Kjarkur og Glampadísin að maula í sig kögglana sína í kvöld.
Það er aldeilis að ég er búin að áorka í Desember.
Ég er nefnilega korterí manneskja (oft korter yfir:) en nú hef ég snúið vörn sókn heldur betur.
Það sem ég er að montast með er að ég er búin að skila inn öllum stóðhestaskýrslum,láta örmerkja öll folöldin og í dag kom Gísli dýralæknir og tók dna sýni úr þeim.
Búin að láta sprauta gimbrarnar í leiðinni við Garnaveiki og hundana við Parvó og ormahreinsa þá.
Hvað á ég eiginlega að gera eftir áramótin 
?
Nei.................segi nú bara svona.
Á morgun verður sett vel af rúllum út fyrir útiganginn því södd hross eru alltaf rólegri gagnvart flugeldaprumpinu sem stundum heyrist hingað.
Við höfum verið heppin öll okkar ár hvað varðar vindátt á Gamlárskvöld en stundum hefur lyngt (á Suðurnesjunum!!!:)og þá heyrast lætin hér um alla haga en hrossin eru ekkert að spenna sig upp við það.
Ég hef ljós um nóttina bæði í hesthúsinu og kanínusalnum og útvarpið aðeins hærra stillt.
Krossa svo puttana og vona að allir verðir stilltir og prúðir meðan að tvífætlurnar fara hamförum í púðurreyk og svælu.
Það er nú alveg makalaus dýrtategund og uppátækjasöm.
Fariði varlega þarna úti og góða skemmtun annað kvöld:)
Viðbót á Gamlársdag:
Þakka ykkur öllum fyrir allt á liðnu ári elskurnar mínar 
!
Gerum árið 2010 að árinu sem við munum minnast sem upprisu eftir þessi skakkaföll og lítum björtum augum framá við.
Við erum stoltir íslendingar og höfum áður þurft að taka á honum stóra okkar og gerum það með stæl!
Skemmtið ykkur vel og varlega í kvöld 
Drekkum í hófi svo við lítum ekki svona út 
Nema við viljum bara vera þannig....... hehehe 
Og munum.......við erum öll langflottust!
Gleðilegt nýtt ár frá Ransý,Hebba og öllum dýrunum í Ásgarðinum.
