Heimasíða Ásgarðs |
||
11.03.2009 23:56Biskupinn að komast í þjálfun:)Rok og aftur rok og ískalt....................brrrrrr...............nenni ekki á hestbak í þessum kulda þó mér væri borgað fyrir það. Biskupinn er að megrast í rólegheitum þrátt fyrir að hann hreyfi sig nú ekki mikið þegar að hann fer út á daginn. Eina sem ég geri er að vigta nákvæmlega ofaní hann tugguna. En þessi nýji gaur er heldur betur þroskaður og stór og rosalega ákveðinn við sér stærri hesta! Hann tuskast alveg ólmur í Biskupnum og hann er búinn að finna nokkra "takka" á hálsinum á honum og þegar að hann nær að bíta í þessa "takka" þá heyrast alveg svakalega skemmtileg hljóð í þeim gamla og þá er honum mikið skemmt honum "litla" Prins. Betra verður það ekki hjá mér,Biskup kemur inn sveittur eftir lætin og tuskið.Það er af sem áður var þegar að hann hékk við dyrnar á meðan ég mokaði út og beið eftir að fá að komast inní meiri tuggu! Meira að segja Hrókur og Suddi gamli eru að tuskast útí við! Ég get ekki vorkennt 14 vetra hestinum að hreyfa sig aðeins! Hróksi tók strax "litlu" drengjunum sem smá folöldum sem hann ver með kjafti og klóm ef honum finnst þeim á einhvern hátt ógnað. Eina sem er öðruvísi núna með þessi folöld núna er að Prins sem er enn folald en hegðar sér einsog hann væri eldri og tuskast þessi ósköp, líka í Hrók! Vanalega gapa folöldin og geifla sig framan í Hrók og sýna þarmeð að þau eru bara lítil og lágt sett og virða hann en Prins tætist bara áfram í áflogum við hann hehehehehe............... Ekkert smá duglegur og hraustur hann Prins kallinn Ég rakst á fyndið vídeó á youtube en í kvöld verða víst flest ef ekki öll tónlistarmyndböndum eytt útaf youtube og mikið rifrildi er í gangi á þeim bænum. Þá sýnir maður ykkur bara eitthvað annað en tónlistarmyndbönd. Kíkið á þennan voffa ganga í svefni! Hann hlýtur að hafa verið að dreyma að hann væri að elta kött!!!!!!!!! Skrifað af Ransý 05.03.2009 23:27Folöldin örmerkt:)Hér gengur allt sinn vanagang þrátt fyrir kulda og rok. Við vorum að panta áburð..................þetta er bara ekki fyndið lengur. Hrókur er óðum að ná sér og farinn að fara út og leika við hann vin sinn Sudda. Skrifað af Ransý 01.03.2009 00:22Rok myndir af hrossum:)
Hrossin urðu var við mig og komu strunsandi að athuga með kelluna sína. Allir þurftu að athuga hvort það væri eitthvað hestagotterí í vösunum ( ekki sniðugt innanum svona mörg hross!) og eftir að þau voru orðin fullviss um að svo væri ekki þá stilltu þau sér bara upp og stóðu þétt í kringum mig í skjóli undan norðangarranum. Verum góð hvort við annað og elskum heiminn Skrifað af Ransý 26.02.2009 21:08Nú er ég sár............:(
Skrifað af Ransý 24.02.2009 22:57Námskeið inní Sörla:)Ég og vinkona mín brugðum okkur af bæ síðastliðinn Sunnudag og var förinni heitið inní Sörla að berja augum Sigurbjörn Bárðarson tantra til nokkur hross og gera úr þeim væntanlega Landsmóts vinnera. Ég og vinkonan vorum einsog papparassar á eftir hrossunum um allt gerðið vopnaðar camerum og gerðum allt brjálað hehehehe..... Eftir að hafa verið kvaddar með virktum var förinni heitið í Sörlaskjól til að berja augum hvernig skal tantra til reiðhestana og ná því allra besta útúr þeim. Við komum ekki að tómum kofanum hjá Sigurbjössanum sem var alveg þrælmagnaður í hnakknum og það er auðséð að þarna er á ferðinni maður sem einhvertímann hefur nálægt hrossi komið. Fyrst fengum við að sjá virkilega fallegann og vel taminn stóðhest Hlyn sem er úr ræktun þeirra hjóna á Oddhól. Svo kom að hrossunum sem átti að tantra til og breyta úr gæðingum í lúxusgæðinga. Sjá kallinn þeytast um salinn einsog unglingstrák á hrossunum og á meðan hann talaði til okkar 120 soltinna áheyrenda/horfanda þá vann hann í hestunum og það leið ekki á löngu þartil hrossin fóru að átta sig á því að það var kominn í hnakkinn knapi sem að lét það ekki eftir þeim að sýna sitt næstbesta...........einungis það allrabesta og var maður alveg dolfallinn hvað hrossin gátu breyst mikið á einungis cirka 20 mínútum! Kíkið hér ef þið viljið sjá fleiri myndir og meiri upplýsingar um námskeiðið. Eitt atriðið þótti okkur ferlega fyndið en á meðan Sigurbjörn lét móðann mása þá kom köttur skokkandi inní salinn og plantaði sér rétt við stóðhestinn og tók til við að grafa holu með framloppunni ofaní sandinn. Ekki meira bull frá mér í bili elskurnar mínar:) Óver and át! Skrifað af Ransý 21.02.2009 00:12Hvað eru þeir svo að væla....?
Kynvilltur stóðhestur kostar eigendur sína milljarða kr.Menn vita ekki hvort hann er kynvilltur, kyndaufur eða bara húðlatur. Allavega hafa eigendur stóðhestsins War Emblem séð á eftir milljörðum kr. í tapaða folatolla því hesturinn vill ekki fjölga sér. Þegar stóðhestastöðinni Shadai í Japan tókst að kaupa War Emblem árið 2003 þóttust menn þar á bæ hafa himinn höndum tekið. Hesturinn hafði unnið hið þekkta Kentucky Darby veðhlaup árið áður og eigendur Shadai töldu að þeir myndu hagnast mikið á folatollum á næstu árum. War Emblem hafði aðrar áætlanir á prjónunum. Árið 2003 köstuðu aðeins sjö af 350 hryssum, sem hesturinn var kynntur fyrir, folöldum. Ári seinna voru það 35 af 500 hryssum. Árið 2005 kom ekki eitt einasta folald undan honum. Þar sem War Emblem er af hreinræktuðu ensku kyni má ekki nota sæði hans í hryssur nema á náttúrlegann hátt, það er hann verður sjálfur að sjá um sæðisgjöfina. Þar sem War Emblem hefur engan áhuga á að fylja hryssur hefur Shadai-stöðin tapað 55 milljón dollara eða nær 5 milljörðum kr. í glötuðum folatollum. Og við það bætist svo kaupverðið á sínum tíma sem nam 17 milljónum dollara. Skrifað af Ransý 18.02.2009 16:14Er að hressast:)Nákvæmlega svona líður mér í dag................I like to get on with my life og fara að hreyfa mig!!! ARGGGGG................ég er inni á meðan kallinn keyrir hrossunum í heilbrigðisskoðun,flug og annað skemmtilegt:) Annars þakka ég ykkur öllum fyrir fallegu commentin til mín og batnaðarkveðjurnar Skrifað af Ransý 13.02.2009 19:14Drullulasin heima:(
Nú er bara að taka inn lyfin sín og vera stillt og prúð í einhvern tíma og svo halda áfram við það sem mér finnst skemmtilegast,að snúast í kringum skepnurnar á bænum. Farið varlega þið þarna úti elskurnar mínar þartil næst. Skrifað af Ransý 09.02.2009 20:01Bloggedí blogg.....:)
Hmmmmm........smá lasin og kannski líka bara búin að vera að ríða út og selja líka hross út. Og þarmeð að koma peningastreymi inní landið og taka þátt í að rétta við peningamálin hér. Ég get bara ekki vorkennt sumu fólki (sumum vorkenni ég þó) en mig rak á rogastanz þegar að kona ein lét það útúr sér að börnin hennar spyrðu hvort þau gætu gert þetta eða hitt þegar að það yrði næst til peningur!!! Það urraði innra með mér! Kannski var ég alin upp við fátækt,kannski þótti mér það bara eðlilegt að sjá ekki peninga enda voru peningar ekki aðalumræðuefnið þegar að ég var að alast upp. Okkur krökkunum komu peningar ekki við!! Ég man þá tíð þegar að ég var pínkulítil stelpa líklega 5-6 ára gömul og langaði mig í Karamellu sem þá kostuðu einhverja aura og eina góða aðferð kunnum við krakkarnir í mínu hverfi til að komast yfir slíkt góðgæti og það var að þræða stoppustöðvarnar hjá strætó og finna strætómiða því fyrir þá fengum við slikkerí í sjoppunni. Nú svo var líka hægt að fara í Mjólkurbúðina og sníkja sér Vínarbrauðsenda. Næst var farið í Apótekið og þar sníktur brotinn Apótekalakkrís. Nú ef að enn var pláss fyrir meira þá skottuðumst við niður í Dairy Qween og fengum brotin brauðform. Þarmeð var maður alsæll þann daginn. Þá var lífið einfaldara og ekki bar maður þær byrðar á öxlunum að hafa áhyggjur af því hvenær næst yrði til peningur.Maður var bara barn og lék sér með það sem til var. Mér finnst persónulega að maður eigi að vera ánægður með það sem maður á en ekki óánægður með það sem maður á ekki! Að einhverju skemmtilegra elskurnar mínar. Glói gæðingur er seldur til Hollands.Þrælsætur jarpvindóttur ungur foli með forvitna lund. Ekki var hún lengi að seljast heldur hún Vala frá Víðihlíð.Ég hafði ekki undan að svara fyrirspurnum og ég sem hélt að það væri að draga saman í hestasölunni sem hefur blómstrað frá því snemma í haust. Veðrið er búið að leika við útiganginn hér,kalt og stillt og hrossin njóta þess að úða í sig tuggunni á milli þess sem þau flatmaga í snjónum eða eru að kljást og treysta vinaböndin sín á milli. Skrifað af Ransý 02.02.2009 01:00Útreiðarveðurblíða:)
Líka innandyra því fyrsti tíminn hjá Jóa G í fínu flottu reiðhöllinni inná Mánagrund var í fyrradag. Mér líst alveg svakalega vel á þetta en reiðskjótanum mínum leist ekkert á þetta og verð ég að gefa Rjúpunni minni frí frá námskeiðinu í vetur og mæta með annað hross sem er meira tamið til að ég njóti mín og læri í stað þess að bægslast um salinn á lítið tömdu trippi. Það er líka ekki sanngjarnt fyrir hina nemendurnar að ég sé á hrossi sem er ekki í þokkalegum takti við þeirra hross. Biskupinn verður því fyrir valinu og nú er bara að saxa af honum spikið í rólegheitum og vinna hann aftur sem reiðhest en ekki rokuhross. Leiðtogahlutverkið er aðeins brenglað en ég held að þetta eigi alveg að heppnast hjá okkur og það jafnvel með sóma. Minnsta kosti ætla ég að fara með hann og vera jákvæð og gera allt sem ég get til að endurheimta gamla góða hestinn minn sem er einhverstaðar þarna undir öllu spikinu Skelli hér inn í lokin myndasyrpu af folaldinu hans Hebba undan Toppu Náttfaradóttur og Aski Stígandasyni. Skrifað af Ransý 30.01.2009 14:16Allt í Rjúpum í Ásgarðinum:)
Ég bara varð að blogga smá fyrir bæði mig og ykkur á þessum fallega Föstudegi. Hér fylltist allt af Rjúpum fyrir nokkrum dögum og þegar að ég fór í reiðtúr á Hrók í fyrradag þá sá ég þær ekki í vegkantinum fyrr en þær flugu undan fótunum á klárnum! En það eru smá leiðindafréttir af Hróksanum mínum sem ég stólaði á í vetur bæði á reiðnámskeið,Kvennatöltið,aðstoðartamingarhest og bara allt. Það er einsog einhver hafi kippt undan mér öðrum fætinum að missa klárinn undan hnakknum. Ég verð bara að bíta í það súra og gera eitthvað sniðugt með næsta hross. En djö...................er hryssan stór! Það er ekki fyndið að komast á bak þessari himnalengju!! Verum bara ekkert að ræða það nánar! Ég fór líka á bak Vordísi Brúnblesadóttur sem er bara fín,smá skap í henni en það vinnst vel úr hnakknum og er þetta prýðisreiðhryssa. Nú svo skellti ég mér á sjálfann skápinn hann Biskup! Ég fékk góðar leiðbeiningar frá frábærri tamingardömu í bænum og það er ekkert annað en feta og feta og feta og kenna honum sveigjustopp. Farin út í góða veðrið að taka myndir!!! Skrifað af Ransý 28.01.2009 15:19Silver dapple bay for sale and Dun/Buckskin
Var að fá til mín jarpvindóttan tveggja vetra spakann fola sem ég er alveg til í að láta á góðann pening. Gloi is 2 years old gelding,very calm and easy to handle.Will by great family horse like his mother. His pedigree: Faðir: Styrmir frá Selfossi Móðir:Birta frá Ökrum 2 Vala frá Víðihlíð er einnig komin á söluslistann. Hér er ættin að Völu: Faðir:Snær frá Hvolsvelli Móðir: Synd frá Þórunúpi Frekari upplýsingar sendist á: Skrifað af Ransý 27.01.2009 00:00Hrossin (loksins:) sótt í Reiðholtið
Veðrið er margbúið að setja strik í reikninginn og einnig aðstöðuleysið til að handsama stygg hross en það bráðvantar góða rétt til að ná því sem ekki er hægt að ganga að og mýla. Ég asnaðist til að setja þangað trippi fyrir tveimur árum sem voru kannski ekki alveg fullunnin en mannvön og búin að læra grunnreglurnar en það sem skeði var að þau aftömdust þessir Þetta geri ég ekki aftur því það er búið að liggja á mér einsog mara að ná þessum trippum ekki heim! Þannig að ég tók 7 stykki,1 fór af í RVK og á annan bíl sem fór norður í land með það næsta dag. Annað trippi fór svo til nýs eiganda í dag og tvö gömul hrossi verða felld núna á allra næstu dögum vegna fótaleysis. Restin fer útí rúllu og svo verða tvö af þeim tekin inn fljótlega í fortamningu. Mikið er ég rosalega fegin að þetta er búið,mér er meinilla við að ferðast yfir Hellisheiðina (eða bara heiðar yfirleitt) yfir vetratímann. Núna er það bara ekkert nema gleðin framundan,reiðnámskeið hjá http://mani.is/ og sömuleiðis Þorrablót. Ég var beðin um að skella hér inn smá auglýsingu fyrir eina hressa stelpu en hún ásamt öðrum skipuleggur frábærar hestaferðir í stórbrotnu landslagi fyrir fyrir vestan.
|
Um mig Nafn: Ingibjörg Rannveig Ingólfsdóttir (Ransý)Farsími: 869-8192Tölvupóstfang: ransy66@gmail.comAfmælisdagur: 25 JúlíHeimilisfang: ÁsgarðiStaðsetning: 250 GarðiHeimasími: 422-7363Önnur vefsíða: http://www.123.is/kaninur/Um: Ég er með hestabakteríuna ógerlegu einsog svo margir aðrir.Náði mér í bónda og fór að búa með honum Hebba mínum í Ásgarði 1998.Muna að kvitta í gestabókina!Njóttu.Bankanúmer: 0157-05-400339Tenglar
Eldra efni
|
© 2025 123.is | Nýskrá 123.is síðu | Stjórnkerfi 123.is