Hamsagerð og lifrarpylsa

Flottur dagur í dag,fengum góða gesti og svo fór kallinn út í gjafir og að kíkja aðeins á bílinn en hann er á leið í skoðun á morgun.

Ég er í inniverkum í dag og svona rétt fyrir sauðburð er nú ekki amalegt að skella sér í sláturgerð og hamsatilbúing.
Ég átti svo mikið eftir af lifur og hömsum að ég ákvað að drífa bara allt saman uppúr kistunni og er að dunda við þetta í dag og í kvöld.

Í gær fengum við góða gesti en systur hans Hebba komu í kaffi,alltaf gaman að spjalla við þær um heima og geima.

Evra frá Stað vorið 2011

Sauðburður hefst um mánaðarmótin en ég ætla að byrja að vakta kindurnar 1 maí en þá gæti hún Evra átt það til að bera.
Hún er gjörn á að ganga með í 139 daga þannig að allur er varinn góður.

Written by Ransý

Permanent link

Add comment

Show comments

25.04.2013 16:27

Kindurnar viku fyrir burð að borða bygg:)

https://docs.google.com/file/d/0BxhXCL8FNasOb1dMNDVVWjBweTA/edit

Þeim leiðist nú ekkert kindunum að fá Byggið góða sem hingað er pantað frá honum Svan í Dalsmynni en reyndar er það ætlað nínunum en bæði kindur og fuglar fá líka.
Allir að deila og vera vinir:)