Ég "á" 7 stykki þarna og af þeim eru 3 dömur á þriðja vetur sem sýna manni bara afturendann þegar að maður ætlar að sýna þeim múlinn.

Við erum sko farnar! Yrja og Snót Prinsdætur Oturssonar.

Nei sko kelling................Þetta setur þú ekki á minn haus,man alveg hvað skeði síðast. Maður var bara fastur og einhverju ógeði sprautað uppí munninn á manninn!
Gubb gubb............!

Raketta Hróksdóttir 2ja vetra síðastliðið vor.

Djö.................hlakkar mig að fá þær dömur aftur á hús.Reyndar fer ein þeirra fljótlega norður til síns heima hún Yrja frá Ægissíðu,Raketta Hróksdóttir fer til nýs eiganda (best að leyfa nýjum eiganda að blogga því sjálfum:) en Snót verðu hér áfram í Ásgarði í frumtamningu/meðhöndlun þartil hún fer undir stóðhest í sumar og flýgur svo fylfull út til Sviss.

Þannig að þeir sem eiga hross í Reiðholti geta komið næstkomandi Laugardag klukkan 12:00 á hádegi með kerrur og eða flutningarbíla og sótt sín hross.

Stóðinu verður smalað í rétt við Meiritungu og verða þar í fáeina tíma í réttinni en verður svo smalað til baka.

Bóndinn í Reiðholti byrjaði að gefa út um áramótin og er því mánuðurinn kominn uppí 5000- með heygjöf.

Sumar/haust gjaldið var 2000-á mánuði.

Verum dugleg að rífa upp veskin og borga kalli svo við getum fengið að koma aftur að vori með hross til hans   Ef ykkur vantar frekari upplýsingar þá er símanúmerið mitt hér:869-8192.

Árið 2006 seldi ég tvö folöld henni Deidrie Pierce og átti ég að hugsa um folöldin hennar tvö þartil um vorið en þau átti að flytja þá út til Ameríku.

Heljar og Pálmi á góðri stundu.

Allt gekk einsog smurt,folöldin bæði staðgreidd,öll pappíra vinna unnin samviskusamlega og gott betur, því miður (kem að því seinna).

Deidrie borgaði samviskusamlega fyrir folana hér þartil síðastliðið vor þá var einsog hún gufaði bara upp!!!

Ég sit uppi með 2 fola ógelta og það er alveg sama hvað ég geri,sendi netpóst og eins hef ég haft samband við Utanríkisráðuneytið sem gaf mér samband út í Sendiráðið þar en þá er það eina sem ég má vita um Deidrie er heimilisfang en ekki sími!

Ég gerði þau reginmistök að setja þá á hennar nafn í Veraldarfeng sem þýðir það að ég get ekkert gert.

Ég má ekki selja þá eða gefa,eða hætta að hugsa um þá.Auðvitað hætti ég ekki að hugsa um þá greyin,ekki geta þeir gert að því hvernig málum er háttað.

Enda yndisleg grey og ekkert vesen á þeim þrátt fyrir kúlurnar.

Ég skelli þessu bloggi hér inn af einni ástæðu og það er sú von mín að Deidrie lesi þetta blogg og láti mig vita hvað hún vill gera í stöðunni þ.e.a.s ef hún er á lífi!

Þið sem þetta lesið getið lært það af mínum mistökum að færa ALDREI hross af ykkar nafni yfir á útlendinga fyrren hrossið er farið úr landi!!!

Dear Deidrie!

Heljar,Pálmi and we here in Ásgarði are wondering if you are ok and a live! Please contact me and let me know what you like to do with your 2 stallions here.

Your horses are healthy and fine,still waiting for his owner to export them to there new home.If you don´t want to keep them please hand them over to me so I can give/sell them away before next spring.
Here is my e-mail adress Deidrie mín:

 ransy66@gmail.com

Smá viðbót við færsluna:

Þessar upplýsingar fékk ég í gegnum spjallið hjá hestafréttum en þar reyndi fólk að hjálpa mér einsog það gat .
Málið er að hún Deidrie vinkona mín er í hernum og eftir 11 September er næsta ómögulegt að grafast fyrir um nokkurn skapaðann hlut!
Bandaríkjamenn eru svo á huldu að það hálfa væri nóg!

Deidrie A Pierce
77 Letchworth Ave
Columbus, OH 43204-1924

Linkurinn sem þetta fannst á: [tinyurl.com]

Því miður er ekkert símanúmer þarna enda er það ekki opið (leyninúmer?). Ef þú hringir í International Directory assistance þá gætirðu kannski fengið það uppgefið, þar sem þú hringir frá öðru landi. Gætir allavegana reynt það ef þú þarft símanúmer.

Vonandi virkar þetta

Með því að birta þessa færslu og auglýsa eftir henni á veraldafengnum þá er ég búin að sýna framá að ég er að leita að henni.Þannig geri ég stöðu mína betri er mér sagt af fróðari mönnum.
Úti í Þýskalandi er það þannig að ef þú er með hross í umsjón annars aðila og greiðir honum fyrir umhirðu alla og fórðun og ef þú stendur ekki í skilum með greiðslur þá getur hinn sami sem hirðir um hrossið auglýst á td veraldarvefnum eða í blöðum eftir eigandanum og ef hann kemur ekki fram þá má umsjónaraðilinn með hrossinu selja það fyrir áföllnum kostnaði eftir 3 mánuði þ.e.a.s ef eigandi gefur sig ekki fram og borgar.

Svona þyrfti þetta að vera hér á Íslandi líka!En það virðast engin lög vera til sem ég gæti stutt mig við í þessu máli .

Vænting og Hrefna að reka voffana inní hesthús fyrir reiðtúrinn.

Nú gerði ég ykkur alveg orðlaus með þessu textalausa bloggi gott fólk!

Best að bæta úr því hið snarasta .

Þetta er hún Vænting Toppu/Hróksdóttir sem er í þjálfun og fíneseringu í Víðidalnum hjá henni Hrefnu tamningardömu.
Við kíktum á þær um daginn með cameruna en ég get nú ekki sagt að það hafi tekist mjög vel að mynda merina á ferð vegna slæmrar birtu en Vænting er á góðri leið með að verða það reiðhross sem henni er ætlað.
Taugasterk,viðráðanlegur vilji og þýðgeng er eitthvað sem ég er að leita eftir.
Eina sem klikkaði var að ég gleymdi að skipta út litatúbunni í Hrók áður en hann hitti hana Toppu Náttfaradóttur mömmu hennar  .


 

Náði þó sæmilegu videói af þeim stöllum útum bílgluggann.

Merin má nú alveg losna við nokkur aukakíló enda hefur aldrei verið lagt hart að henni í reið og hún fengið hálf slitrótta tamningu og notið þess að éta bara og éta á sig gat.

Ps.Já" Edda,90% af Hróksafkvæmunum eru mjög taugasterk og þæg reiðhross og láta sér ekki bregða við eitt eða neitt í umhverfinu.

Þessvegna er ég nú að nota klárinn nær eingöngu hér heima því stefnan er að rækta hross sem allir í fjölskyldunni geta umgengist og haft gaman af,frá yngsta fjölskyldumeðlimnum uppí afa og ömmu og allt þar á milli .

Mín stefna er skýr,að rækta geðgóð hross í fjölbreyttum litum fyrir jafnt vana sem óvana.Þar kemur Hrókur mjög sterkur inn því það má skjóta af byssu við hliðina á honum (og hefur verið gert:) án þess að hann haggist.

Jæja þá eru síðustu seldu hrossin farin í bæinn til Gunna og Krissu og bíða þar eftir flugi.
Kannski ekki alveg síðustu seldu hrossin hér á bæ því enn er verið að spyrja um hross þó að það hafi aðeins dregið úr fyrirspurnum enda spilar þar inní hátíðirnar að undanförnu.


Snæugla
fer til þýskalands.



Dúfa
 frá Ásgarði fer til Sviss.


Hávi
 er að fara til Hollands.

Ég er orðin rosalega þreytt á þessu hálvitalega vetrarveðri með rigningu endalaust og myrkri.

Gras er farið að spretta og útigangurinn fer úr heyinu að krafsa eftir rótum og nasli líkt og vor sé komið.

Svo geisa kuldar útí Evrópu með frosti allt að 30 stigum td í þýsklandi hjá vinkonu minni henni Írisi!

Það væri frábært að reyna að jafna þessu eitthvað út,þá fengjum við kannski smá snjó svona til að lýsa upp skammdegið og kulda með stillum og góðu útreiðaveðri.

Ég opnaði upphitaða hesthúsið um daginn fyrir útigangshryssurnar og folöldin til að reyna að þurrka þau aðeins.

Það var ekki að virka skal ég segja ykkur því vatnsveðrið er alveg gríðarlegt.

En samt er nú alltaf gaman að fá þau inn og kíkja yfir þau og skoða .

Rjúpa Hróksdóttir alveg gegnvot.

Himinglæva frá Ásgarði For sale!

Mánahöllin.
Síðastliðinn Laugardag var nýja stórglæsilega Mánaöllin okkar opnuð og verð ég að hrósa öllum þeim sem lögðu hönd á plóginn og gerðu það með miklum myndarskap í formi vinnuframlaga/peningaframlaga og bæði til að koma Höllinni á koppinn.

Hópur af fólki hefur unnið þarna sleitulaust um helgar og langt framá kvöld í fleiri vikur og mánuði og allir lagst á eitt með að gera þetta myndarlega.

Enda stendur maður bara á öndinni þegar að inn er komið í herlegheitin,frábær aðstaða til ýmiskonar vinnu með hross hvort sem er að temja eða bara þjálfa.

Eygló og Merkúr að prófa méllausa beislið í höllinni .

Enn er samt eftir að klára það sem viðkemur okkur mannfólkinu en það er bara alltílagi.Róm var ekki byggð á einum degi og þessum frábæra áfanga er núna náð að hægt er að fara inn með hross og vinna undir þaki í öllum veðrum.

Risastórt klapp á bakið á ykkur öllum sem gerðu það að veruleika að koma Höllinni í það horf sem hún er í dag!!!
 

Hanneraborínef ??? Gott lag !

Áramótaheitin í ár........................jahhá...........!

Númer 1-2 og 3 er að kaupa íslenskar vörur og styrkja þarmeð við bakið á okkur sjálfum á nýju ári.

Við erum hætt að mestu að versla innflutt fóður í skepnurnar okkar og nú eru allir komnir á íslenskt ræktað Bygg.

Kanínurnar eru algerlega komnar á Bygg frá vini mínum Svan í Dalsmynni http://www.123.is/dalsmynni/page/14689/ ásamt smávegis af heyi svona til að þær hafi eitthvað að gera sér til dundurs en hey nota þær ekki bara sem fóður heldur leika þær sér líka að því!

Íslensku Landnámshænurnar eru líka á Byggi og svo fer allur afgangsmatur í þær aukreitis og svo fá þær einnig allskonar gómsæti frá bakaranum.

Ekki er ég heldur undanskilin en þegar að ég fer í höfuðborgina þá kem ég EKKI til með að styrkja sjoppur með innfluttu fóðri í menn heldur fer ég beint á http://nings.is/ og versla þar alíslenskan hollan skyndibita sem er unnin úr íslensku lífrænt ræktuðu byggi frá Eymundi bónda í Vallanesi.
Frábær réttur sem svíkur engann!

Þannig að nú er ég búin að setja þetta á netið fyrir framan almenning og ekki aftur snúið og ef ég mun klikka í einhverri bæjarferðinni og þið munið sjá mig inná einhverri búllunni að gúffa í mig innfluttri óhollustu vinsamlegast pikkið í mig hehehehehe.................. BANNAÐ!

Dúddamía!Nú sný ég mér við í hvert skipti sem ég er úti að borða og fæ allan matinn í hnakkann!

Hvaða áramótheit gafstu þér?  

Smá montblogg svona síðasta daginn fyrir áramótin.

Hrókur kom heim rétt fyrir hátíðirnar og var hann í fantaformi og leit afskaplega vel út eftir Hóladvölina enda allt þar á bæ til fyrirmyndar .

James og Hrókur.

James Bóas Faulkner tamingarmaðurinn hans og þjálfari kíkti svo í gær og brá sér á bak honum svona til að sýna breytinguna á klárnum.

Svei mér þá ef að það er ekki kominn heim nýr og sáttari Hrókur! Allt annað að sjá klárinn en aðalvandræðin voru hve hvekktur hann var í beisli en allt er þetta á góðri leið með að vera gleymt og grafið það sem skeði í frumtamningunni.

Soldið blörrað, birtan alveg skelfileg og rigning .

Ég bjóst nú við að fá klárinn góðann til baka en ekki svona góðann!

Engar þyngingar til að ýkja fótaburðinn mont mont.
Eruði nokkuð að fara að híhíhí.....það er hollt og gott að vera ánægður með sitt.

Brokkið er svakalega gott í klárnum.

Núna þarf ekki að setja sérstök mél uppí hann,nánast hægt að nota hvað sem er .

Viljinn er allt annar og núna þorir hann og getur hugsað áfram en það var voðalega mikið vandamál að fá hann til að hætta að hugsa um tunguna sem var á flótta uppí kok af og til og núna horfir klárinn fram en ekki uppí loft!

Gleðin skín af honum í reið hvort sem er frá húsi eða heim .Frábært!!!

Takk æðislega James fyrir að koma til baka með nýjan hest handa mér .

Og takk fyrir allt hrósið um klárinn og frábæra tamningu og umhirðu .

Nú er bara að drífa sig í Mosfellsveitina og sækja hnakkinn úr viðgerð til Helgu Skowronski og fara að ríða út af alefli þegar að veður leyfir.

Ekki þýðir að láta Hrókinn rykfalla útí rúllu eftir að fá hann svona fínann og flotta heim!

Gleðilegt Nýtt ár elskurnar mínar og takk kærlega fyrir allt gamalt og gott á því gamla.

Og gleymum ekki að skilja eftir ljós í hesthúsunum annað kvöld/nótt og ekki verra að hafa útvarp í gangi.

Þá verða skepnurnar síður varar við lætin í okkur mannsfólkinu !

Þá er aðfangadagur runninn upp og allir að hamast við að klára hvað sem hver einn gerir að markmiði sínu fyrir klukkan 18:00 á aðfangadagskvöld.

Það má segja að það fari svona cirka 2 dagar í jólaundirbúning hjá okkur en ég og dóttirin skruppum í höfuðborgina fyrir stuttu og byrjuðum að versla lítilræði af gjöfum.

Nú svo á Þorláksmessunni er vaninn hjá mér að versla allan matinn,klára gjafir og keyra þeim út.

Allt gekk þetta frábærlega vel og það sem gleymdist að versla verður bara að vera gleymt og hana nú.

Það sem skiptir mestu í mínum huga er að geta sest niður og borðað góðan mat í faðmi fjölskyldunnar og allt skal þetta vera samkvæmt reglu en dóttirin sér um að halda þeim öllum í heiðri hér á bæ.

Eftir matinn verður að vaska upp og ganga frá en svo hefst upplestur jólakorta.

Það hefur verið siður hjá okkur að rífa ekki upp jólakortin fyrren á þessum tímapunkti og dóttirin rígheldur í þessar hefðir.
Nú þá er að opna gjafir og góð bók er eitthvað sem ég get sökkt mér ofaní í.

Nú og auðvitað eitthvað tengt hrossum sem bregst ekki um hver Jól.

Kallinn minn kæri er í útiverkunum en ég sit hér bara og pikka á bloggið mitt þegar að ég á að vera önnum kafin við að hefja eldun á matnum en allt hefur þetta sinn tíma.

Ég vil óska ykkur öllum Gleðilegra Jóla og þakka ykkur öllum fyrir innlit og comment á síðuna mína.

Það er mikils virði að vita af ykkur öllum þarna úti vinum mínum og hefur mér þótt afar vænt um hvernig skemmtilegur kjarni af fólki hefur myndast um síðuna mína.

Hafið þið það sem allra best og við hér í Ásgarðinum sendum ykkur öllum ósk um Gleðilega Hátíð.

Hér er allt í rólegheitunum,kallinn búinn að vera inni lasinn í heila viku og ég séð um öll verk úti á meðan.
Ekkert mál þarsem veðrið er búið að vera ágætt.

Vinkonurnar Litla Löpp frá Galtanesi og Freisting frá Laugabóli að kljást í kuldanum.

Um daginn ákvað ég að gerast voðalega sniðug til að spara mér vinnu við útiganginn yfir hátíðarnar en vanalega eru gefnar nokkrar rúllur útí einu og hrossin látin klára og anda svo í einn sólahring og þá er gefinn aftur sami skammtur af rúllum.

Mín fór og gaf skammtinn og lokaði svo hliðinu og gaf annan skammt í annað hólf og þá þarf ég bara að opna það hlið fyrir hrossunum næst og taka plastið af og slepp við að sækja traktorinn útí hús og opna og loka hundrað hliðum eða svo fram og til baka.
Er ég ekki sniðug

Hrókur elsku kallinn minn er að koma suður eftir veru sína á Hólum.
Það hefur gengið afskaplega vel með klárinn að öllu leyti nema einu,hann vill ekki alveg gleyma því að í frumtamningu varð hann fyrir skaða í munni og það er ekki afturkallanlegt úr hausnum á honum.
En það er nú eitthvað sem ekki erfist frá honum enda eru þau 12 stykki sem búið er að temja undan honum öll mjög góð í beisli og engin beislisvandamál þar í gangi.

Lóa og Sigrún að ég held í 3 skipti í reiðtúr.

Sú yngsta 3ja á fjórða er Lóa Hróksdóttir sem fór utan í bumbunni á mömmu sinni og fæddist hún í Danmörkunni hjá eiganda sínum henni Sigrúnu (minni:).
Alltaf gaman að fá sendar myndir af "ömmubörnunum"!

EN talandi um tamningar!
Kíkið á þennan dúdda og hestinn hans sem Íris sendi mér!
Slef...... ertu ekki að grínast  !!!

Ég og dóttirin tókum okkur til um daginn og bökuðum nokkrar sortir svona til að fá smá jólafíling í sálina.

Ég og dóttirin að mála á kökur gaman gaman!
Mikið var gaman hjá okkur og vorum við að til 03:00 um nóttina líkt og alvöru bakarar en reyndar byrja þeir kannski á öðrum enda sólahringsins svona um það leytið sem við vorum að fara að sofa .

Dóttirin á nú mestann heiðurinn að bakstrinum klapp fyrir henni.

Nú er snjór yfir öllu og allt miklu bjartara þrátt fyrir skammdegið og finnst mér altaf miklu skemmtilegra að fara út og gefa útiganginum í snjó en þegar að snjólaust er í haganum þeirra.

Allt er svo miklu hreinna og fallegra.


Biskup að tala við Dúfu frá Ásgarði.



Snæugla sem fer utan í byrjun Janúar til nýrra eigenda.

Farin út að gefa blessuðum skepnunum.

Hafið það gott þartil næst elskurnar mínar.
 

Nýtt netfang elskurnar mínar!

New E-mail adress

ransy66@gmail.com








Hér er frábært lag frá Frostrósunum sem kemur mér í sannkallað Jólastuð!
Á morgun skal bakað   í fyrsta sinn í mörg herrans ár 
en hingað til hefur mér gengið ágætlega að bera smákökurnar heim úr búðinni  .
Það er bara kominn heilmikill jólahugur í mann og bara gaman að vera til!
Knús til ykkar allra þarna úti  
 

Það var kuldalegt en yndislegt veður þegar að ég gaf útiganginum í dag.
Í norðri skein tunglið og í suðri skein sólin á bakvið ský á tímabili.....skrítið.

Annars er ekkert yndislegra en að vera vel klæddur í kuldanum innanum stóðið og heyra hvernig marrar í snjónum undan fótunum á mönnum og skepnum.

Vænting í dag við hlið Rjúpu systir.

Eitt hrossið enn var að seljast og nú var það hún Vænting Hróksdóttir en hún fer til Ameríku.

Þetta kom nokkuð óvænt upp en það droppaði hér inn ein amerísk dama og þó Vænting hafi ekki verið á sölulistanum þá endaði þetta svona.

Vona að hryssan verði okkur til sóma í það hlutverk sem henni er ætlað og efast ég ekki um það.

Þæg hross og geðgóð er það sem stærsti hluti markaðarins biður um,ekki verra ef það er líka með flottan lit.

Dúfa og Freyja Hróksdætur.


Veðurbarðir rassar.

Annars er lítið að frétta,jú allar kindur eru búnar að fá gott í kroppinn og sumar báðum megin .

Eða gott báðum megin segja þeir sumir/ar en hrússi gaf sér lítinn tíma til að éta á meðan kindurnar röðuðu sér á garðann í ilmandi tugguna hehehehehe.............. .

IS1999286406 Virðing frá Hala

Glæsileg gló-brún 1. verðlauna alhliða hryssa til sölu undan Þokka frá Garði. Er með 8.40 fyrir hæfileika og 8.35 aðaleinkunn.

Hún er fylfull við Glotta frá Sveinatungu.

Möguleiki er að kaupa helminginn í hryssunni eða alla.

Very beautiful 1.prize breeding mare for sale. Her father is Þokki from Garði. Her riding abilities is 8.40 and total 8.35

In foal by from Glotta from Sveinatungu.

It is possible to buy half share.


IS2000225801 Varða frá Keflavík

Karen kind kindarleg

Og þá er hófst k.....svall mikið í Ásgarðinum í dag og fimm kindur lágu eftir Flankason.

Hann þurfti nú að hafa svolítið fyrir þessu fyrst strákurinn því það var biðröð eftir þjónustu hans og kindurnar slógust um athyglina.

Dóra var langflottust og varð hún þess aðnjótandi að svipta hann drengdómnum,næst var hún Karen kind,næst 26 gamla og þá varð hann aðeins að fá að pústa á meðan ég tók þær frá.

Þær hegðuðu sér einsog konur á kjólaútsölu!

Hringhyrna fékk svo gott í kroppinn og var tekin frá en þá var hún Forysta ein eftir og hún var sko vitlaus!

Stillti sér svo voðalega fínt með afturendann útí horn og dillaði dindlinum með vonarblik í augum!

Hún vissi ekki hvað hún var að biðja um enda aldrei fyrr verið við hrút kennd

Við urðum að gefa þeim hey og smá fóðurbæti í stall svo hún sneri nú rétt og hrússi gæti nú komið lambi í hana.

Getur einhver reddað mér stiga !

Þetta gekk ekki alveg jafnvel og með hinar,hrússi orðinn hálfþreyttur og Forysta alveg skelfilega háfætt!

En það gekk (að ég tel:) og Flankasonur fékk að hitta allar dömurnar fimm og þá varð nú veisla skal ég segja ykkur!

Ekki dónalegt og fá gott í kroppinn báðum
megin frá hehehehe......

Á morgun fær hinn helmingurinn af kindunum hrút en þá verður búið að lemba 10 ær skulum við ætla og er það flott tala.

Nú svo erum við með 4 ungar dömur sem ætla að hugsa bara um að stækka áður en þær fá hrút.

Sibba Gibba sæta ætlar að stækka og svo........ verða ástfangin eftir ár.

Það munar ekkert smá á stærðinni á kindunum ef þær fá að vera gemlingar í friði og bara borða og leika sér!

 

Jæja elskurnar mínar.Eruð þið ekki orðin "svöng" í hestablogg

Þetta er nú ekki besti árstíminn til að fara út með cameru og taka myndir.

Vordís Brúnblesadóttir og Biskup bolla.

En ég reyndi um daginn og það gekk hálfbrösulega en flassið reddaði þessu alveg.

Djö..........var nú kalt! Puttarnir voru næstum dottnir af mér!

Hárlagningin fauk útí veður og vind!

Hrossinn eru öll komin á fulla gjöf.Við byrjuðum að hára í þau þann 16 Nóvember en þá fengu þau eina rúllu útrúllaða svo allir kæmust vel að heyinu.

Ég hef mikið gaman af því að fylgjast með hegðun þeirra í heyinu,sum hafa nóg pláss í kringum sig og passa vel uppá sína tuggu á meðan aðrir standa þétt saman og deila henni með sér.

Þau eldri eru yfirleitt síðust að eða þau sem hafa ekki alveg kjarkinn í lagi.

Þá er um að gera að hafa gott bil á milli rúllanna og stoppa aðeins og fylgjast með.

Hér á hlaðinu eru fullt af Bubba Byggjum þessa dagana!

Hebbi byggir,Óskar Byggir og Addi Byggir hamast sem mest þeir mega við að klára frágang við Verkstæðið sem nú er orðið fokhelt og farið að nýtast við allskonar verkefni einsog að svíða sviðin og gera við tól og tæki hér á bæ.

Haltur dregur blindann

Stóra Grafan er komin í lag en þær báðar biluðu um daginn.

Óskar Byggir var nú ekki lengi að laga hana og sækja hina litlu sem nú kúrir inní hlýjunni í verkstæðinu og bíður viðgerðar.

Litlu var ýtt svo inn með þeirri stóru.

Allir Bubbarnir eru nefnilega á fullu að laga til í kringum verkstæðið.Gera aðkomuna snyrtilega og útbúa flott plan.

Það eru komin útiljós! Vei.........og þau nýtast mér vel við hesthúsið á veturnar í myrkrinu.

Bubbarnir eru líka búnir að grafa fyrir nýrri lögn fyrir vatnið niður eftir til hestanna í vetrarhaganum.

Sú gamla var orðin léleg og gott að vita af nýrri lögn.

Nú svo er verið að henda á fullu allskonar drasli sem enginn hefur not af. Gaman gaman......................

Hrossin halda áfram að seljast og í dag seldist eitt af trippunum hans Vals vinar okkar sem kennir sín hross við Víðihlíð.

Hér er síðan sem ég er að klambra saman fyrir hann í rólegheitum.
http://www.123.is/freyshestar/

Kvitta takk fyrir í gestabókina elskurnar mínar

Frábært Jólalagið 2008 frá Baggalút! Og textinn snilld og nokkur sannleikskorn þar.

Klikkið hér fyrir neðan og gefið þessu aðeins tíma að koma inn hjá ykkur

http://baggalutur.is/mp3/Baggalutur_Thad_Koma_Vonandi_Jol.mp3


ÞAÐ KOMA VONANDI JÓL

Allflestar útgönguspár
eru á eina lund;
þetta var skelfilegt ár.
Hér út við heimskautsins baug
hnípin þjóð - þráðbeint á höfuðið flaug.

Allt þetta útrásarpakk
át á sig gat
svo loftbólan sprakk.
Nú eru lífskjörin skert, mannorðið svert,
Hvað hafið þið gert?

Það koma vonandi jól
með hækkandi sól.
Við skellum könnu upp á stól
og Sollu í kjól.
Þrátt fyrir allt
þrátt fyrir verðbólguskot
- þjóðargjaldþrot.

Við áttum íbúð og bens
og orlofshús.
Allt meikaði sens.
Góðgerðir gáfum og blóð
greiddum í - dulítinn séreignasjóð.

En nú er allt þetta breytt og eftir er
nákvæmlega ekki neitt.
Já nú er útlitið dökkt
ljósið er slökkt
og við erum fökkt.

Það koma vonandi jól
með hækkandi sól.
Þó vanti möndlu í graut
og amerískt skraut.
Þrátt fyrir allt
þrátt fyrir háðung og smán
- myntkörfulán.

Það koma vonandi jól
með hækkandi sól.
Við étum á okkur gat
af innlendan mat.
Og þrátt fyrir allt
misnotum sykur og salt.

Það koma vonandi jól
með hækkandi sól.
Við krössum afmælið hans
- heimslausnarans.
Því að þrátt fyrir allt
drekkum við mysu í malt.