Heimasíða Ásgarðs

Færslur: 2010 Apríl

24.04.2010 22:47

Sauðburði senn að ljúka/lokið:)

Gleðilegt sumar öllsömul.

Forysta með lambadrottningarnar sínar.

Þær hafa fengið nöfnin Unnur og Krissa í höfuðið á aðstoðardömunum sem voru hér heila nótt að aðstða mig í sauðburðinum.

Ég er búin að vera meira og minna útí fjárhúsum að sitja yfir kindunum mínum sem eru að bera þessa dagana/næturnar og ég tek þessu svo alvarlega öllu saman að það mætti ætla að þær væru 900 en ekki 9:)

6 eru bornar og eru allar tvílembdar og staðan er þessi að það eru 3 hrússar og 9 gimbrar.

Næst bar Hermína tveimur gimbrum.

Enn sem komið er lifa allir og ég krossa bara putta og vona að það gangi jafnvel hjá þessum 3 kindum sem eftir eru að bera.
tók myndir í dag af gripunum og vonandi að það fari að hlýna og grænka meira svo hægt sé að koma þeim aðeins út á kroppið á næstu dögum.

Næst bar Sibba Gibba tveimur gullfallegum Forksdætrum.

Hin Sibbu Gibbu dóttirin.

Reyndar er komið aðeins kropp og allt lítur þetta vel út á meðan að við fáum ekki öskuna yfir okkur líkt og aumingjans fólkið og skepnurnar fyrir austan.

Hrútakóngurinn hennar Kráku og Forks:)

Hinn hrússinn og í uppáhaldslitnum mínum:)!

Næst bar hún 007 tveimur gimbrum.

Hin 007 dóttirin.

Brynja Beauty kom með gimbur og hrút.

Farin útí fjárhús því að hún Dóra er við það að bera ef ekki borin!
Mynd kemur á eftir:)

Já..........sæll!
Dóra kom með 3 lömb,tvo hrússa og eina gimbur og öll jafnstór og falleg.
Nú er bara að dekstra við þá gömlu og kaupa nýja fóðurbætinn og dúndra í hana Dóru svo hún ráði við að mjólka í þennan skara af krökkum:)

Hauskúpa bar þann 28-04 tveimur gimbrum.

Mynd kemur von bráðar......!


Karen borin fyrsta lambinu.

Og sú sem var síðust í ár er hún Karen kind en hún bar 1 Maí þrílembingum,tveimur gimbrum og einum hrút.

Þá telst mér að lömbin séu orðin 20 úr 9 kindum þar af eru 7 tvílembdar og 2 þrílembur.
Kynjaskiptin eru,5 hrútlömb og 15 gimbrar:)

Ég hef oft hugsað til þess síðustu dagana en þarna er sauðburður byrjaður og á eftir að ná hámarki uppúr næstu mánðarmótum.
Sendi bændum og búaliði mínar bestu óskir um betri tíð og vona að þessum ósköpum fari nú að ljúka.


Og takk kærlega fyrir öll commentin,mér þykir vænt um hvað þið eruð dugleg að kvitta fyrir ykkur á síðuna mína:)

20.04.2010 15:13

Váli og Forseti teknir undan mæðrum sínum



Váli Eðju/Hróksson vindóttur/litföróttur.
Eðja mamma á bakvið drenginn sinn:)

Það var orðið tímabært að taka þá Vála og Forseta undan mæðrum sínum en þeir voru að verða óþolandi og þá sérstaklega hann Váli sem var að fá náttúruna.

Hann var stundum ekki alveg viss hvort hann ætti að fá sér mjólkursopa úr mömmu sinni henni Eðju eða að gera do do á henni!

Ég hef verið drjúg við að segja öðrum hvernig best sé að taka undan folöld og það má með sanni segjast að ég hef ekki verið beinlínis að hlusta á mig sjálfa því hér brotnuðu nokkrir staurar í látunum við þessa tvo stráka og það endaði með því að þeir voru látnir elta mæður sínar útí stóðhestahús og önnur þeirra varð að gista þar yfir nótt því að þrátt fyrir að Skjóna mín væri nýhætt að mjólka ofní Forseta þá varð sorgin þvílík yfir móðurmissinum að Forseti ætlaði að henda sér yfir allt ef mamma hans hreyfði sig!

Eðja og Váli voru engu betri en Eðja var stútfull af mjólk og var ekki tilbúin að missa af "litla" drengnum sínum og hann ekki af henni.

En eftir eina viku útí húsum þá voru þeir búnir að jafna sig og eru farnir að hlaupa um og ærslast úti við án þess að ætla að henda sér yfir alar girðingar og varnir sem þar eru.

Ég verð nú að segja að ég hef líklega ekki séð jafnstór folöld og hann Váli er á þessum aldri en hann er líklega jafnstór móður sinni ef ekki stærri!

Veturinn er búinn að vera yndislegur veðurfarslega séð og heygæðin eru frábær eftir síðasta sumar og ég tala nú ekki um hvað "nýja" rúlluvélin og kallinn unnu vel saman en það er svakalega vel troðið í rúllunum af heyi og meðalviktin er cirka 450 kg í rúllunni af þurru heyi.

Eitthvað er það þyngra í útigangsheyrúllunum en okkur rétt tókst að rúlla því heyi tæplega fullþurrkuðu en okkur finnst betra að hafa það aðeins hrárra því þá er það bæði kraftmeira og fýkur síður frá hrossunum ef gerir rok.

Eigendurnir að henni Glampadís Glampadóttur komu hingað um daginn og rökuðu dömuna.

Henni var svo heitt með allt þetta hár á sér að hún var ekki að ná að borða jafn mikið hey og hin folöldin sem voru rökuð.

Hún kom feit og pattaraleg undan feldinum sínum og þvílíkur léttir fyrir hana en næstu daga á eftir er hún búin að vera einsog raketta um alla rétt þegar að hleypt er út:)
Bara gaman:)

Ég er svo heppin að eiga góðann frænda sem er að yfirfara tölvuna og setja hana uppá nýtt fyrir mig og þið verðið að sýna mér smá biðlund ef ég svara ekki alveg strax póstinum en þetta er nú allt að koma samt hjá mér.
Nýja fína kerfið lítur vel út og gaman að vinna í tölvunni en það tekur allt saman tíma hjá mér gömlu konunni að læra uppá nýtt á hitt og þetta:)

12.04.2010 14:46

Páskaferð til Þýskalands:)


Skelltum okkur til Þýskalands yfir Páskana...............:)


Búin að blogga á Kanínublogginu um ferðina og blogga mjög fljótlega hérna megin líka þegar að ég hef betri tíma.
En eitt er víst............!:)
Þýskaland er gott land að heimsækja og gestrisnin og dekrið við okkur var algjört:)

Við eigum frábæra vini þarna ytra og ég tók margar myndir sem ég á eftir  að setja inní albúm.

Eina  sem skyggði á ferðina var að Hebbi minn var veikur fyrstu tvo dagana og svo tók ég við og var hrikalega veik í 3-4 daga en reyndi að halda andlitinu.

Feita bloggið sem ég lofaði:)

Eftir alltof langt flug (hata að sitja í flugvél) í loftlausum spúandi bakteríuhólk þá loksins lentum við á Frankfurt Flugvelli.

Íris og Vilhelm biðu þar erftir okkur og það urðu fagnaðafundir hjá okkur vinkonunum.

Á heimleiðinni til þeirra sáu við Sirkus og risastóra fíla í rafmagnsgirðingu og auðvitað urðum við íslendingarnir að fá að fóðra fílana.

Gaman að fá að sjá þessi risastóru dýr svona örfáa sentimetra frá sér og einn af þeim þakkaði mér svona fallega fyrir grastugguna með því að snýta úr rananum yfir mig!

Kannski ég hafi fengið kvefpestina þannig hehehehehehe..............:)

Við fengum höfðinglegar móttökur hjá Íris og fjölskyldu,glæsileg morgunverðarhlaðborð og flottir fiskréttir á kvöldin sem að Vilhelm hristi frammúr erminni einsog hendi væri veifað.

Auðvitað kíktum við á hestana þeirra Írisar og Vilhelms sem voru meira en til í að glensast fyrir gestina:)

Þarna var íslenskt folald,Kjetill frá Lágafelli sem gaf stóru hestunum ekkert eftir og þegar að allt var sprungið uppá stökk þá gaf sá stutti allt í botn á brokkinu og hélt í við þá!

Vilhelm með vini..........:)

Ég með Connemara fola sem er að verða 3 vetra.

Vilhelm að færa hestana úr haganum í hesthús fyrir nóttina:)

Næsta dag fórum við að skoða mjög gamalt og glæsilegt þorp sem er verið að endureisa og voru sum húsin frá 1650 takk fyrir!

Næst kíktum við á hana Jessicu sem að keypti hana Báru frá Ásgarði en Jessica er með reiðhrossin sín á nýjum og rosalega flottum hestabúgarði sem er verið að reisa.

Síðan fórum við að skoða gamlann Kastala sem að er verið að endurgera en hann fannst eða rústir hans og er verkið komið ansi langt á veg og gaman að ganga þarna um og skoða.

Kirsten með súkkulaði labradortíkina.

Karsten með Einstein.

Næst fórum við til Kirstenar og Karsten en það var 4 tíma keyrsla fram og tilbaka og stóð hún Íris sig vel á hraðbrautinni og stóð bensínið í botn og þutum við áfram á 160 km hraða!
Kallinn minn hafði á orði að eitthvað hefði heyst í mér ef hann hefði keyrt svona heima.
Ekki sama að jafna hvað varðar vegina:)


Ég var orðin ansi lasin þegar að við vorum komin til Kirstenar og ég var ekki alveg að ná áttum og
því miður þá á ég ekki margar góðar myndir frá veru minni hjá þeim.

Ömurlegt að vera í útlandinu,stútfull af kvefi,illt í eyrunum með bullandi hita og beinverki og óglatt ofaní allt saman:(

Ég muldi í mig öll þau lyf sem hægt var að fá við þessum fjanda en allt kom fyrir ekki,ég varð bara veikari og veikari.

Kalllinn var orðinn hress og fær í flestan sjó og var hann strax við komuna drifinn útí skóg á Villisvínaveiðar.
Þetta voru hans fyrstu Villisvínaveiðar og var kallinn mikið spenntur og viti menn!

Hann var rétt búinn að bíða í 30 míntútur þegar að hans fyrsta Villisvín lá í valnum.

Eftir þetta var kallinn óstöðvandi,eyddi hann mestum tíma sínum útí skógi við vinnu með Karsten en þeir fóru á hverjum morgni að fóðra Villisvínin en það er gert á sérstökum fóðurstöðvum sem voru hátt í 20 talsins en svínin fá maís daglega og svo fóru þeir að vitja um gildrur hingað og þangað ásamt fleirum verkefnum sem sinna þarf en Karsten er skógavörður að atvinnu.
Draumastarf fannst mínum kalli og munaði ekki miklu að hann yrði bara eftir þarna útí skógi og sendi mig eina heim!

Bleika með kvöldverðinn sinn sem samastendur af Gulrótum,Rauðrófum og sérstakri fóðurblöndu ásamt heyi að vild og bunka af hálmi til að lúlla í.

Ég hitti hana Bleiku sem er líklega elsta íslenska hross veraldar en við erum jafngamlar og báðar fæddar árið 1966 og verðum við 44 vetra í vor.
Hún er hress en stirð á morgnana einsog ég en við erum báðar með gigt og liðkumst upp þegar að við erum komin nokkur skref inní daginn:)
Hin hrossin bera virðingu fyrir Bleiku sem kom mér á óvart en hún er nú samt ekki látin vera í girðingu með öðrum hrossum heldur er hún á daginn í girðingu með annari hryssu sem er hátt í þrítug.
Það er alveg greinilegt að það er sérstakt samband milli hryssunnar og Kirstenar og Bleika skilur hvert orð sem Kirsten talar til hennar.

Anna Sievers á fylfullri Oríon dóttur.

Við Íris og Jessy dóttir hennar keyrðum áfram og heimsóttum Önnu Sievers en hún er mjög fær söðlasmiður og reiðkennari með meiru og gaman að heimsækja hana.
Móðir hennar keypti af okkur hana Freyju Hróks/Manardóttur og kítkum við á hrossin hjá þeim mæðgum.

Í bakaleiðinni kíktum við á hana Nikolu og Skinfaxa sem er altaf jafn yndislegur og skemmtilegur karakter.

Við áttum frábærar stundir hjá Kirsten og Karsten og ég verð ég sérstaklega að þakka þeim fyrir allt sem þau gerðu fyrir okkur.


Við fengum tvær 100 Fermetra íbúðir,ein handa mér og Hebba mínum og aðra handa Íris og dóttur hennar Jessy ásamt þvílíkum morgunverðarhlaðborðum og kvöldverðum sem slógu allt út,td Villisvín,Gæs og fleira góðgæti með úrvali af meðlæti og Rauðvín,Hvítvín eða hvað maður vildi drekka með.
Ekki var viðlit að fá að borga eina einustu krónu fyrir allt saman!
Takk kærlega fyrir okkur Kirsten og Karsten:)!
Heimasíðan hjá þeim hjónum brokelohermoorhof


Síðasta daginn gat ég aðeins skroppið á hestbak en það var alveg nýtt fyrir mér að fara á bak í útlandinu.
Alt orðið iðagrænt og fallegt yfir að líta.

Takk kærlega fyrir okkur Íris og fjölskylda.
Frábæra gistingu og meiriháttar mat,alla keyrsluna og dekrið við okkur:)
Ég hef ekki komið til Þýskalands síðan ég fór á HM í Austurríki árið 1987 en þá fórum við nokkur saman úr Fáki og leigðum okkur 3 húsbíla og ferðuðumst frá Þýskalandi,Austurríki,Ítalíu og Sviss og tilbaka.
Þá talaði nánast enginn ensku og urðum við stundum fyrir verulegum óþægindum vegna þess en í dag tala allir ensku í Þýskalandi og allir svo yndislegir,kurteisir og ekkert stress í gangi.

En eitt er víst!
Næst þegar að ég kem til Þýskaland ætla ég ekki að vera svona lasin.
  • 1

Um mig

Nafn:

Ingibjörg Rannveig Ingólfsdóttir (Ransý)

Farsími:

869-8192

Afmælisdagur:

25 Júlí

Heimilisfang:

Ásgarði

Staðsetning:

250 Garði

Heimasími:

422-7363

Um:

Ég er með hestabakteríuna ógerlegu einsog svo margir aðrir.Náði mér í bónda og fór að búa með honum Hebba mínum í Ásgarði 1998.Muna að kvitta í gestabókina!Njóttu.

Kennitala:

250766-4839

Bankanúmer:

0157-05-400339

Tenglar

Fána teljari

free counters

Eldra efni

Flettingar í dag: 411
Gestir í dag: 58
Flettingar í gær: 135
Gestir í gær: 31
Samtals flettingar: 280984
Samtals gestir: 32747
Tölur uppfærðar: 19.3.2024 12:15:13