Heimasíða Ásgarðs

20.06.2012 15:31

Skjóna köstuð 20 Júní


Skjóna og Astró eignuðust þennan flotta strák.

16.06.2012 23:02

Mön köstuð 16 Júní

Mön gamla kom með rauðlitföróttan hest undan Vála frá Ásgarði en foreldrarnir eru báðir litföróttir og sú gamla hefur áður átt með litföróttum stóðhesti og það klikkaði ekkert þar.
Hún hefur komið með 9 litförótt folöld og mörg af þeim ansi flott:)


Framhald síðar,verð að fara út að vinna!

15.06.2012 18:10

Stórstjarna köstuð 16 Júní



Artemis frá Ásgarði
Stórstjarna kom einnig með merfolald og það ansi flott undan Hrók frá Gíslabæ.
Þetta er alflottasta folaldið sem Stórstjarna hefur gefið okkur og er það standreist,háfætt og bollétt.
SELD/SOLD to Germany:)

06.06.2012 22:04

Embla köstuð 6 Júní

Embla kom með gullfallega hryssu undan Astró frá Heiðarbrún.
Ég verð nú að viðurkenna að ég er ekki alveg með litinn á folaldinu á hreinu,annaðhvort er hún svona ljósjörp eða verður útí bleikt en álinn vantar algerlega á hana.
Hún er svolítið einsog kolótt sú stutta.

Hér sést vel að enginn er állinn en stór dökkur blettur ofaná lendinni.
Þetta hlýtur að vera bara ljósjarpt en ég hef séð jarpa litinn á ungviðinu breytast ansi mikið á milli ára.

01.06.2012 13:41

Freisting köstuð 1 Júní



Freisting kom með þessa fínu rauðstjörnóttu hryssu undan Vála frá Ásgarði,það kemur seinna í ljós hvort hún verður líka litförótt einsog pabbinn.
Freistingu var haldið undir Borgfjörð Aðalssson frá Höfnum.


01.06.2012 13:17

Litla Löpp köstuð 1 Júní


Litla Löpp kom með þessa fínu jarpskjóttu Hróksdóttur um eittleytið í  nótt.

Merin heldur uppteknum hætti og veður meðfram bakka girðingunni og vill komast niður á bakka til að kasta en þarsem bakkinn er illa gróinn og þarf lengri tíma þá er hann lokaður þannig að Litla Löppin þarf að bíta í það súra epli að kasta inná túni.

Ég kíkti með cameruna þegar að sú jarpskjótta var glæný og smellti af þeim mæðgum.

Eftir cirka 2 tíma var folaldið farið að valhoppa í kringum móður sína,alveg ótrúlegt hvað þessi glænýju folöld geta verið kraftmikil.
Ég kíkti undir hinar hryssrnar en mér til mikillar furðu var hún Freisting komin með dágóðann stálma en ég taldi hana hafa gengið upp eftir Vála.
Enda sást Hrókur hafa hana eftir að hún kom frá Vála syni hans.
Hún var líka svo nett og fín á henni bumban.


30.05.2012 00:28

Váli frá Ásgarði folatollur 25.000-


Váli frá Ásgarði IS2009125861 A vottaður.
Vindótt/litföróttur
Silver dapple roan.
Myndir af Vála/Pictures of Váli 
Stormhestar.de
F: Hrókur frá Gíslabæ (A 7.66 B 7.95 H 7.47)

FF: Kormákur frá Flugumýri(A 8.30 B 8.23  H 8.37)

FM: Best frá Brekkum 2

M: Eðja frá Hrísum 2

MF: Hrókur frá Stærri-Bæ ( A 8.01 B 8.18 H 7.89)

MM: Kvika frá Hrísum 2

Vála verður hleypt í merar fljótlega eða um miðjann Júní.
4 folatollum er óráðstafað.

Váli sýnir allan gang og er með góð gangskil. Lundin er traust og yfirveguð. Folinn er orðinn vel stór  þriggja vetra gamall og þroskast mjög vel. Váli tók fyrstu meðhöndlun vel og var auðveldur að eiga við í allri frumvinnu.
Váli frá Ásgarði fæst lánaður ef einhver vill fá lánaðann vindótt/litföróttan þriggja vetra vetra fola í nokkrar merar þá er hann laus og liðugur og til í tuskið.Hann er þægilegur við að eiga,virðir girðingar enda alinn upp í góðum rafgirðingum.
Get tekið hann aftur snemma tilbaka.
Ransý 869-8192 eða senda skilaboð:)

15.04.2012 14:07

Folaldasýning Mána 2012


Innilega til hamingju Brynjar og Ásdís:)

Folalda sýning Mána var haldin Föstudaginn 13 og kom hann Gunnar Arnarsson og mat folöldin fyrir okkur af sinni alkunnu snilld.

Ég var á myndavélinni minni og tók í gríð og erg myndir og ákvað að nota meira flassið en ég hef gert en einsog margir vita þá er agalega erfitt að taka myndir svo vel fari inní Reiðhöllum.

Ég er búin að vinna nokkrar myndir og bíð núna eftir upplýsingum um nöfnin á folöldunum og eigendum þeirra og stigagjöfinni á þeim öllum svo ég komi þessu vel frá mér á blogginu mínu.

Hryssuhópurinn var gríðarlega flottur og skar það sig verulega úr vinningsfolaldið þar:)
Sena frá Reynistað
F:Valmi frá Njarðvík

En vart mátti sjá mun á milli þess og merfolaldsins í 2 sæti sem var einnig afar glæsilegt.

Eins var ég yfir mig hrifin af folaldinu í 3 sæti.

Fjallfreyja frá Garði

F:Hróður Refsstöðum
M:Perla Hólabaki

Innilega til hamingju með glæsilega merfolaldið þitt Solla mín:)

Koma svo Mánafélagar og vinsamlegast senda mér upplýsingar um öll folöldin!

Langar að geta sett inn myndirnar í albúmið með nöfnunum á öllum:)


14.03.2012 11:08

Busla orðin 13 ára í dag eða 91 ára hefðardama:)


Ég ætla að tileinka henni Buslu minni þetta blogg því hún á afmæli í dag og er orðin 13 ára:)

Busla kom í heiminn þann 14 Mars 1999 og er undan Töru og Lubba.

Ég valdi hana úr gotinu vegna skapgerðar en hún var rólyndur hvolpur en sýndi góða takta þegar að hún var að tuskast við systkini sín eða leikföng sem hún þurfti að "drepa".

Okkur vantaði duglegann minkaveiðihund því hér var allt vaðandi í mink og fuglalífið beið mikið tjón af honum.

Tara mamma hennar var þvílíkur snillingur að reka þá heim og halda í horni þartil hún fékk aðstoð.
Ekki gat hún ráðið ein við minkinn þannig að Busla fékk það verðuga verkefni að verða okkar fyrsti almennilegi minkaveiðihundur og "þjálfaði" Tara mamma hennar sjálf hvolpana við fyrstu skrefin með því að finna gamla skinndruslu af mink og láta hvolpana hafa til að leika sér að.

Busla var ekki nema örfárra vikna (innan við 8 vikna) þegar að hún fékk skinnið og ég horfði uppá það þegar að hún missti sig gjörsamlega í hörkuslag við bróður sinn yfir skinninu góða og beit hún hann á háls og hann hana í hliðina og héngu þau föst þannig saman þartil ég tók þau upp (við erum að tala um smáhvolpa!) og losaði þau í sundur en bæði voru blinduð af illsku!

Bróðir hennar var með einhverskonar kúlu eða þykkildi á hálsinum eftir þetta og því miður þá var hann ranglega greindur með stækkaðan skjaldkirtil og aflífaður löngu eftir að hann fór frá okkur.

Busla er með stórt ör á hliðinni eftir þessi læti en beið ekki frekari tjóns á þessum slagsmálum.

Það er rosa harka í þessum hundum en þeir eru blíðir og góðir við manninn en umpólast í mink og þá þekkir maður þá ekki fyrir söma hundana.

Busla hefur td aldrei á sinni ævi sýnt nokkrum tennurnar eða urrað á nokkurn mann og börn hafa alltaf verið vinir hennar en við óvita vill hún helst ekki vera ein nærri eftir að lítið barn náði að lemja í hausinn á henni með skeifu.

Eftir það atvik verður hún óörugg og biður mig alltaf um hjálp ef henni líst ekki á lætin og kem ég henni þá bara í öruggt skjól.

Enda eru hundar ekki leikföng fyrir börn og yfirleitt er það vegna afskiptaleysis/hugsunarleysis eigenda sem að hundurinn ver sig með því að glefsa og hundinum kennt um allt en nú er ég komin útá hála braut.

Busla er búin að hreinsa hér upp mink ásamt Töru mömmu sinni og eftir að hún fór að taka til hér í kring þá hefur td Æðarfuglinum fjölgað og ekki bara hér hjá okkur heldur á örðum bæjum þarsem fugl hafði ekki orpið í mörg ár en byrjaði svo aftur þegar að tíkurnar voru búnar að útrýma að mestu minknum á milli Sandgerðis og Garðaskagavita.

Busla átti 2 got hjá okkur og það fyrsta var með Gúlla sem er hreinræktaður FoxTerrier og úr því goti valdi ég hana Skvettu.

Seinna gotið var með honum Kubb sem var Terrier blendingur í Norðurkoti og alveg hörkuminkaveiðihundur.

Úr því goti valdi ég hana Súsý litlu:)

Busla er búin að standa sig mikið vel sem minkaveiðitík og heimilishundur því maður veit eki af henni inná heimili.
Hún sefur 24/7 ef ekkert er að ske.

Hún er búin að eiga góða daga og slæma daga.

Eitt árið fótbrotanði hún illa og átti mikið bágt en stóð sig samt einsog hetja.
Illa gekk að koma saman brotonu en með hjálp góðra dýralækna þá á endanum varð fóturinn það þokkalegur að hún hefur nokkur not af honum í dag í það minnsta til að nota hann við labb og klóra sér:)


04.03.2012 16:52

Kindurnar rúnar á ofurhraða



Við vorum svo lukkuleg að fá þá Hjalta og Stebba alla leið hingað í Ásgarðinn til að taka af kindunum.

Þeir voru svo snöggir að rýja kindurnar að ég missti af því að komast útí hús með cameruna þannig að ég varð að fá að elta þá á næstu bæi.

Við vorum reyndar að leiðsegja þeim á Flankastaðina en þangað er alltaf gaman að koma:)

Falleg gimbur á Flankastöðum.
Þennan lit væri nú gaman að fá í fjárhúsið einhvern daginn:)


Geithafurinn á Arnarhól

Nú svo kíktum við líka á Arnarhól en þar eru geitur og ein þeirra sjónvarpstjarna úr Áramótaskaupinu 2011.

Jóhanna úr Áramótaskaupinu:)


Blesa gamla á Arnarhól ein besta kindin þar:)

Hún Blesa kemur altaf til mín uppí sumarhólfinu og þiggur brauð hjá mér með mínum kindum.


Gullfalleg Blesudóttir

Og það kom að því að ullin varð aftur að verðmætum.

Mér hefur reiknast það til að kindin sé farin að skila lyfjakostnaðinum tilbaka í ull þ.e.a.s ef að ekkert stórkostlegt skeður þannig að það þurfi að kalla til dýralækni.


En ekkert má útaf bregða svo að sú innkoma sé farin útá hafsauga og stundum furðar maður sig á því hversvegna maður sé að þessu kindabrölti yfir höfuð.

En þarsem þetta er gaman og maður hefur glænýtt kjet í kistuna á hverju ári þá heldur maður áfram:)


03.03.2012 10:13

Kóngur,Hrímnir og Lúna á leið útí heim


Kóngur frá Ásgarði
Þá eru fyrstu útflutningshrossin á þessu ári að fara á morgun frá okkur og mikið stress var í gangi á kjellunni í gær að redda öllu í kringum það.

Ætlaði alveg að fara á límingunum en auðvitað reddast þetta allt saman.

Hrímnir frá Ásgarði
Þær eru svo yndislegar stelpurnar hjá horseexport.is þær Krissa og Tóta að það sem mér finnst vera óleysanlegt vandamál blása þær nú bara á.

Öllu reddað í einu símtali og ég orðin hin rólegasta:)

Lúna frá Ásgarði

Óþekktarsprelligosarnir fyrir nokkrum dögum síðan.

Ég var að baksa við að ná inn stóðhestunum og geldingunum í gærkveldi og varaði mig ekki á veðurspánni en veðrið var gjörsamlega snarvitlaust og ég réði ekki neitt við neitt.


Þeir hlupu bara í skjólið upp við rúllustæðurnar og aftur tilbaka í rúlluna sína þartil ég varð arfavitlaus og hringdi í kallinn og bað hann um að koma með hana Súsý litlu Busludóttir.

Súsý og Skvetta á góðri stundu.

Hún kom sú stutta og Skvetta stóra systir hennar sem kann nú ekkert að smala en eltir og þykist vera að gera gagn.

Hrossin endasentust í hringi og ég á eftir haugblaut og gleraugun komin ofaní vasa,hvinurinn í veðrinu var rosalegur og varð ég bara að vona að tíkin væri að gera sitt gagn en ég hvorki heyrði né sá lengur hvað var að ske fyrir veðri og myrkri.

Svo loksin römbuðu hrossin á hliðið og inní rétt og ég náði að loka og koma þeim inní  hesthúsið.

Ég hefði aldrei náð þeim ef að Súsý litla hefði ekki komið og hjálpað mér.

Skvetta kom innúr veðrinu og settist inní hundakassann til Buslu mömmu (hún fer sko ekki útí svona veður ótilneydd:)en engin Súsý kom.

Ég gerði það sem ég þurfti að gera í hesthúsinu og af og til kallaði ég útí veðrið skjólmegin en þorði ekki að opna hurðina áveðurs til að tapa ekki þakinu af húsinu!

Engin lítil Súsý kom og ég komin með fyrir hjartað og farin að hugsa til björgunarsveitarinnar með stóru ljóskastarana sína.

Skildi hún vera liggjandi útí óveðrinu rotuð í haganum eftir hrossin!

Ég æddi út í veðrið eina ferðina enn og kallaði og leitaði og á endanum fór ég heim orðin haugblaut innað skinni.

Þegar að ég nálgaðist bílskúrinn sá ég hana koma haltrandi á móti mér meidd á framfæti,sú hefur verið búin að gráta við hurðina blessuð skepnan í kolvitlausu veðrinu.

Í dag tillir hún fætinum niður og er öll að koma til.

Sem betur fer er hún óbrotin.

24.02.2012 22:24

Mímir Astróson special price this month!



I am a big handsome very nice guy nearly 2 years old.
My birthday is 1 Juni 2010
You can read about it by clicking here.

My owner tells me that I might suit as a children horse in the future because how well behaved I am and relaxed.

I use trot mostly but my mother if fivegaited and my father is also fivegaited but ridden as a fourgaited horse.

Here is my name and pedigree:

IS2010125863 - Mímir frá Ásgarði  A vottun

F:Astró frá Heiðarbrún

M:Fjalladís frá Drangshlíð

Here is my album with allot of pictures since the day I was born.

And the prize is very good if you buy me before 1 Mars..........:)!

If you are interest and like to get more info about me just contact my owner:
ransy66@gmail.com

19.02.2012 23:00

Kóngur seldur og á leið útí heim


Hér snjóar og rignir til skiptis.
Ekki gaman að vera útigangur í svona veðri og kítlar mig að fara að taka inn folöldin.

Fyrsta hryssan til að amast yfir sínu afkvæmi er hún Fjalladís (Skjóna mín) og er hann Máni Hróksson sonur hennar orðinn ríflega 8 mánaða og má alveg fara að sleppa spenanum á mömmu sinni.

Ég leyfi hryssunum og folöldunum yfirleitt að njóta samverunnar einsog hægt er en gríp inní um leið og móðirin er farin ð narta í og kvarta við afkvæmið í drekkutímanum.

Ég hef slæma reynslu af því að taka folöldin undan innan við 6 mánaða en þá verða folöldin oft algerlega tryllt og mæðurnar einnig í marga daga.

Sum folöld eru lengi að ná sér eftir slíka lífsreynslu að missa af móðurinni og mjólkinni svona snemma og engan veginn tilbúin í að kynnast mannskepnunni.

Kannski er ég bara svona væmin og meyr en td varðandi hvolpa sem fara frá mæðrum sínum of snemma þá fer það ansi oft illa.

Um 8 vikna aldurinn eru þeir rétt búnir að læra td um bitkraftinn en mæður þeirra hika ekki við að siða þá til ef þeir bíta of fast.

Það er himinn og haf að fá uppí hendurnar hvolp sem kann að "bíta"og er siðaður af móður sinni og hvolp sem hreinlega notar allann kraft í bitið og skaðar mann jafnvel með litlu flugbeittu tönnunum sínum án þess að skilja að það er óásættanleg hegðun.

Ég er að finna mikinn mun á folöldum sem eru tekin undan síðar og þau eru yfirleitt miklu auðveldari í allri meðhöndlun og ekki eins voðalega stygg og vitlaus og þau sem yngri eru og hafa ekki fengið að njóta móður sinnar framyfir 6 mánaða aldurinn.

Kóngur Hróksson er seldur og heldur á vit nýrra ævintýra í næsta mánuði og er förinni heitið til Þýskalands.

Ég er búin að snurfusa hann og punta og dúlla við kallinn og núna þarf ég bara að fá dýra til að koma og skaufahreinsa og yfirfara tennur og þá er hann tilbúinn í áframhaldandi tamningu hjá nýjum eiganda.

18.02.2012 01:32

Meira kindastúss


Hér gengur allt sinn vanagang,búið að flokka kindur eftir fósturtalninguna og þrílemburnar komnar saman 6 að tölu í stóra rúmgóða stíu og fá hey að vild og svo er verið að gauka aðeins að þeim ærkögglum,byggi,brauði og svo hafa þær aðgang að vítmínstampi og auðvitað saltsteini.


Brynja Beauty,Bondína og Fröken Óþolinmóð þrjár af þribbunum.

Sibba Gibba er nú alveg spes.

Hún er sjálf þrílembingur,var þrílemd í fyrra og aftur þrílembd í ár.
Það er eins gott að hygla einhverju góðgætinu í hana svo að hún ráði nú við þetta allt saman.


Mynd tekin 24 Jan fyrir uppstokkunina:)

Einlembur og tvílemdur eru saman og fá nóg af heyi en sleppa ærkögglunum og bygginu góða en fá brauð af og til ásamt salti og vítamíni.


Hermína fremst tilbúin að fara inn en er altaf síðust út frá garðanum góða:)

Þær fá að vera útí rúllu þegar að þannig viðrar en veður hefur nú ekki verið hagstætt fyrir dömurnar að vera úti eða það gerir hún okkur ljóst hún Hermína sem að stendur við hurðina og bankar viðstöðulaust með framfæti og hættir ekki fyrren við opnum og hleypum þeim inn.

Hrútunum fækkaði um einn í dag en hann Kraftur Raftson fór til feðra sinna.

Rúningskapparnir í fyrra.

Núna bíður maður bara spenntur eftir næsta viðburði í fjárhúsinu en von er á rúningsmönnunum að austan í kringum næstu mánaðarmót.


Þeir voru ekki lengi að svipta ullinni af fénu hér í fyrra og flokkuðu hana meira að segja í poka og get ég ekki annað en hrósað þeim fyrir fagleg vinnubrögð og hlakkar til að fá þá hingað aftur.

En ullin er aftur orðin verðmæti og fengum við gott verð fyrir hana en ullin er líklega að borga stórann hluta af lyfjakostnaðinum við féð og það er bara frábært.

Seint fær maður þó eitthvað fyrir vinnuna við stússið í kringum þær blessaðar en er ekki sagt að vinnan göfgi manninn:)


Losti Toppson ullarklæðskiptingur

Hann er alveg að týna ullinni sinni og bíður spenntur eftir því að losna við ullina sem að smá saman er að detta af honum.

Busla mín situr þolinmóð inná kaffistofu á meðan við erum í gengingunum.

Við Busla erum að verða gamlar og förum hægar yfir þessa dagana.
Reyndar fékk kallinn minn snjalla hugmynd í dag en ég var að leita að svampi eða einhverju til að setja undir hælinn í skóinn minn svo ég geti nú labbað meira en nokkur hundruð metra á dag vegna líklegs hælspora (bíð eftir símtali frá doksa um niðurstöðu úr röntgen:) en hann fann þennan flotta hnépúða sem við skárum til og bjuggum til hæl innlegg og ég bara æddi áfram stjórnlaust í dag og lá við að hann yrði að kalla út hjálparsveitina til að stoppa mig af!

Munurinn var rosalegur!

Þegar að við komum heim í kvöld þá leið mér einsog ég hefði ekki farið úr húsi í dag svo góð var ég í fætinum.
Auðvitað varð ég smá hölt en ekki draghölt en stundum langar mig til að finna staf og labba einsog hann House í læknaþáttunum.
Núna kvíður mig ekki fyrir morgundeginum eins og hefur verið undanfarið heldur hlakkar til að geta ætt um að vild án þess að löppin stoppi mig af.



09.02.2012 14:33

Fósturtalningin 4 Febrúar



Fósturtalningin kom vel út og ef hún stenst einsog í fyrra 100% þá eru 2.06 lamb á hverja fengna á.


Þrílembur voru 2 í fyrra en 6 í ár en á móti koma sem betur fer einlembur og eins gott að mér takist að venja undir þær því þó að heimalningar geti verið skemmtilegir þá eru þeir gríðarlega dýrir á fóðrum.

Það voru jafnmargar þrílembur og tvílembur og svo aðeins færri einlembur.

Kraftur Raftson var ekki að gera sig en hann fékk 5 kindur og allar tómar eftir hann.

Toppur hinsvegar týndi þær upp og setti í þær allar.

Toppur og Losti Toppsson eiga öll lömbin í ár og stóðu sig bara vel.

3 kindur eru vafamál með en sónarinn sér ekki hvort er í þeim því að Toppur var í hópnum framyfir miðjann janúar.

Og þarsem Toppur þurfti að týna upp kindurnar eftir hina hrútana var nóg að gera hjá kalli og ekki hefur honum leiðst það:)

Ég á uppáhalds ræktunarlínu og er það hún Karen gamla sem hefur ávalt verið tvílemb annað árið og þrílembd hitt en í fyrra kom hún með eitt (voru tvö fóstur í henni annað dautt) og í ár er hún að koma með eitt lamb svona í restina en Karen átti að fara í haust en það var hreinlega ekki pláss fyrir hana í kistunni.

Það lamb verður eflaust sett á hvort sem það verður hrútur eða gimbur.

Mjólkurlagnin,frjósemin,móðureiginleikarnir ásamt gríðarlega góðri grind er eitthvað sem ég er að leitast eftir.

Það bara þarf ekki að hjálpa þessum kindum að bera,lömbin koma í heiminn stór og stæðileg.

Núna eigum við undan Karen þær Brynju Beauty,Sibbu Gibbu (Flankadætur) og Hebu Toppsdóttur.

Sibba Gibba er þrílembingur og átti þrílembinga í fyrra (aftur í ár) og setti ég á hrút undan henni hann Losta Toppson og var hann að setja í eina kind þrílembinga.

Losti vóg tæp 50 kg um haustið á fæti og stigaðist uppá 82 stig og er þetta hörku lambhrútur og ef eitthvað er þá er hann í harðari kantinum við kindurnar og engin lognmolla þegar að verið er að nota hann á fengitíma.

Nú svo eru það fréttirnar af honum Steingrími Lævísa!

Hvað haldið þið af kauði hafi verið búinn að gera af sér........!

Hann var með gimbrunum enda átti hann að vera gimbur,mín mistök en ekki hans:)

Ég tók að mér að geyma tvær voða flott dæmdar gimbrar fyrir vinafólk okkar og var ég tilbúin með afsökunarræðuna sónardaginn en sem betur fer var ekkert í þeim.

Nú af mínum þremur gimbrum var niðurstaðan þessi:

Heba fína stóra gimbrin mín er með 2 lömbum.
Nr.28 er með 1 lambi
Nr.008 er sem betur fer tóm!

Ég er ánægð yfir því að fá fullt af lömbum í vor en þetta er nú ekki búið og allur sauðburður eftir.

Það er alveg frábært að geta skoðað í pakkana svona tímanlega til að geta hyglað þrílembunum og dregið úr fóðri hjá einlembunum en þær eiga nú ekki alveg að standa í heyi upp fyrir haus og mega draga andann á milli gjafa.

Nú svo verður sauðburðurinn þægilegri í ár en þetta eru tvö holl þannig að það verður smá hvíld á milli og gott að geta rýmt til fyrir seinna hollinu ef að veður verður gott fyrir fyrra holl að vera úti.

Nú ég hef svosem nægt húspláss til að hýsa kindur með eldri lömbum ef vorið verður með derring.

Næsti atburður í fjárhúsinu er rúningurinn en rúningsmennirnri mínir koma í næsta mánuði og þá verður sko tekið vel á móti þeim:)

Þeir voru svo ánægðir með móttökurnar í fyrra og allar kökurnar að þeir voru að gantast með það að byrja hér:)

Það er alltaf eitthvað skemmtilegt að ske í kindadagatalinu og varla sá mánuður sem ekki er eitthvað í vændum.

Krossum putta að vorið verði gott og leggst þetta ár rosalega vel í mig.



Um mig

Nafn:

Ingibjörg Rannveig Ingólfsdóttir (Ransý)

Farsími:

869-8192

Afmælisdagur:

25 Júlí

Heimilisfang:

Ásgarði

Staðsetning:

250 Garði

Heimasími:

422-7363

Um:

Ég er með hestabakteríuna ógerlegu einsog svo margir aðrir.Náði mér í bónda og fór að búa með honum Hebba mínum í Ásgarði 1998.Muna að kvitta í gestabókina!Njóttu.

Kennitala:

250766-4839

Bankanúmer:

0157-05-400339

Tenglar

Fána teljari

free counters

Eldra efni

Flettingar í dag: 446
Gestir í dag: 24
Flettingar í gær: 284
Gestir í gær: 41
Samtals flettingar: 502526
Samtals gestir: 55219
Tölur uppfærðar: 7.2.2025 22:42:27