki furða þó að hún hafi verið að kveinka sér og ekki viljað nota fótinn sinn.Svo er hún á Kalktöflum til að flýta fyrir beinmyndum og vinna geng beineyðingunni sem hefur orðið hjá henni.Hún stendur sig einsog hetja hjá XXX og þarf engin róandi lyf svo hægt sé að vinna með hana í öllum þessum tækjum.Hún bara snýr eða liggur kyrr einsog hún er beðin um.Litla hetjan mín er hægt og bítandi að sýna merki um að hún finni ekki eins til og er farin að gera ýmislegt sem ég hef ekki séð hana gera lengi.Sem betur fer þá reynir hún ekki að stíga í fótinn ennþá en það skiptir máli að hún geri það EKKI segir XXX á meðan beinið er að taka sig og ná einhverri festu.Hún er hætt á öllum verkjalyfjum og sefur hún vel og hreyfir sig sem minnst.Ég sá strax mikla breytingu á henni Buslu eftir fyrstu geislameðferðina því hún virtist geta slappað betur af og legið afslappað og sofið rólegar.Áður var hún alltaf að skipta um stellingu og svaf ekki vel.Ég get fylgst svo vel með henni því hún sefur á teppi við svefnherbergisdyrnar og þar getur hún sko sofið alveg endalaust þessi elska.

03.10.2006 23:48

Hringur og Siggi Matt í stuði

Við Hebbi fórum í bæinn í dag að heimsækja Hring og Sigga Matt.Ekki urðum við fyrir vonbrigðum með klárinn okkar sem er allur að blómstra enda enginn viðvaningur með klárinn í klofinu .En fyrst varð hún Eygló litla að fá að prufa hann Hring inná gangi en þegar að átti að taka hana af klárnum þá bara orgaði  sú stutta og fékk að sitja svolítið lengur.Sú ætlar að verða mikil hestakona einosg hún mamma sín Hulda Geirs.Mamma hennar reyndi meira að segja að múta henni af klárnum með sleikjó en það var EKKI að virka þó sleikjóinn freistaði.Eygló litla rétt bara út höndina og sat svo sem fastast með sinn sleikjó á klárnum og slefaði svo af ánægju yfir allan hnakkinn og það síðasta sem ég frétti af honum Sigga Matt var að að hann sæti fastur við hnakkinn sinn í hnakkageymslunni .Eða þannig sko.........kannski orðum aukið hjá mér hehehehe.

Hér ætla ég að sitja sem fastast!

Siggi og Hringur á fljúgandi tölti.Ekkert smá flott sýning sem við fengum og vil ég þakka henni vinkonu minni Huldu Geirs fyrir að koma og mynda klárinn með mér þrátt fyrir óhagstætt myndaveður í meira lagi.Ég bíð spennt eftir myndunum frá henni en ég tók þessa með minni litlu cameru og var bara nokkuð sátt miðað við aðstæður.

Þessi mynd var að berast frá henni Huldu og sýnist mér þetta vera nákvæmlega sama mómentið hjá okkur báðum með camerurnar:)

Og hér er önnur góð frá henni HGG  slef.......veit hvernig Cameru ég kaupi mér næst .

Verð að skella hér inn auglýsingu frá Víðidals-rétt" Hringur verður á þessari sölusýningu og hlakkar mig mikið til að mæta á svæðið og sýna mig og sjá aðra.

Hrossamarkaður í ?Víðidals-rétt?.
Haustið þykir oft hentugur tími fyrir hestakaup. Hrossin eru ennþá í góðu formi og rólegt hjá tamningamönnum eftir annríki sumarsins. Um helgina ætla nokkrir hestamenn á félagssvæði Fáks í Víðidal að efna til hrossamarkaðar. Nánar tiltekið verður hann laugardaginn 7. október.

Klukkan 12 á hádegi verður uppboð á ótömdum og/eða lítið gerðum hrossum. Uppboðið verður í stóru réttinni hjá félagsheimili Fáks í Víðidal.

Klukkan 13 verður síðan sölusýning á tömdum hrossum. Lögð verður áhersla á að bjóða til sölu efnileg og eiguleg hross. Hrossin verða sýnd í brautinni fyrir neðan félagsheimilið.

Nánari upplýsingar um hrossin, með umsögnum, munu birtast í netmiðlunum fljótlega.

Þeir sem standa að þessum markaði eru m.a.

Gummi Baldvins,
Robbi Pet,
Siggi Matt,
Tommi Ragg,
Og Viðar Ingólfs.

Huggulegar kaffiveitingar verða í félagsheimilinu meðan á markaðnum stendur.
 
 
Ps. Ég var að setja inn bestu myndirnar af honum Hring frá í gær á Dýragallerýið mitt.Döööö..................er maður smá stoltur af stráknum sínum  roðn!

http://www.dyrarikid.is/gallery/AlbumSkoda.aspx?A=5973





  • 1

Um mig

Nafn:

Ingibjörg Rannveig Ingólfsdóttir (Ransý)

Farsími:

869-8192

Afmælisdagur:

25 Júlí

Heimilisfang:

Ásgarði

Staðsetning:

250 Garði

Heimasími:

422-7363

Um:

Ég er með hestabakteríuna ógerlegu einsog svo margir aðrir.Náði mér í bónda og fór að búa með honum Hebba mínum í Ásgarði 1998.Muna að kvitta í gestabókina!Njóttu.

Kennitala:

250766-4839

Bankanúmer:

0157-05-400339

Tenglar

Fána teljari

free counters

Eldra efni

Flettingar í dag: 600
Gestir í dag: 8
Flettingar í gær: 591
Gestir í gær: 23
Samtals flettingar: 50599
Samtals gestir: 2738
Tölur uppfærðar: 28.5.2022 22:35:49