Ég er alveg miður mín!Enn eitt folaldið fór frá mér í gær og núna var það hún Ylja hennar Suus.Hún var alveg til í að vera lengur hjá "ömmu" en hún hefur það alveg örugglega mjög gott þarsem hún er núna en það er á Hrauni hjá henni Valgerði vinkonu minni.Þar á bæ er ekki notaður spænir undir hrossin:))).Enda leyndarmál hvað er notað í stíurnar þar,ekki satt Valgerður mín hehehe?Nú skal ég hætta að pína þig vinkona áður en þú ferð að skjóta á móti:(((Ég sem að var að biðja um laus skot í framtíðnni skít mest útí loftið!Skamm skamm á mig,óþekk stelpa Ransý.

Hamar kom í gær til vetrardvalar og fékk að fara niður á Vinkil til meranna sökum ungs aldurs.Fínt að hafa hann þar því að þegar að vora tekur þá sé ég hvaða merar eru fyllausar og hverjar ekki.Það leynir sér ekki þegar að þær fara að slást um hann þó að hann sé geldingur.Hvernig var það með beljuna sem að át heyvagninn,allt er hey í harðindum og svo át hún eitthvað apparat á hlaðinu.Þannig verður það með Hamarinn í vor þegar að merarnar fara að ásælast hann.Nei"ætli maður bjargi honum ekki fyrr strákgreyinu.

Rosalega er þessi endalausa rigning leiðinleg og rokið með.Það er ekki hægt að fara út til hrossanna til að taka myndir einu sinni fyrir látunum í veðrinu.Sem betur fer á að fara að kóna á Laugardaginn og þorna upp.Þá er kominn tími á næstu gjöf á hrossin.Hrikalegt að fara á traktornum í grenjandi rigningu inná túnin,hann markar allstaðar í gegn.

Jæja"þá er hún Dúna Hróksdóttir farin til nýrra eigenda og óska ég þeim til hamingju með hana.ég flutti hana með mér í Gusthverfið í gær og héldum við svo áfram 3 ég Hebbi og Magga uppí Hvalfjörð að sækja Nóttina hennar Möggu,Fífu og hálmrúllur fyrir Valgerði.Allt gekk vel fyrir sig nema auðvitað þurfti að springa á kerrunni á heimleiðinni.Þetta má nú ekki alveg ganga smurt hehehehe.Allir voru þreyttir og sælir þegar að búið var að  afferma og aðeins voru nú hryssurnar pússaðar og hófar klippti og svo fengu þær ormalyf í restina.

Þær voru svo settar út í dag niður á Vinkil og voru mikið glaðar að fá frelsið.Það voru sko mikil rassaköst um allt og tóku þær gömlu merarnar með sér í leikinn.

Í dag kom Hulda Sigurðar vinkona mín og kíkti á hana Ósk Óðsdóttir.Vorum við sammála að setja hana útí rúllu og leyfa henni að melta það sem að hún er búin að læra.Móðir hennar hún Von fer til Jóns Steinar í þjálfun og svo beint í kynbótadóm í vor.Jón Steinar kom og kíkti á Vonina og leist honum svo á að hún þyrfti að komast á hús og hætta að éta svona mikið!Merin er hnöttótt!

Þá eru hrossaflutningarnir í algleymingi.Ég hef aldrei skilið þetta algleymi orð.Mér finnst að þá sé allt alveg gleymt en það er víst þveröfugt.En hvað um það,við Magga fórum í dag uppí Hvalfjörðinn að sækja hrossin hennar.Ekki varð mér um sel þegar að bíllinn minn fíni fór að gefa frá sér undarleg hljóð á Reykjanesbrautinni.Það var einsog eitthvað væri að dragast á eftir honum eða brotna undir honum og mín renndi sér útí kant og rauk út til að kíkja undir gripinn.Vá" hvað maður verður ímyndaveikur svona einn á ferð!Ég var einsog leitarhundur sniffandi undir bílinn tínandi upp allskonar drasl sem ég sá,þefandi af illa lyktandi rusli sem ég fann í vegkantinum.Sem betur fer þá voru þetta bara druslur úr öðrum bílum.Helsta skýringin sem fannst var sú að bíllinn hafði bara verið að fara úr fjórhjóladrifinu á ferð.En sú heppni að vera ekki stopp og eftir vægt sjokk hjá okkur Möggu þá héldum við áfram för okkar.Hrossin hennar voru í hólfi lang langt ( að mér fannst) í burtu frá aðhaldinu.Eftir að hafa handsamað Heru með brauðmútum þá var næst að mjaka þeim í áttina að bænum en hrossin voru frísk og hress og tóku strauið um allt.Þar fuku öll jólakílóin af mér úffffffff.En eftir hlaupin og lætin þá náðust þau aftur og tókst okkur að mjaka þeim í aðhald við bæinn.Við Magga vorum helst á því að þau þjáðust af blýskorti og eftir miklar skammir og læti í okkur þá held ég barasta að þau hafi flest verið farin að hiksta.Þegar að við náðum andanum aftur og hjartað hætti að ólmast svona og lungun fóru að slaka á þá lagaðist þetta allt saman.Með góðri hjálp frá Sveini í Katanesi þá komum við Heru,dóttur hennar Kapellu og Díönu uppá kerruna.Það voru hróðugar kellingar sem að óku úr hlaði um kvöldið með þessi þrjú hross.Gasalega er gaman þegar að vel gengur í þessu hrossastússi.Þegar að heim í Ásgarðinn kom þá fóru Hera og Díana Indíánadóttir í heimahesthúsið en Kapella var tekin undan og sett útí stóra hesthúsið.Kapella er virkilega væn og stór,næstum því eins stór og mamma hennar.Díana verður bara fallegri og fallegri eftir því sem að hún stækkar.Hún er fallegri á skrokkinn en hún systir hennar hún Skjóna mín.Það verður gaman að vita hvað verður með hana Díönu í framtíðinni.

Mikið agalega small allt saman hjá mér fyrir jólin.Svona er að vera vel skipulögð(ekki mín stærsta hlið hingað til)en núna varð þetta allt saman svo auðvelt viðureignar.Reyndar brá okkur hjónunum svolítið daginn fyrir Þorláksmessu en þá þurfti bílinn okkar endilega að bila.Stýristöng datt úr sambandi en svo vel vildi til að það skeði hér heima á mjög lítilli ferð.Vorum við að enda við að gefa öndunum brauðið sitt og svo var ætlunin að skella sér í bæinn í fimtugsafmælið hans Magga mágs hennar Lillu systur.Sem betur fer þá fór stýristöngin úr sambandi þá en ekki á Reykjanesbrautinni á fullri ferð!En við fengum far með Önnu systir og Kidda mág.Skemmtum við okkur öll mjög vel og var mikið sungið og hlegið.Ég hafði ekki undan að mála á mig nýtt andlit því að það lak stöðugt af mér í hláturrokunum.

Á Þorláksmessunni þá gerði Hebbi við bílinn og brunuðum við fyrst í Bónus í Njarðvík og versluðum allann matinn fyrir hátíðirnar og svo skelltum við okkur í bæinn að kaupa jólagjafirnar og deila þeim út.Því lauk á slaginu tólf og þá var eftir að fá sér Skötuna en Hebbi afþakkaði kurteislega og fékk soðinn Þorsk.Eftir að ég hámaði í mig Skötuna þá var næst að gefa dýrunum að borða matinn sinn en því lauk klukkan fjögur um nóttina.Það gerði svosem ekki mikið til því að gjöfin á undan var vel ríflega og enginn orðinn sársvangur nema við Hebbi.Skreið ég þreytt og sæl uppí rúm klukkan fimm og sofnaði vært.Segi ekki hvenær ég vaknaði næsta dag hehehe!

Ég held að við séum að verða búin að fylla allar kistur af mat fyrir Jólin og veturinn.Flestar dýrategundirnar á bænum að verða að dýrindis kræsingum.Ussssss.......svona á maður ekki að setja á prent en svona er að vera bóndi.Og svona er lífið sagði einhver.

Það er búinn að vera gestagangur hér á bæ en þó í litlum mæli miðað við venjulega.Í gær kom fólk að kíkja á hest sem kom hingað í smá fitun og er mér að takast að fita klárinn og fólkið var ánægt með gripinn.Þá er ég líka ánægð.Það er nefinlega svo merkilegt hvað sum hross og sumt fólk getur verið grannt en étið og étið á meðan ég ......uhuhuhuh grát grát má ekki opna ískápinn án þess að bæta á mig kílói! Kannist þið við þetta?

Í dag fékk útigangurinn rúllurnar sínar og brauð í ofanálag.Silfri var svo glaður að fá brauðið að hann beit mig í einn puttann! Næst hendi ég brauðinu til hans! Það rigndi alveg látlaust á mig og varð ég holdvot eftir gjöfina.Ég sem hélt að það væri nóg að sitja inní heitum traktornum og stýra á meðan hliðin opnuðust og rúllurnar klæddu sig úr plastinu og garninu! skritið hvað tækninni fleygir hægt fram!

Biggi og ung dama komu í dag með fjögur hross úr Reiðskólanum og eru það að koma til að slappa af yfir jólin.Mikið voru hryssurnar lukkulegar þegar að þær komust niður á vinkil í rúllurnar með hinum merunum.Annars vissu þær ekki hvort að þær ættu að bíta gras eða borða rúllu eða bara skvetta úr hófunum! Gaman að þessum greyjum.

Jæja gott fólk,vinir og vandamenn.Hér er lausnin á vanda mínum komin.Fann á netrölti mínu snilldarlausn fyrir mig varðandi blogg og heimasíðugerð og allt á íslensku!Hér getur maður prófað sig áfram í einn mánuð frítt og ef manni líkar kerfið þá kostar þetta ekki nema rúmar 2000 krónur á ári!

Nú er um að gera að fikta nógu mikið og prufa sig áfram.Ekkert annað að gera þegar að kuldaboli lemur rúðurnar með fyrsta snjóbyl hér í Ásgarðinum í vetur.Ég fer ekki fet út fyrren þessu slotar og hananú!