Heimasíða Ásgarðs

Færslur: 2009 Janúar

30.01.2009 14:16

Allt í Rjúpum í Ásgarðinum:)


Rjúpa í felum.

Ég bara varð að blogga smá fyrir bæði mig og ykkur á þessum fallega Föstudegi.

Hér fylltist allt af Rjúpum fyrir nokkrum dögum og þegar að ég fór í reiðtúr á Hrók í fyrradag þá sá ég þær ekki í vegkantinum fyrr en þær flugu undan fótunum á klárnum!
Vá...............hvað þær eru samlitar snjónum!!!

En það eru smá leiðindafréttir af Hróksanum mínum sem ég stólaði á í vetur bæði á reiðnámskeið,Kvennatöltið,aðstoðartamingarhest og bara allt.
Hann verður bara haltari og haltari á öðrum framfætinum eftir því sem ég fer oftar á hann.

Það er einsog einhver hafi kippt undan mér öðrum fætinum að missa klárinn undan hnakknum.

Ég verð bara að bíta í það súra og gera eitthvað sniðugt með næsta hross.
Rjúpa dóttir hans ætlar að koma í hans stað á reiðnámskeiðinu í vetur hjá Jóa G.

Eða ég ætla að vona að við slípumst skemmtilega til saman en ég prófaði hana í gær í reiðhöllinni nýju og var ég himinlifandi með beislisvinnuna á hryssunni en vinkona mín hún Eygló hefur séð alfarið um að gangsetja hryssuna og gera hana góða í beisli.

En djö...................er hryssan stór! Það er ekki fyndið að komast á bak þessari himnalengju!! Verum bara ekkert að ræða það nánar!

Ég fór líka á bak Vordísi Brúnblesadóttur sem er bara fín,smá skap í henni en það vinnst vel úr hnakknum og er þetta prýðisreiðhryssa.

Tandurhreint tölt,brokkar ágætlega en það þarf aðeins að passa sig að hún fari ekki beint yfir í töltið af því.

Ekki slæmt að eiga hross sem sækir í töltið.
Frábær bremsubúnaður í þessari hryssu,bara hvísla hóóó......þá neglir hún niður.

Nú svo skellti ég mér á sjálfann skápinn hann Biskup!
Djö.............er klárinn feitur! OG djö.............er þetta mikill sófi á sitja á!

Hann er einsog Vordísin vill bara tölta og tölta enda enginn tími til að brokka hjá þeim höfðingja nema að hann fái að þrusa á því á hans hraða.
Þá má ekki taka í tauminn því þá er hann strax kominn aftur inní töltið.
Rosalega sé ég eftir því að hafa misst þennan hest í svona mikið spik og svo er hann orðinn kvíðinn fyrir verkefninu og var farinn að flýja hlutverkið með því að læsa sér í beisli og rjúka.

Ég fékk góðar leiðbeiningar frá frábærri tamingardömu í bænum og það er ekkert annað en feta og feta og feta og kenna honum sveigjustopp.
Bara gefast ekki upp sagði hún.

Farin út í góða veðrið að taka myndir!!!
Nú svo er þorrablótið hjá Mánamönnum og konum í kvöld klukkan 19:00!
Eigið góða helgi elskurnar mínar.

28.01.2009 15:19

Silver dapple bay for sale and Dun/Buckskin


IS2006136822 - Glói frá Hrafnkelsstöðum for sale/special offer.

Var að fá til mín jarpvindóttan tveggja vetra spakann fola sem ég er alveg til í að láta á góðann pening.
Sá heitir Glói og er frá Hrafnkelsstöðum.

Gloi is 2 years old gelding,very calm and easy to handle.Will by great family horse like his mother.
Special offer this week!
Please make contact for further info in this e mail adress:

[email protected]

His pedigree:
Hér er ættin að folanum:

Faðir: Styrmir frá Selfossi
FF:Dagur frá Kjarnholtum
FM: Freyja frá Selfossi

Móðir:Birta frá Ökrum 2    
MF:Vindur frá Ökrum 2
MM:Ljóska frá Ökrum 2

IS2006255338 - Vala frá Víðihlíð for sale.

Vala frá Víðihlíð er einnig komin á söluslistann.
Verklegt trippi sem fer um á hágengu rúmu brokki.Mátulega spök þ.e.a.s þægilegt að eiga við hana á húsi td í ormalyfsgjöf.
Vala er moldótt með hvítt í snoppu.

Hér er ættin að Völu:

Faðir:Snær frá Hvolsvelli
FF: Keilir frá Miðsitju
FM: Skálm frá Brekku

Móðir: Synd frá Þórunúpi
MM: Eva frá Strönd

Frekari upplýsingar sendist á:
[email protected]

27.01.2009 00:00

Hrossin (loksins:) sótt í Reiðholtið


Í frelsinu í Reiðholti rétt áður en smalað var.

Loksins var hægt að fara í Reiðholtið og sækja hrossin sem þar voru og hefðu mátt koma fyrr heim.

Veðrið er margbúið að setja strik í reikninginn og einnig aðstöðuleysið til að handsama stygg hross en það bráðvantar góða rétt til að ná því sem ekki er hægt að ganga að og mýla.

Rög við hálkublettina og erfitt að koma þeim áfram!

Ég asnaðist til að setja þangað trippi fyrir tveimur árum sem voru kannski ekki alveg fullunnin en mannvön og búin að læra grunnreglurnar en það sem skeði var að þau aftömdust þessir
kjánar og létu manninn ekki koma of nærri sér sérstaklega ef múlar og bönd voru nærri.

Þetta geri ég ekki aftur því það er búið að liggja á mér einsog mara að ná þessum trippum ekki heim!

Snót Prinsdóttir (Oturssonar)

En loksins í gær náðist að koma þeim í þessa fínu rétt á næsta bæ og þar var sko aldeilis flott aðstaða til að flokka þau í rólegheitum í sundur í réttinni og voru þau rekin inní hlöðu og þaðan beint uppá flutningarbíl!

Vala Snæsdóttir (Keilissonar)

Þannig að ég tók 7 stykki,1 fór af í RVK og á annan bíl sem fór norður í land með það næsta dag.

Raketta Hróksdóttir (Kormákssonar:)

Annað trippi fór svo til nýs eiganda í dag og tvö gömul hrossi verða felld núna á allra næstu dögum vegna fótaleysis.

Restin fer útí rúllu og svo verða tvö af þeim tekin inn fljótlega í fortamningu.

Mikið er ég rosalega fegin að þetta er búið,mér er meinilla við að ferðast yfir Hellisheiðina (eða bara heiðar yfirleitt) yfir vetratímann.

Núna er það bara ekkert nema gleðin framundan,reiðnámskeið hjá http://mani.is/ og sömuleiðis Þorrablót.

Svaðalegar ferðir hjá Svaðilfara!!!


Ég var beðin um að skella hér inn smá auglýsingu fyrir eina hressa stelpu en hún ásamt öðrum skipuleggur frábærar hestaferðir í stórbrotnu landslagi fyrir fyrir vestan.

Hér er leiðarlýsing/kynning á styttri ferðinni hjá Hörpu:

Svaðilfari er lítið fjölskyldufyrirtæki hjá þeim Þórði og Dúnu á Laugarholti í Ísafjarðardjúpi, þau hafa verið með langar ferðir í kringum Drangajökul í meira en 10 ár og ferðirnar mjög vinsælar.

Ferðin er 22-27 Júní 2009 
 
Dagur 1 - 22 Júní 2009
Komudagur
Þessi dagur er mjög svipaður eins og komudagurinn í löngu ferðinni. V Fólk kemur um kaffi leiti og hefur þá tíma til að koma sér aðeins fyrir og kynnast hestunum. Við munum hafa kvöldmat í fyrra fallinu og svo skellum við okkur í stuttan reiðtúr fram dal. Svona til að leyfa fólkinu að venjast hestunum. Stuttur en góður reiðtúr.  Svo munum við slaka á það sem eftir er að kveldi, kíkja í albúm og bara njóta sveitasælunar.
 
Dagur 2
Þessi dagur er alveg eins og dagur 2 í löngu ferðunum.  Við munum fara yfir Kaldalón á fjöru svo við vitum ekki alveg enn hvenær við leggjum af stað.
En við skiljum hestana ekki eftir á Tyrðilmýri - við förum fram Unaðsdal og skiljum þá eftir í girðingu þar.  Og fara til baka til Laugarholts.
 
Dagur 3
Núna leggjum við af stað yfir í Jökulfirðina. Við förum frá Unaðsdal og yfir Öldugilsheiði, förum vegarslóða sem lagður var um 1970 og kláraður fyrir nokkrum árum - Við erum mjög nálagt jökli og förum mikið yfir á snjó. Vegurinn liggur niður í Leirufjörð og við heilsum upp á Jökulfirðina. Við löbbum niður og er það fyrsta labbið í ferðinni. Við komum að Höfða sem er aðeins lengra en Flæðareyri
Við gistum á Höfða, þett er gamalt hús sem hefur sál, æðislegur staður. Í fyrra var tekin upp bíómynd þar  - Eitur í æðum og voru hestarnir okkar í henni
 
Dagur 4
Þetta er stuttur reiðdagur, við förum frá Höfða að Grunnavík. Þar sem Friggi og Sigurrós taka á móti okkur og sjá um að kynna okkur fyrir lífinu á svæðinu. Það er allt eftir því hvernig veðrið mun leika við okkur þennan dag hvernig hann verður. Ef við fáum gott veður munum við skella okkur í siglingu.. Í þau skipti sem ég hef komið í Grunnuvík hefur mér alltaf langað til að vera lengur - enda svæðið gull fallegt og Figgi og Sigurrós alveg frábær.
Við munum borða kvöldmat og gista hjá þeim. Fáum eitthvað grafið og gott með öllu tilheyrandi að hætti Sigurrósar. Mun ekki svíkja neinn
 
Dagur 5
Þetta er lengsti dagurinn. Enda í eðlilegri ferð er þetta síðasti dagurinn.
Við leggjum af stað frá Grunnavík og upp á Snæfjallaheiði - þarna er aftur labb.
Við komum niður að Sandeyri  þar sem við munum taka gott stopp - enda hestarnir vanir að stoppa þar og best að breyta því ekki.
Við förum framhjá Tyrðilmýri og aftur fram Unaðsdal. Gæti verið að við stoppum á Tyrðilmýri  - ekki alveg ákveðið
Við förum svo í mat hjá Sigga á Dalbæ - Gaggandi gæs að hætti Sigga. J
 
Dagur 6
Eðlilega væri þetta brottfarardagur - en þar sem þetta er fyrsta ferðin þá getur verið að við munum lengja hana um einn dag fyrir þá sem vilja þar sem hrossin eiga eftir að koma heim. Þetta er enn óvíst.
 
Íslenska verðið er 105.000
Erlenda verðið er 1050 Evrur
 
Fyrirspurnir sendist á
[email protected]
 
Einnig erum við með langar ferðir sem eru í júlí og eru þær nærri því fullbókaðar, ferðin 2-10 Júlí er ekki alveg full svo ef einhver hefur áhuga á vikuferð í kringum Drangajökul þá bara endilega sendið mér póst!

Harpa Eiríksdóttir
15 Leicester street
Derby - de22 3pw
England
www.123.is/harpaskarpa
www.blog.central.is/harpae
[email protected]
Tel: 00447766892691 (England)
Tel: 894-1011 (Island - Iceland)

Smá viðbót á lýsingunni :

Svaðilfari - alvöru hestaferðir eins og þær gerast bestar


Lífsreynsla sem mun fylgja þér allt þitt líf

Hestaferðir með Svaðilfara er ómetanleg lífsreynsla að upplifa ósnorta vestfirska náttúru og komast frá öllu stressi.
Með Svaðilfara getur þú upplifað fegurð Jökulfjarða og Hornstranda á einstaka vegu.

Afhverju er ferð með Svaðilfara svona sérstök
  • Ferðast um með trússhross og hóp lausra hesta sem sýna þér hve frjálsir þeir eru
  • Tækifæri á að upplifa óspillta villta náttúru Vestfjarða
  • Fara yfir jökull á hesti (einstakt á Íslandi)
  • Heimilislegt andrúmsloft í litlum hópum
  • Leiðsögn frá fararstjórum sem hafa farið þarna um í mörg ár og endalaus þekking á svæðinu
  • Ekta íslenskur matur að hætti vestfirðinga

Dagsetningar fyrir sumarið 2009

  • 2. júlí - 10 júlí 2009 enn nokkur pláss laus
  • 13 júlí - 21 júlí 2009 fullbókað

Verð 150.000 kr (þetta verð er fyrir Íslendinga og þá sem búsettir eru á Íslandi)

Innifalið er

  • 8 daga svefnpokagisting
  • allur matur
  • allt sem þarf fyrir hestinn (beisli, hnakkur, hnakktaska ofl)
  • Reynsla og þekking á svæðinu
  • far frá og til Hólmavíkur (til rútu)

Ekki innifalið: flug til Íslands, gisting í Reykjavík og rútufar til Hólmavíkur

Ferðadagarnir geta verið langir og er það mjög gott ef farþegar geta hjálpað til með hestana sem lausir eru
Mjög mikilvægt er að farþegar hafi reynslu af hestum og séu í góðu formi enda þar sem bratt er munum við labba með hestunum

Ef þig langar í ferðina en ert ekki viss um að hún henti þér, endilega hafðu samband við getum hjálpað þér.

Dúna og Þóður s: 451-4858
eða talaðu við aðstoðarmanneskjuna okkar sem sér um bókanir
Harpa Eiríksdóttir  [email protected]  0044-1332-595041 (búsett erlendis yfir vetrartímann)

Svaðilfari - Real Horseback Expeditions

More than just a simply horse riding in the Westfjords

Horse expedition with Svaðilfari is not only chance to leave the civilisation behind, but also an opportunity to experience the breathtaking wilderness of the Westfjords of Iceland and feel the power of nature for yourself. With Svaðilfari you can experience the magic of Iceland in a very special way!

What makes our expeditions unique?

     Travel with packhorses and a free-running herd as has been traditionally done for centuries in Iceland.
     Experience the unspoiled wilderness of Iceland´s wild Westfjords
     Cross a glacier on horseback (unique in Iceland)
     Family-like atmosphere in very small goups
     Local guide with years of experience and endless local knowledge
     Accomodation in a communal tent (Laplandic Kota) and in old abandoned farms
     Traditional Icelandic food

    Dates for Summer 2009:

    • 2. July - 10. July 2009 - Still places left
    • 13. July - 21. July 2009  Full

    Price: 1.500,00 Euro per person

    Price includes:

    • 8 nights accommodation
    • all food
    • horse equipment and helmet
    • experienced and knowledgable local guiding
    • transfer from and to the bus in Hólmavík

    (Not included; flight to Iceland, accomodation in Reykjavík, bus to Hólmavík)

    Pre-Requirements for the
    Svaðilfari Horseback Expedition

    The days can be long on the Svaðilfari horseback expedition and it is useful if everyone can help to chase the free-running packhorses.

    Because of this, it is important that you have some prior experience at horse riding. In addition you need to be in good physical shape as we dismount and lead the horses through the steeper sections of the mountain paths. Significant sections of the route are therefore done on foot.

    If you are not sure if the tour is suitable for you, then do not hesitiate to get in touch with us to ask further questions.

    Contact by e-mail:  [email protected] og call 0044-1332-595041

Ég held barasta að ég hafi komið þessu (ýkt:) til skila Harpa emoticon !
Knús og kossar til ykkar allra þarna úti emoticon .

24.01.2009 13:55

4 stykki járnuð:)


Vordís Brúnblesadóttir járnuð.

Haldiði ekki að það hafi dottið uppí hendurnar á mér þessi flotti járningarmaður sem nýfluttur er að norðan hingað suður til Reykjavíkur.
Auðvitað dreif ég inn 4 stykki til járningar.
Þau Sudda,Biskup,Vordísi og Rjúpu.Fyrir eru á járnum Hrókur og dóttir hans Vænting þannig að það verður ábyggilega hægt fyrir mig að komast á milli bæja í vetur/vor.

Rosalega gekk vel að járna hrossin en þeim var raðað upp fyrir járningarmanninn minn eftir erfiðleikaröð sem reyndist bara vera alger óþarfi því þau fyrstu 3 hreyfðu sig ekki í höndunum á stráknum.

Suddi stóð nú bara einsog hann er vanur og ekkert mál.

Vordís Brúnblesadóttir gat ekki verið stilltari þessi elska.

Biskup sem er vanur að rífa af manni (alltaf einu sinni í járningu) afturfótinn sleppti því í þetta skiptið!

Hmmmmmm..........klárinn setti eitt sinn fjöður beint inní vöðva á mér fyrir ofan hné en ég var svo rosalega heppin að fjöðurin fór beina leið til baka þannig að það kom bara gat.

Nú eitt skiptið reif hann kuldagalla í tætlur utanaf kallinum mínum í járningu þegar að það datt skeifa undan klárnum í miðju ferðalagi og hann ætlaði að vera svo vænn að halda afturfæti fyrir mig á meðan ég nældi skeifunni undir.

Einhverja lagni hafði strákurinn á því að láta klárinn standa stilltann og prúðann!

Rjúpa Hróksdóttir járnuð.

Rjúpan mín var nú það sem mér kveið fyrir að yrði með læti.

Enda hefur hún í síðustu tveimur járningum endað margsinnis á hryggnum!!Gert járningarmanninum lífið leitt og verið kolvitlaus.

Við tókum okkur tímann í hana og höfðum hana lausa og stráksi vildi ekki hefta hana á einn eða annan hátt.

Ég sem var komin með sterkasta múlinn á skepnuna ógurlegu og fullt af böndum til  að binda hana með.

Gömlu skeifurnar rifnar undan.

Við ákváðum það að annaðhvort stæði hryssa í járningunni eða hún yrði bara úrbeinuð á staðnum enda er stráksi kjötiðnaðarmaður og kann að handleika skepnur á hinn ýmsa máta hehehehe.......emoticon .

Ekki var hann lengi að tantra hryssuna til og hún stóð alla járninguna í gegn og slapp við úrbeiningu sem við vorum búin að hóta henni í hljóði.

Stráksi er æviráðinn hér á bæ eftir að ég sá hvernig hann fór að hrossunum.

Hann er ákveðinn,fljótur og vandvirkur drengurinn við járningarnar.

Ef einhvern vantar góðann járningarmann með mikla reynslu þá heitir drengurinn Erlendur og býr hann á höfuðborgarsvæðinu og síminn hjá honum  845-1253.
Hann útvegar skeifur,fjaðrir og allt sem viðkemur járningum.

Svakalega hress og skemmtilegur strákur emoticon . 

21.01.2009 16:38

Heimsókn að Hrauni

Það var stuð hér á bæ í fyrradag þegar að folöldin fengu loksins að fara útá tún að spretta úr spori eftir viku innilokun.
Hrókur var fljótur að taka þau að sér og var hann ekki par hrifinn ef að geldingarnir tveir þeir Biskup og Suddi kæmi nálægt þeim!

Hróksi að verja folöldin.

Urrr og argg........þessi folöld á hann og það skal enginn koma nálægt þeim emoticon  .

Biskup fékk bit í rassgatið þartil hann skildi það að halda sig fjarri en Suddi kallinn er svolítið skynsamari og var ekkert að þvælast fyrir Hróksa með börnin sín.

Biskupinn í rassaköstum og jörðin skalf!

Þennan dag komust Biskup og Suddi ekki að rúllunni og sá ég að þetta þýddi nú kannski ekki alveg.

Hrókur stóð þar með folöldunum og úðaði í sig heyinu og passaði að það færi ekki strá ofaní neinn nema hann og folöldin.

Ekki það að Biskup megi ekki við því að missa af tuggu og tuggu hehehehehe.............emoticon
Allir þurfa að borða.

Ég skellti mér í skemmti bíltúr til vinkonu minnar hennar Valgerðar á Hrauni.

Valgerður með sprækann ungfola.

Auðvitað tók ég cameruna með og elti hana um allt í verkunum og fékk að sjá fullt af flottum gullmolum í stíunum hjá henni en hún hefur verið að taka að sér frumtamningar á trippum og það eru sko engin smá nöfn á bakvið þessi trippi sem hún er með!

Orri frá Þúfu,Suðri frá Holtsmúla,Geisli frá Sælukoti,Þrist frá Feti,Þrist frá Þorlákshöfn,Eldjárn frá Tjaldhólum,Þokka frá Kýrholti,Ás frá Ármóti,Borða frá Fellskoti og síðast og ekki síst undan Þóroddi frá Þóroddstöðum.

Sáttur við manninn.

Það var gaman að sjá trippin í höndunum á henni,vakandi,lífleg og sum hver ansi frísk en gáfu sig fljótlega og urðu sátt við hana enda kröfum stillt í hóf.
Eitt lítið skref í okkar augum er stórt skref fyrir ungviðið að skilja í viðskiptum við okkur tvífætlingana og um að gera að gefa þeim þann tíma sem þau þurfa.

Stutt blogg í dag,er að fá járningarmann hingað og ætla að fara að tína til skeifur undir þessi 4 stykki sem ég var að taka inn.
Eitthvað hlýt ég að eiga undir hrossin nýtanlegt þó það sé kannski ekki allt alveg glænýtt útúr búðinni.
Knús til ykkar allra þarna úti emoticon .

18.01.2009 21:21

Járna og á námskeið

Þetta er nú búið að vera meira ruglið með austurferðina til að ná í trippin mín og annarra.
Bóndinn sagðist verða heima báða dagana þannig að ég lét hestabílstjórann ráða hvort hann færi austur á Laugardegi eða Sunnudegi og hann valdi Laugardaginn.
Þegar að Laugardagsmorguninn rann upp þá mundi bóndinn að hann var á leið í jarðaför þennan dag.
Hestaflutningarbílstjórinn var við það að leggja af stað en ég náði að stoppa hann af á síðustu stundu.
Á Sunnudeginum var hann að flytja hross fyrir aðra þannig að ég verð bara að bíða eftir næstu helgi til að sækja trippin.

En að öðru,ég tók tvö folöld inn í síðustu viku.Toppa gamla sem er orðin háöldruð var ekki að mjólka nægilega ofaní folaldið sitt og var farin að leggja verulega af.

Drottning og Snót saman.

Þá var ekkert um annað að ræða en að kippa Askdótturinni henni Drottningu undan og inní hesthús með öðru folaldi.
Ég er búin að vera að frumvinna þær og kenna þeim það sem er öllum hrossum nauðsynlegt en það er að vera bundin stillt á bás.
Núna þakkar maður fyrir að vera með bása við að vinna ungviðið.
Ég hef undanfarin ár verið að fá hross sem eru alin uppí stíum til mín og það er ekkert smá óþægilegt að eiga við þau sum.

Þau kunna litla siði og vaða bara á mann að vild og ekki er þorandi að binda sum þeirra því þau geta farið sér að voða bundin föst á básnum.

Þessvegna bind ég alltaf ungviðið (gúmmíkallinn er frábært tæki til þess:) og kenni þeim góða siði td víkja fyrir manninum í staðinn fyrir að þrykkja manni uppað vegg eða traðka á tánum á manni.

Hrókur og Snót í dag.

Ég er búin að fara tvo spretti á hann Hróksa minn og er ég himinánægð með beislisvinnuna á klárnum!
Það er einsog klárinn hafi ALDREI átt við vandamál að stríða í munni! Og hægt að nota venjuleg mél uppí hann án þess að hann verði vitlaus og hristi hausinn og maldi í móinn.
En hann er reyndar aðeins múkkaður og er hann kominn í smá hvíld vegna þess.
Hann á bágt með að beita sér á yfirferðartöltinu og fann ég þegar að ég ætlaði að þrykkja honum áfram á því á heimleiðinni þá stakk hann aðeins við á öðrum framfætinum.

Ég tek bara þá næsta hross og læt járna núna á næstum dögum og skrái mig á námskeið hjá Mána í nýju höllinni okkar en skráning er á morgun eða annað kvöld í Mánahöllinni á milli 20:00 og 21:00.

14.01.2009 22:48

Reiðholtið smalað næstkomandi Laugardag!

Enn meiri breyting.Erum hætt við að fara austur vegna fljúgandi hálku,ofankomu og skafrennings.
Næsta tilraun verður á næstu helgi til að ná villitrippunum í hús emoticon .

Breyttur smalatími á hrossunum!!!
Vegna jarðarfarar í dag Laugardag verður smölun frestað þartil á morgun!!

Þá er næst á dagskrá að laga annan höfuðverk en þennan hér á síðasta bloggi en það er að ná þessum villitrippum úr Reiðholtinu um helgina.

Ég "á" 7 stykki þarna og af þeim eru 3 dömur á þriðja vetur sem sýna manni bara afturendann þegar að maður ætlar að sýna þeim múlinn.

Við erum sko farnar! Yrja og Snót Prinsdætur Oturssonar.

Nei sko kelling................Þetta setur þú ekki á minn haus,man alveg hvað skeði síðast. Maður var bara fastur og einhverju ógeði sprautað uppí munninn á manninn!
Gubb gubb............!

Raketta Hróksdóttir 2ja vetra síðastliðið vor.

Djö.................hlakkar mig að fá þær dömur aftur á hús.Reyndar fer ein þeirra fljótlega norður til síns heima hún Yrja frá Ægissíðu,Raketta Hróksdóttir fer til nýs eiganda (best að leyfa nýjum eiganda að blogga því sjálfum:) en Snót verðu hér áfram í Ásgarði í frumtamningu/meðhöndlun þartil hún fer undir stóðhest í sumar og flýgur svo fylfull út til Sviss.

Þannig að þeir sem eiga hross í Reiðholti geta komið næstkomandi Laugardag klukkan 12:00 á hádegi með kerrur og eða flutningarbíla og sótt sín hross.

Stóðinu verður smalað í rétt við Meiritungu og verða þar í fáeina tíma í réttinni en verður svo smalað til baka.

Bóndinn í Reiðholti byrjaði að gefa út um áramótin og er því mánuðurinn kominn uppí 5000- með heygjöf.

Sumar/haust gjaldið var 2000-á mánuði.

Verum dugleg að rífa upp veskin og borga kalli svo við getum fengið að koma aftur að vori með hross til hans emoticon  Ef ykkur vantar frekari upplýsingar þá er símanúmerið mitt hér:869-8192.

13.01.2009 23:59

Deidrie Ann Pierce where are you??

Árið 2006 seldi ég tvö folöld henni Deidrie Pierce og átti ég að hugsa um folöldin hennar tvö þartil um vorið en þau átti að flytja þá út til Ameríku.

Heljar og Pálmi á góðri stundu.

Allt gekk einsog smurt,folöldin bæði staðgreidd,öll pappíra vinna unnin samviskusamlega og gott betur, því miður (kem að því seinna).

Deidrie borgaði samviskusamlega fyrir folana hér þartil síðastliðið vor þá var einsog hún gufaði bara upp!!!

Ég sit uppi með 2 fola ógelta og það er alveg sama hvað ég geri,sendi netpóst og eins hef ég haft samband við Utanríkisráðuneytið sem gaf mér samband út í Sendiráðið þar en þá er það eina sem ég má vita um Deidrie er heimilisfang en ekki sími!

Ég gerði þau reginmistök að setja þá á hennar nafn í Veraldarfeng sem þýðir það að ég get ekkert gert.

Ég má ekki selja þá eða gefa,eða hætta að hugsa um þá.Auðvitað hætti ég ekki að hugsa um þá greyin,ekki geta þeir gert að því hvernig málum er háttað.

Enda yndisleg grey og ekkert vesen á þeim þrátt fyrir kúlurnar.

Ég skelli þessu bloggi hér inn af einni ástæðu og það er sú von mín að Deidrie lesi þetta blogg og láti mig vita hvað hún vill gera í stöðunni þ.e.a.s ef hún er á lífi!

Þið sem þetta lesið getið lært það af mínum mistökum að færa ALDREI hross af ykkar nafni yfir á útlendinga fyrren hrossið er farið úr landi!!!

Dear Deidrie!

Heljar,Pálmi and we here in Ásgarði are wondering if you are ok and a live! Please contact me and let me know what you like to do with your 2 stallions here.

Your horses are healthy and fine,still waiting for his owner to export them to there new home.If you don´t want to keep them please hand them over to me so I can give/sell them away before next spring.
Here is my e-mail adress Deidrie mín:

 [email protected]

Smá viðbót við færsluna:

Þessar upplýsingar fékk ég í gegnum spjallið hjá hestafréttum en þar reyndi fólk að hjálpa mér einsog það gat emoticon .
Málið er að hún Deidrie vinkona mín er í hernum og eftir 11 September er næsta ómögulegt að grafast fyrir um nokkurn skapaðann hlut!
Bandaríkjamenn eru svo á huldu að það hálfa væri nóg!


Deidrie A Pierce
77 Letchworth Ave
Columbus, OH 43204-1924

Linkurinn sem þetta fannst á: [
tinyurl.com]

Því miður er ekkert símanúmer þarna enda er það ekki opið (leyninúmer?). Ef þú hringir í International Directory assistance þá gætirðu kannski fengið það uppgefið, þar sem þú hringir frá öðru landi. Gætir allavegana reynt það ef þú þarft símanúmer.

Vonandi virkar þetta emoticon

Með því að birta þessa færslu og auglýsa eftir henni á veraldafengnum þá er ég búin að sýna framá að ég er að leita að henni.Þannig geri ég stöðu mína betri er mér sagt af fróðari mönnum.
Úti í Þýskalandi er það þannig að ef þú er með hross í umsjón annars aðila og greiðir honum fyrir umhirðu alla og fórðun og ef þú stendur ekki í skilum með greiðslur þá getur hinn sami sem hirðir um hrossið auglýst á td veraldarvefnum eða í blöðum eftir eigandanum og ef hann kemur ekki fram þá má umsjónaraðilinn með hrossinu selja það fyrir áföllnum kostnaði eftir 3 mánuði þ.e.a.s ef eigandi gefur sig ekki fram og borgar.

Svona þyrfti þetta að vera hér á Íslandi líka!En það virðast engin lög vera til sem ég gæti stutt mig við í þessu máli emoticon .

10.01.2009 17:15

Vænting heimsótt í Víðidalinn


Vænting og Hrefna að reka voffana inní hesthús fyrir reiðtúrinn.

Nú gerði ég ykkur alveg orðlaus með þessu textalausa bloggi gott fólk!

Best að bæta úr því hið snarastaemoticon .

Þetta er hún Vænting Toppu/Hróksdóttir sem er í þjálfun og fíneseringu í Víðidalnum hjá henni Hrefnu tamningardömu.
Við kíktum á þær um daginn með cameruna en ég get nú ekki sagt að það hafi tekist mjög vel að mynda merina á ferð vegna slæmrar birtu en Vænting er á góðri leið með að verða það reiðhross sem henni er ætlað.
Taugasterk,viðráðanlegur vilji og þýðgeng er eitthvað sem ég er að leita eftir.
Eina sem klikkaði var að ég gleymdi að skipta út litatúbunni í Hrók áður en hann hitti hana Toppu Náttfaradóttur mömmu hennar emoticon .


 

Náði þó sæmilegu videói af þeim stöllum útum bílgluggann.

Merin má nú alveg losna við nokkur aukakíló enda hefur aldrei verið lagt hart að henni í reið og hún fengið hálf slitrótta tamningu og notið þess að éta bara og éta á sig gat.

Ps.Já" Edda,90% af Hróksafkvæmunum eru mjög taugasterk og þæg reiðhross og láta sér ekki bregða við eitt eða neitt í umhverfinu.

Þessvegna er ég nú að nota klárinn nær eingöngu hér heima því stefnan er að rækta hross sem allir í fjölskyldunni geta umgengist og haft gaman af,frá yngsta fjölskyldumeðlimnum uppí afa og ömmu og allt þar á milli emoticon .

Mín stefna er skýr,að rækta geðgóð hross í fjölbreyttum litum fyrir jafnt vana sem óvana.Þar kemur Hrókur mjög sterkur inn því það má skjóta af byssu við hliðina á honum (og hefur verið gert:) án þess að hann haggist.

08.01.2009 01:20

Útflutningur og Mánahöllin

Jæja þá eru síðustu seldu hrossin farin í bæinn til Gunna og Krissu og bíða þar eftir flugi.
Kannski ekki alveg síðustu seldu hrossin hér á bæ því enn er verið að spyrja um hross þó að það hafi aðeins dregið úr fyrirspurnum enda spilar þar inní hátíðirnar að undanförnu.


Snæugla
fer til þýskalands.



Dúfa
 frá Ásgarði fer til Sviss.


Hávi
 er að fara til Hollands.

Ég er orðin rosalega þreytt á þessu hálvitalega vetrarveðri með rigningu endalaust og myrkri.

Gras er farið að spretta og útigangurinn fer úr heyinu að krafsa eftir rótum og nasli líkt og vor sé komið.

Svo geisa kuldar útí Evrópu með frosti allt að 30 stigum td í þýsklandi hjá vinkonu minni henni Írisi!

Það væri frábært að reyna að jafna þessu eitthvað út,þá fengjum við kannski smá snjó svona til að lýsa upp skammdegið og kulda með stillum og góðu útreiðaveðri.

Ég opnaði upphitaða hesthúsið um daginn fyrir útigangshryssurnar og folöldin til að reyna að þurrka þau aðeins.

Það var ekki að virka skal ég segja ykkur því vatnsveðrið er alveg gríðarlegt.

En samt er nú alltaf gaman að fá þau inn og kíkja yfir þau og skoða emoticon .


Rjúpa Hróksdóttir alveg gegnvot.

Himinglæva frá Ásgarði For sale!

Mánahöllin.
Síðastliðinn Laugardag var nýja stórglæsilega Mánaöllin okkar opnuð og verð ég að hrósa öllum þeim sem lögðu hönd á plóginn og gerðu það með miklum myndarskap í formi vinnuframlaga/peningaframlaga og bæði til að koma Höllinni á koppinn.

Hópur af fólki hefur unnið þarna sleitulaust um helgar og langt framá kvöld í fleiri vikur og mánuði og allir lagst á eitt með að gera þetta myndarlega.

Enda stendur maður bara á öndinni þegar að inn er komið í herlegheitin,frábær aðstaða til ýmiskonar vinnu með hross hvort sem er að temja eða bara þjálfa.

Eygló og Merkúr að prófa méllausa beislið í höllinni emoticon .

Enn er samt eftir að klára það sem viðkemur okkur mannfólkinu en það er bara alltílagi.Róm var ekki byggð á einum degi og þessum frábæra áfanga er núna náð að hægt er að fara inn með hross og vinna undir þaki í öllum veðrum.

Risastórt klapp á bakið á ykkur öllum sem gerðu það að veruleika að koma Höllinni í það horf sem hún er í dag!!!
emoticon 

02.01.2009 21:32

Áramótaheitin


Hanneraborínef ???emoticon Gott lag emoticon !

Áramótaheitin í ár........................jahhá...........!

Númer 1-2 og 3 er að kaupa íslenskar vörur og styrkja þarmeð við bakið á okkur sjálfum á nýju ári.

Við erum hætt að mestu að versla innflutt fóður í skepnurnar okkar og nú eru allir komnir á íslenskt ræktað Bygg.

Kanínurnar eru algerlega komnar á Bygg frá vini mínum Svan í Dalsmynni http://www.123.is/dalsmynni/page/14689/ ásamt smávegis af heyi svona til að þær hafi eitthvað að gera sér til dundurs en hey nota þær ekki bara sem fóður heldur leika þær sér líka að því!

Íslensku Landnámshænurnar eru líka á Byggi og svo fer allur afgangsmatur í þær aukreitis og svo fá þær einnig allskonar gómsæti frá bakaranum.

Ekki er ég heldur undanskilin en þegar að ég fer í höfuðborgina þá kem ég EKKI til með að styrkja sjoppur með innfluttu fóðri í menn heldur fer ég beint á http://nings.is/ og versla þar alíslenskan hollan skyndibita sem er unnin úr íslensku lífrænt ræktuðu byggi frá Eymundi bónda í Vallanesi.
Frábær réttur sem svíkur engann!

Þannig að nú er ég búin að setja þetta á netið fyrir framan almenning og ekki aftur snúið og ef ég mun klikka í einhverri bæjarferðinni og þið munið sjá mig inná einhverri búllunni að gúffa í mig innfluttri óhollustu vinsamlegast pikkið í mig hehehehehe..................emoticon BANNAÐ!

Dúddamía!Nú sný ég mér við í hvert skipti sem ég er úti að borða og fæ allan matinn í hnakkann!

Hvaða áramótheit gafstu þér?  

  • 1

Um mig

Nafn:

Ingibjörg Rannveig Ingólfsdóttir (Ransý)

Farsími:

869-8192

Afmælisdagur:

25 Júlí

Heimilisfang:

Ásgarði

Staðsetning:

250 Garði

Heimasími:

422-7363

Um:

Ég er með hestabakteríuna ógerlegu einsog svo margir aðrir.Náði mér í bónda og fór að búa með honum Hebba mínum í Ásgarði 1998.Muna að kvitta í gestabókina!Njóttu.

Kennitala:

250766-4839

Bankanúmer:

0157-05-400339

Tenglar

Fána teljari

free counters

Eldra efni

Flettingar í dag: 371
Gestir í dag: 7
Flettingar í gær: 591
Gestir í gær: 23
Samtals flettingar: 50370
Samtals gestir: 2737
Tölur uppfærðar: 28.5.2022 09:31:24