http://asgardur.123.is/ is Sun, 19 Apr 2026 00:00:00 GMT Sun, 19 Apr 2026 18:28:47 GMT www.123.is http://asgardur.123.is/blog/record/816038/ Bárður og Boldungur fengu að hitta dömurnar sínar 5 Desember og spreyta sig í ástarmálunum. Boldungur var með 12 kindur hjá sér og Bárður fékk 6 kindur. Ég fylgdist vel með og fljótlega kom í ljós að Bárður var ekki beint ánægður og lét skap sitt bitna á þremur af sínum sex kindum þannig að ég hleypti þeim út í rúllu með aðgengi að skjólhúsi ef þau vildu. Mig var farið að gruna að eitthvað væri að trufla Bárð og hringdi í vin sem kom skjótt ásamt öðrum manni. Hrúturinn var gripinn og hann settur á rassgatið og nú skildi skoða “græjurnar” undir honum. Og viti menn og konur! Hrút ræfillinn var með svokallaðan brundorm og gat ekki almennilega sinnt sínum skyldum því hann fann svo til. Og hann kenndi auðvitað dömunum um þetta og tuskaði þær til. Við ákáðum að klippa þennan orm í burtu í von um að hrúturinn gæti sinnt sínum skyldum her á bæ. Af Boldungi nýja ARR hrútnum okkar er að segja hann var óskaplega duglegur að sinna kindunum. Var auðvitað svolítið klaufalegur í byrjun en svo kom þetta hjá honum. Verst hvað þær kæfðu hann nokkrar úr áhuga enda samstilltar þannig að eitthvað gæti hafa gengið upp hjá honum. Thu, 26 Dec 2024 18:13:00 GMT http://asgardur.123.is/blog/record/814331/ Nú er þessi höfðingi fallinn 25 vetra gamall . Hann fékk hvíldina sína í októberlok saddur lífdaga en enn í fullu fjöri. Það er alltaf gaman þegar að maður fær svona grip uppí hendurnar en ég keypti Hrók þegar að hann var 6 mánaða folald. Fyrir átti ég bróðir hans sammæðra Biskup frá Gíslabæ sem var með betri reiðhestum sem ég hef kynnst um ævina. Það kom svo í ljós að Hrókur var rólegri týpan en Biskup bróðir sem var alltaf öskuviljugur þó hann tæki ekki í taum. Hrókur var svona meiri týpa fyrir alla fjöslkylduna,barnið,foreldrana og ömmu og afa. Hann á afkvæmi víðsvegar um heiminn sem hafa glatt marga og gaman að fá fréttir af þeim reglulega. Ég mun fá að sjá hans síðustu afkvæmi koma í heiminn í vor. Það verður skrítið að hafa engan Hrók til að hleypa til meranna í kringum 1 Júni á næsta ári. Hann var vanur að láta mig vita með hegðun sinni að klukkan hans væri að verða 1 júní og það væri tímabært að opna hliðið niður á bakka þarsem hann eyddi sumrinu með dömunum sínum. Hann fylgdist grannt með ef hestakerra mætti á hlaðið og vafði sig allan upp því von gæti verið að gestahryssa væri í henni. Ávallt tók hann vel á móti hryssum í hólfið sama þó bætt væri á hann um mitt sunar. Svona hestar eru alveg einstakir í lund. Takk fyrir allt Hrókur minn,hittumst síðar hinumegin við regnbogabrúna Sat, 23 Dec 2023 16:40:00 GMT http://asgardur.123.is/blog/record/812622/ Áramótin hér á bæ voru róleg enda við bara tvö í kotinu. Við gáfum öllum vel í gær og skildum eftir ljós í fjárhúsinu svo kindurnar yrðu síður varar við flugeldana og lætin ef einhver yrðu. Hér er enn mikill snjór og fýkur hann jafnaharðann í skafla aftur og hefst varla undan að moka. Nú er Steinar á Hólabrekku búinn að koma hingað fjórum sinnum og moka til að við getum gengt skepnum hér á bæ! Þar áður kom Tryggvi líka og mokaði. Þessi vetur verður eitthvað ef fer ekki að hlýna aðeins svo eitthvað af þessum snjó bráðni aðeins niður. Sun, 01 Jan 2023 16:11:00 GMT http://asgardur.123.is/blog/record/812199/ Tvö af þremur folöldum fæddum í ár eru seld. Við höfum verið ansi heppin með kaupendur að folöldunum og kaupendurnir svo ánægðir með gripina að þeir hafa viljað ná sér í fleiri gripi hér á bæ. Hrókur er auðvitað afskaplega ánægður með þetta allt saman enda á hann orðið afkvæmi víðs vega um heiminn. Hann varð 24 vetra síðastliðið vor og enn er hann að fylja blessaður en ég finn það á honum að hann er farinn að reskjast og róast mikið. Þessar þrjár merar sem við eigum og eru í folaldseign duga honum vel en hann slær nú ekki hófnum á móti einni og einni gestahryssu samt sem áður. Ef hestakerra keyrir hér í hlaðið þá spennist sá gamli upp og er hann alveg viss um að það sé von á hryssu til sín. Þessir gömlu eru ekki svo vitlausir! Jarpa hestfolaldið er selt/sold Faðir Hrókur frá Gíslabæ Móðir Rák frá Ásgarði Bleikskjótt merfoald selt/sold Faðir Hrókur Gíslabæ Móðir Lotning frá Ásgarði Sat, 01 Oct 2022 21:51:00 GMT http://asgardur.123.is/blog/record/812137/ Ég hef seint verið talin montin en nú bara verð ég að monta mig. Ég lét gamlan draum rætast og keypti mér flokkunargang fyrir sauðfé. Það verður mikill munur að eiga við kindurnar og lömbin núna en ég er alveg hætt að ráða við að ragast í þeim án harmkvæla og blótsyrða. Ef þær traðka ekki ofaná ristunum á mér á meðan að ég er td að bólusetja ærnar eða flokka þá pissa þær stígvélin mín full! Nú er sá kafli í mínu lífi lokið að ég sé hlandblaut í fæturnar útí fjárhúsi blótandi og bölvandi. Ég sé í anda féð renna inní rögunarganginn möglunarlaust,standa kyrrar og leyfa mér að bólusetja sig og taka á þeim heilsufars tékk án mótmæla. Þetta er sko draumurinn en veruleikinn verður kannski annar. Líklega þurfa þær að læra að renna í gegnum þetta nýja apparat nokkrar ferðir þartil þær samþykkja hann. Fri, 16 Sep 2022 13:06:00 GMT http://asgardur.123.is/blog/record/812096/ Nú er haustið skollið á með öllum sínum verkum framundan. Lömbin blása út í haganum með mæðrum sínum. Sat, 10 Sep 2022 14:47:00 GMT http://asgardur.123.is/blog/record/811490/ Nú er vorið brostið á með sauðburði og meðfram er konan að grúska í matjurtabeðunum sínum. Súlukirsið byrjað að blómstra og eplatréð einnig að mynda knúbba. Eplatréð Súlukirsið Sat, 30 Apr 2022 12:37:00 GMT http://asgardur.123.is/blog/record/810361/ Þá er stuðið hafið í fjárhúsinu en ég sá að tími var kominn til að hleypa Haraldi hárfagra til kindanna.Hann var ekki fyrr kominn inn til þeirra þegar að tvær þustu til hans og buðu honum upp í dans!Hann skiptist á að dansa við þær og fór þetta allt sómasamlega fram.Þetta voru þær Bella símamær og Finka sem voru svona hrifnar af honum Halla en allt annað var uppá teningnum næsta dag.Þá sneru þær bara uppá sig og vildu ekkert með hann hafa.Hann þurfti ekki að bíða lengi því skyndilega kemur hún Bomba Fánadóttir aðvífandi og komin í ballskóna!Þau dönsuðu frammá rauða nótt eða alveg þangað til að bráði af henni dansgleðin og hún sneri uppá snoppuna og vildi ekkert við hann Halla tala meir.Skrítnar þessar kvenkindur hugsaði Halli og lagðist á meltuna og gubbaði upp hverri tuggunni á fætur annari og tuggði hugsi,hvíldi sig svo eftir allt þetta ballstand. Tue, 30 Nov 2021 19:16:18 GMT http://asgardur.123.is/blog/record/810445/ Kindin hennar dóttur minnar var eitthvað skrítin í afturfótum og eftir skoðun þá var ákveðið að hún var ekki á vetur setjandi.Við sáum ekkert athugavert við hana en það var ekki gerandi að hafa hana svona þannig að hún var felld.Þar sem dóttirin er mikil áhugamanneskja er varðar sjálfsbjargar viðleitni þegar að mat kemur þá bað hún um að fá að hantera kindina sína frá A-Ö eftir að hún var felld.Henni tókst vel upp við fláningu og taka innanúr skrokknum með góðum leiðbeiningum frá Hebba.Eftir að skrokkurinn var búinn að hanga í tilsettan tíma þá mættu þær mæðgur og sú litla svaf í stólnum sínum megnið af tímanum sem tók að úrbeina kindina og hakka það sem átti að hakka.Er stolt af dóttur minni því þetta er nokkuð afrek að bæði flá og taka innanúr fullorðinni kind. Að vanda sig við úrbeiningunaSmá glens Sú stutta í klappliðinu Svo sofnaði hún inná milliSko,þarna stendur að þetta heiti svampar! Sun, 28 Nov 2021 21:28:00 GMT http://asgardur.123.is/blog/record/810327/ Nú eru hænurnar að hrökkva í gang hver á fætur annari.Ég fékk þrjú egg frá þeim í dag.Hanarnir farnir að sinna þeim og gala!Þeir eru fjórir talsins og ætla ég að fækka þeim.Einn verður að öllum líkindum sóttur um helgina ef veður leyfir en hann ætlar að flytja austur fyrir fjall.Tveir hanar eru því að leita sér að heimili og ef ekki finnst heimilið þá bara fer sem fer.Hanalandið verður þá þeirra dvalarstaður framtíðar ef enginn vill fá þá.Þessir tveir eru ólofaðir ef einhver vill fá sér hana.Þær elska að verpa í hálm hreiðrin sínÞessi hæna var sú fyrsta til að hefja varp af ungunum Þessi fallegi hani ætlar að sinna hænum fyrir austan Thu, 25 Nov 2021 23:03:31 GMT http://asgardur.123.is/blog/record/810294/ Gestahryssa að fá kögglana sínaStórgóður dagur í dag!Fengum ungann og frískann mann í að klippa hófa á hrossunum hér á bæ.Hann var alveg eldsnöggur að þessu drengurinn og það sem mér finnst sniðugt við aðferðina hans er að hann vill helst að hrossin séu óbundin meðan að hann klippir hófana.Reyndar eru aðferðirnar svolítið frjálsar líka en það fer eftir því hvaða hross á í hlut hvaða aðferð er notuð.Rauður Röskvu og Hróksson að fá sér ylvolga mjólkinaEin hryssan er svolítið viðkvæmt blóm og þarf ég að standa við hana og ræða öll heimsins mál á meðan að hún fær hófsnyrtingu.Önnur lætur líkt og fáviti en dettur á dúnalogn ef ég stend og moka kögglum í hana svo hún standi nú kjur.Þriðja er alveg agalega þæg og góð og svo er það auðvitað þægasta hrossið í hópnum hann Hrókur gamli enda mikið taminn hestur.Rák með vindóttan Hróksson Maður bara notar þær aðferðir sem virka og þá eru allir sáttir.Þegar að búið var að snyrta alla fætur þá gerði ég svolítið sem ég er á báðum áttum hvort rétt hafi verið að gera.Ég KLIPPTI fax og ennistoppa á merunum og Hrók og nú lítur hann nánast nákvæmlega út og langafi hans Nökkvi frá Hólmi!Hróksafkvæmi undan Lotningu og Röskvu AstródætrumSvo stytti ég taglið á öllum og ormahreinsaði alla og náði einnig að ormahreinsa folöldin þrjú.Síðan gáfum við út rúllur og hleyptum hrossunum út í hólfin sín.Þá var næst á dagskrá að fara í fjárhúsið að gefa skepnunum og athuga hvort einhver kindin væri tilkippileg við hrútana.Engin að ganga í dag og allt í rólegheitum.Við útbjuggum sér stíu fyrir hrútana inni hjá kindunum og núna er gott að geta fylgst með í myndavélakerfinu hvort dömurnar séu að gefa hrútunum hýrt auga.Ég ætla að byrja að hleypa til í kringum 7 Desember cirka.Hænurnar fluttu inní vetraraðstöðuna sína í gær og urðu þær svo þakklátar að ein var búin að verpa eggi í dag.Semsagt nýju 7 mánaða gömlu easter egger ungarnir eru að byrja varp svona rétt fyrir jólin svo konan ætti að geta bakað einsog 12 sortir.......... eða ekki lol! Sat, 20 Nov 2021 21:40:04 GMT http://asgardur.123.is/blog/record/810220/ Féð að renna í rennuna sem leiðir það inní réttinaSkruppum í Bæjarskersrétt í dag en nú var verið að smala fullorðnu kindunum heim en þær fengu að njóta haustsins aðeins lengur uppí hólfi eftir að lömbin voru tekin undan þeim fyrr í haust.Féð leit vel út og var fallegt.Gaman að hitta hina bændurnar og var veðrið ágætt en samt kalt.Læt myndirnar tala sínu máli.Sællegar komu þær úr hólfinuFriðbjörn að leggja mótorfáknum eftir smaliðBjarki og Jón bóndi Falleg fyrirsætaBjarki í réttarstörfumHerbert og Friðbjörn ræða fjármálin í réttunumÞessar rötuðu heim til sín þegar að dilkurinn var opnaður Voru ekki lengi að hlaupa heim ánægðar eftir sumarlanga dvöl útí heiðarhólfinu sínu Fri, 12 Nov 2021 22:41:57 GMT http://asgardur.123.is/blog/record/810213/ Bomba náði að opnaði hliðið og laumaði sér inní burðarstíuna.Gjafadagur í dag,gáfum kindunum rúllu út og settum líka inní fjárhús fyrir hrútana og ungviðið.Hrossin fengu einnig rúllur í sitthvort hólfið.Hrókur er sér með folaldsmerar og svo unghrossin í öðru hólfi.Það vantaði líka rúllu inní hesthús og því var reddað snarlega.Bella og Haraldur HárfagriNú er farið að lifna yfir kindunum en hún Bella símamær varð alveg ær í dag og sá ekkert nema hrútana og reyndi allt hvað hún gat að troða sér inná milli rimlanna til að koma til þeirra.Hún hvorki sá né heyrði í köggla dallinum og þegar að allar kindurnar voru svo settar út þá gerði hún sér lítið fyrir og kom tilbaka á harðahlaupum tilbaka og beint að hrútunum í von um að geta smellt sér í gegnum rimlana.Bella alveg að bilast að bíða eftir jólaballinuKindurnar fengu sauðfjárstamp sem á stendur" Alhliða sauðfjárstampur - sérframleitt fyrir íslenskt sauðfé Hagstætt hlutfall af kalsíum, magnesíum og fosfór Hentar fyrir fé á öllum aldri, allan ársins hring.Uppfyllir steinefna/snefilefna/vítamín þarfir gripanna".Auðvitað gröðguðu þær þessu í sig af mikilli græðgi.Brandugla og Embla að smakka á góðgætinuBlámura og Blástjarna SvansdæturVorum búin snemma í dag og komin aftur heim fyrir myrkur. Thu, 11 Nov 2021 22:14:17 GMT http://asgardur.123.is/blog/record/810207/ Pikkupinn vel hlaðinn af fóðriFórum til RVK eftir fóðri bæði handa skepnum og mönnum í dag.Alltaf sama umferðin þar en allt hefst þetta nú slysalaust fyrir rest.Byrjuðum í Fóðurblöndunni og versluðum fóður handa hænunum,kindunum og hestunum.Næst skutumst við í Lely,alltaf gaman að koma í þangað og skoða,allskonar græjur og dót til matargerðar fyrir mig að sjá.Kallinn var aðalega að skoða græjur fyrir traktorana og einnig að leita að hnalli í "nýju" ruddasláttuvélina okkar.Næst hentumst við í Samhenta í Garðabæ að sækja vörur fyrir Skiphólsbændur en þar á bæ er allt á fullu í undirbúningi fyrir reykingu og vantaði þeim ýmislegt í kringum það.Hvað skildi Ikea geitin fá lengi frið í ár?Enduðum í Costco og fórum vel og vandlega í gegnum allar hillur og rekka.Stappfylltum kerruna af matvælum og ættum við að vera góð í nokkuð margar vikur ef ekki í mánuði.Komum heim þreytt en sátt eftir daginn.Ég henti inní ískápinn því sem þangað þurfti að fara strax en restina geng ég frá á morgun.Maður verður alltaf hálf orkulaus eftir þessar reykjavíkurferðir. Wed, 10 Nov 2021 22:05:19 GMT http://asgardur.123.is/blog/record/810196/ Bjartur Halla Hársson farinn heim til sínNýr eigandi Bjarts kom um daginn og sótti hann.Nú fer að styttast í fengitíð og ég farin að raða niður á blað hvaða hrútur fær hvaða kind.Tíminn alveg hendist áfram og það styttist í maður skutli upp nokkrum jólaseríum enda veitir ekki af í þessu myrkri sem skellur á núna milli klukkan fimm og sex.Ronja farin heim eftir vist í sveitinniRonja er búin að vera hér í pössun á meðan að hún var að lóða.Hún hélt okkur Hebba alveg við efnið,leik og hlaup.Það er alveg endalaus orka í þessari tík og þarf hún mikla hreyfingu.Mest spennandi fannst henni að fara með mér í fjárhúsið að gefa kindunum.Og sérstaklega spennandi að lauma sér inn fyrir og keppast við að stela fóðurbæti kögglum frá þeim.Ingibjörg Aþena að leggja sig eftir sopann sinn í afa hægindastól.Ingibjörg Aþena ömmustelpan okkar blæs út og stækkar og þroskast.Maður sér engann smá mun á henni bara á nokkrum dögum.Hún er farin að babla við okkur afa og er með sínar skoðanir á hlutunum.Vill sinn graut og engar refjar takk fyrir pent!Foreldrarnir mata ungann sinn af miklum móð og pelann á milli.Svo sofnar þessi litla prinsessa alsæl og það heyrist ekkert í henni.Algjört draumabarn og fær mann til að brosa og hlægja enda ræðin með afburðum og skemmtileg . Tue, 09 Nov 2021 22:50:35 GMT http://asgardur.123.is/blog/record/810157/ Mig langaði svo óskaplega í lifrarpylsu og dreif mig í að búa hana til.Þessi gamla uppskrift sem ég nota er alveg frábær og mjög einföld og góð.Setti cirka 300-350 gr í keppina en líklega hefðu þeir alveg þolað 400 gr.Set uppskriftina hér fyrir neðan ef ykkur langar til að prófa hana.1 Lifur1/2 mjólk100 gr haframjöl100 gr heilhveitimjöl250 gr rúgmjöl250 gr mör1 msk salt (gróft eða fínt,val hvers og eins) Ég hakka bæði lifrar og mör saman í kitcenaid hakkavélinni minni.Bæti síðan mjólkinni útí og þurrefnunum og hræri vel.Soppan á að vera það stíf að sleif stendur upprétt í henni.Síðan fylli ég bjúgnapressuna af soppu og dæli henni í tilbúnar vambir sem ég næli svo saman með þartilgerðum slátur nælum. Fri, 05 Nov 2021 17:52:46 GMT http://asgardur.123.is/blog/record/810136/ Í dag voru tilfæringar á skepnum milli hólfa og fyrsti alvöru gjafadagur.Kindurnar fóru upp fyrir veg og í rúllu við fjárhúsið.Voru reyndar búnar að fá tvær rúllur fyrir neðan veg.Hrókur og merarnar ásamt folöldum fluttu sig um hólf og fengu sína fyrstu rúllu en litu ekki við henni heldur fóru beint á kroppið enda nóg sem kindurnar skildu eftir fyrir þau af beit.Trippin voru tekin af bakkahólfinu og upp að hesthúsi á svokallaða Efri Brunnflöt þarsem þau fengu sína rúllu.Það var brunagaddur að okkur fannst í dag og gekk ég frá vatninu og lokaði fyrir úr hesthúsinu og niður á bakka áður en það frysi í slöngunni.Reyndar voru þetta bara 0 gráður en í þessum vindi virkaði það mun kaldara fyrir vikið.Hebbi hélt áfram bambagrindar tað smíðinni og sótti restina af taðinu sem varð eftir í gær.Þá er allt tað komið í hús og í þurrk.Á næstu dögum kippi ég inn ásetnings gimbrunum og fara þær ekkert út fyrren fer að vora og hlýna.Þær eru flesta komnar með nöfn ef ekki allar. Tue, 02 Nov 2021 20:29:02 GMT http://asgardur.123.is/blog/record/810129/ Tók inn hrútana í dag þá Blævar og Halla Hár,þeir eru eitthvað orðnir spenntir og farnir að skoða girðingar og glápa í allar áttir eftir dömum.Ég skil ekki afhverju í ósköpunum það kveiknar svona snemma á hormónunum hjá fénu í ár.Ein kindin hún Fröken Elsa var blæsma 22 Október síðastiliðinn og hrútarnir og hún stunduðu trylltann dans í fjárhúsinu þegar að ég kom um kvöldið í gegningar.Veður hefur verið skrítið hér hjá okkur síðan að gos hófst og frekar dimmt yfir í allt sumar.Lítil sem engin sól og bara ömurlegt veður til ræktunar matjurta sem þurfa mikla birtu.Kannski að það hafi áhrif á féð þetta mikla birtuleysi í sumar/haust og það gangi fyrr?Nú fer að styttast í að reykkofinn fari í gang og ekki seinna vænna að kippa taðinu inn til endanlegrar þurrkunar.Nóg er búið að rigna í það í sumar!Við Hebbi drifum í að keyra heim taðinu í kari og röðuðum því í bambagrindur sem kallinn útbjó.Ansi vel gert hjá honum og það ætti að lofta vel um flögurnar.Settum svo stóra blásarann í gang þannig að hitinn og blástur flýtir mikið fyrir þurrkuninni. Mon, 01 Nov 2021 19:56:22 GMT http://asgardur.123.is/blog/record/810112/ Friðmunda frá MelabergiÉg mátti til að bæta við einni gimbur í fjárhúsið og það í lit.Fékk gefins (mátti ekki borga) þessa fallegu móbotnóttu fegurðardís en hún kemur frá Melabergi.Friðbjörn vinur minn gaf mér hana og er ég himinlifandi með gripinn.Hún er undan Bíld sem kom frá Herdísi Leifs en sá hrútur hefur verið að gefa góð lömb hér á Suðurnesjunum.Móðir hennar er undan Glampa frá Hjarðarfelli sem ég hefði viljað nota meira en hann fór alltof snemma sá hrútur.Ég á einungis eina kind undan honum og er mjólkurlagnin þar mjög góð.Gimbrin fékk nafnið Friðmunda því þeir félagar Friðbjörn og Eymundur lögðu saman genin í þennan grip en Eymundur á Bíld og átti einnig Glampa. Þannig að hún er skírð í höfðuðið á þeim vinunum.Bjartur frá ÁsgarðiBjartur stígahæðsti hrúturinn á bænum í haust fer að fara til nýs eiganda á næstu dögum.Hann er kominn í mútur og farinn að kíkja í kringum sig en veit enn ekki alveg að hverju hann er að leita.Hann á alltof mikið af systrum,frænkum og fleiri skyldmennum hér þannig að við höfum ekki not fyrir hann.Easter Eggert haninn á bænumNú er rólegt í hænsnakofanum og engin egg,vetur genginn í garð hjá hænunum og þær í fríi.Eflaust endar það með að maður þarf að versla sér egg í búðinni en það gerist ekki nema einu sinni á ári sem betur fer.Það er svo mikill munur á þeim eggjum og hænum sem fá að fara út daglega þegar að veður leyfir. Sun, 31 Oct 2021 21:19:14 GMT http://asgardur.123.is/blog/record/810098/ Púrrulaukurinn komin á þurrkgrind Tiltekt í góðurhúsinu stendur enn yfir og tók ég upp laukana og þreif,skar niður og setti í þurrkofninn.Skar þá frekar smátt niður þannig að þeir urðu þurrir á mjög stuttum tíma. Rósakálið er alveg að verða tilbúið til neyslu en ég býð með það aðeins lengur Kryddin komin í merktar krukkur Ég gat ekki á mér setið og gerði fátækrarsúpu sem ég hef ekki smakkað í mörg herrans ár. Við vinkonurnar í gamla daga gerðum þessa súpu ef þröngt var í búi. Það grænmeti sem til var notað í það og það skiptið í hana. Í dag notaði ég það sem ég uppskar úr gróðurhúsinu og matjurtakörunum : Hvítkálshaus Skessujurt Hvítlauk Púrrulauk Vorlauk Avakadó olíu til að steikja grænmetið Mjólk Súpukraft frá Oscar Maizinamjöl til þykkingar eða hveiti ef vill Sat, 30 Oct 2021 20:10:53 GMT http://asgardur.123.is/blog/record/810084/ Ronja aðstoðaði mig við að kíkja undir eitt gras að gamniVið Ronja Rós vorum komnar út í fyrra fallinu og hleyptum út hænunum,kíktum á lambhrútana sem nú eru reyndar orðnir að sauðum eftir að þeir voru geltir um daginn.Hólý Mólý og Litli Valur eru hinir hressustu og virðast ekki muna eftir neinu enda voru þeir steinsofandi á meðan á þessum aðgerðum stóð.Eftir að við vorum búnar í morgunverkunum fórum við í að gera klárt fyrir flutninginn á gróðuhúsinu en ég fékk þá hugmynd að drífa í að rífa út gömlu hellurnar og dýpka það aðeins og láta helluleggja uppá nýtt allt gólfið með stórum gangstéttarhellum sem við eigum.Gamla hellulögnin er orðin svo sigin og leiðinleg og núna höfum við góðan tíma í að gera þetta.Næst æddum við Ronja niður í matjurtakörin niður við hesthús og gróf ég upp kirsuberjatréð mitt af tegundinni Sunburst en hún fær engann frið þar utandyra fyrir vindi og veðrum auk þess sem fuglarnir náðu þessum örfáu kirsuberjum sem komu í haust.mér tókst að drösla því uppá pikkupinn og inn útfrá þarsem hebbi og Boggi gerðu fyrir mig snilldarinnar gróðuhús þarsem ég fæ frið fyrir öllu veðri inni við með plönturnar mínar.Þar kom ég trénu í stóran stamp og vökvaði svo vel.Ég var svo heppin að fá gefins kirsuberjatré um daginn sem kallast "Sætsúlukirsi "Helena" og standa þessi tvö núna hlið við hlið í sitthvorum stampinum.Eldaði snemma,lax með kartöflum og miklu smjöri! Thu, 28 Oct 2021 20:19:07 GMT http://asgardur.123.is/blog/record/810067/ Þá er búið að saga dilkana og koma þeim ofaní kistu fyrir veturinn.Við ákváðum í ár að saga allt alveg niður þannig að engar stórsteikur verða í ár enda erum við bara tvö í heimili.Lærin fóru því öll í lærisneiðar,hryggirnir í einrifjur og frampartarnir í grillsneiðar og súpukjötsbita og bitasteik/togarasteik.Grillsneiðarnar voru forkryddaðar með hvítlaukskryddi sem keypt var hjá Samhentum Garðabæ.Af fullorðnu tókum við lundir og file sér sem við kryddum með heimaræktuðu timian og rósmarín.Restin var hökkuð og hluti af hakkinu breyttist í hamborgara sem gott er að grípa á þegar að mikið liggur við.Dóttirin gerði það gott og breytti slögunum í dýrindis rúllupylsur og einnig hakkaði hún þau niður og forsteikti bollur sem hún frysti svo. Wed, 27 Oct 2021 22:53:46 GMT http://asgardur.123.is/blog/record/810051/ Ég gafst upp,saknaði ykkar allra hérna megin og opnaði þessa gömlu síðu aftur.En ég mun reyna að verða duglegri,lofa! Mon, 25 Oct 2021 00:14:53 GMT http://asgardur.123.is/blog/record/807772/ Það kom að því að ég fyndi góða lausn varðandi nýja heimasíðu.Gjörið svo vel að kíkja á þá nýju.Þessi síða lokar um miðjan Febrúar!Hér er sú nýja :https://asgardurinn.wordpress.com/ Sat, 30 Jan 2021 18:59:18 GMT http://asgardur.123.is/blog/record/807094/ Það er aldeilis að góðir hlutir gerast hægt hjá manni.Lítið sem ekkert að gerast á nýju síðunni sem ég startaði fyrir tæpu ári síðan en aftur á móti þá eru heimsóknir inná þessa síðu alveg merkilega margar á hverjum sólahring.Ætla að athuga hvort ég nenni ekki að pikka hér inn eitthvað af og til og jafnvel birta myndir ef hægt er en þessi síða virðist vera að missa einhvern mátt og erfitt að koma myndum inn og ef þær koma inn þá stundum hverfa þær.Takk fyrir að líta hér inn þó ég sé ekki að standa mig varðandi bloggið gott fólk. Sat, 21 Nov 2020 16:28:56 GMT http://asgardur.123.is/blog/record/801558/ Tvíreykt hangilæri frá SkiphólsbændumÞað er aldeilis að tíminn flýgur,komin jól og haustverkunum nánast lokið.Enn er verið að reykja bjúgu,hangirúllur,læri og bóga í nýja reykkofanum hér á bæ.Þetta er samstarfs verkefni þriggja bæja,Ásgarðs,Hólabrekku og Skiphóls.Reyndar er Skiphóllinn einnig með sinn eigin reykkofa þannig að hér er mikið reykt.Ég nældi mér í flensu stuttu fyrir jólin,kvefpest sem var við það að enda sem lungnabólga en ég á svo yndislegann lækni sem að skrifaði uppá fyrir mig sterkt pensillin sem ég má leysa út ef ég er að fá lungnabólgu.Fjórum dögum fyrir jól fann ég að varð að láta leysa út fyrir mig pensillínið góða sem eru 3 rótsterkar töflur.Auðvitað svínvirkaði það og ég komst til RVK á Þorlák með Hebba mínum til að versla inn gjafir,mat og kíkja á Þóru og Kalla.Það er alltaf svo mikill jólafílingur að kíkja á þau og spjalla yfir drykk og góðgerðum.Þessi jól voru fín þó ég hafi verið hálf orkulaus en ég komst í föt og eldaði aligæs með alles en krakkarnir komu frá Skiphól og Krissan mín aðstoðaði mig við restina á eldamennskunni.Eftir matinn er hefð að ganga frá í eldhúsinu og lesa síðan á jólakortin en Krissa hefur lesið þau hin síðari ár.Núna brá svo við að aðeins eitt jólakort kom en flestir eru farnir að senda sínar kveðjur á internetinu.Takk fyrir jólakortið Magga mín,góðar kveðjur tilbaka.Síðan voru opnaðar jólagjafir sem vöktu mikla lukku eins og endranær.Næst horfðum við saman á skemmtilega grínmynd og fengum okkur ís.Hebbi hafði keypt vinettuna (ísterta) góðu og hér var líka tobleron ís sem að Siggi besti frændi ásamt sonum kom óvænt með um daginn!Ísinn frá frænda sló rækilega í gegn hjá okkur öllum og nú þarf ég að suða út uppskriftina af þessum yndislega ís.Óska ykkur öllum gleðilegra jóla og farsæls nýs árs með þökk fyrir það gamla elskurnar mínar.Knús og kossar frá okkur í Ásgarðinum. Wed, 25 Dec 2019 18:29:57 GMT http://asgardur.123.is/blog/record/799734/ SELD/SOLD IS2017225860 Framtíð frá Ásgarði Fleiri myndir af Framtíð í albúmi/More pictures click HÉR Sun, 13 Oct 2019 16:29:00 GMT http://asgardur.123.is/blog/record/792707/ Það kom að því að ég tók til og henti út þeim síðum sem eru löngu útrunnar eða ekki búnar að vera virkar svo árum skiptir.Það væri gaman að fá inn linka að síðum sem eru virkar svo ég geti sett hér inn.Það frískar verulega uppá síðuna hjá mér en ég var farin að sakna þess að vafra hér á milli heimasíða og skoða hvað þið hin eruð að bardúsa.Endilega hendið á mig pósti eða skilaboðum ef þið viljið að ég setji inn heimasíðurnar ykkar elskurnar mínar. Fri, 08 Mar 2019 18:32:59 GMT http://asgardur.123.is/blog/record/781366/ Sæl og blessuð öllsömul. Ég hef ekki bloggað hér inn í óratíma og stæðsta ástæðan er bloggleti minni um að kenna. Það tekur hreinlega alltof langann tíma að koma myndum hingað inn og síðan er svo hæg að ég er að hugsa um að skipta um síðu og útbúa nýja síðu. Er að prófa þessa síðu hér fyrir neðan þessa dagana ef þið viljið kíkja þar inn elskurnar mínar. http://asgardurinn.simplesite.com/ Fri, 20 Jul 2018 22:53:04 GMT http://asgardur.123.is/blog/record/761164/ BrauðkindNú er enn ein dellan búin að grípa mig og það er súrdeigsbrauðgerðar dellan.Ég fékk súrdeigsmóður hjá góðri konu og í gær eignaðist ég keramik disk sem er í raun pizzasteinn en með honum fylgdi pizzahnífur og risastór spaði sem mér datt í hug að væri frekar til að rasskella óþekka krakka eða einhvern sem óþekkur er.Nú ég smellti mér í gær í undirbúninginn og með hjálp you tube og Kitchen Aid hrærivélinni minni varð til þetta flotta brauðdeig sem lyfti sér með látum.Svo var næst að slá það saman aftur og láta það hefa sig á hlýjum og góðum stað yfir nótt.Setja plast fyrir skálina svo að deigið tapaði nú ekki rakanum.Þetta gerði ég svo samviskusamlega að aumingjans brauðdeigið leit út eins og það hefði lent í stórátökum við plastið um nóttina (sem það gerði reyndar) og var það eins og fangi í spennutreyju.Nú ég bar mig bara vel og hélt áfram með þessa deigklessu mína og var nú að reyna að biðja hana afsökunar á þessum mistökum mínum í von um að deigið myndi sína smá líf.Allt kom fyrir ekki en inn fór klessan á nýja fína pizzasteininn og ég krossaði putta og eftir 30 mínútur kom ilmandi brauðið útúr ofninum.Það leit út fyrir að vera afkvæmi einhvers sem hefði átt að verða pizzubotn og brauðhleifs,semsagt mitt á milli,hálfgerður brauð bastarður.En ilmurinn af þessu var góður og mjög stökk skorpa þannig að eitthvað tókst!Svo kom að því að skera pizzubotnahleifinn en líklega hefði vélsög gagnast betur við verkið í stað brauðhnífsins.Ekki tók betra við þegar að tyggja átti herlegheitin.Við hjónin þjösnuðumst við að tyggja og gátum ekki talað neitt við hvort annað á meðan.Stökkt að utan og seigt að innan.Þetta var sannkallað haltukjaftibrauð og við erum enn ekki farin að geta talað saman fyrir harðsperrum í kjálkunum.Framhald á morgun í súrdeigsbakstrinum því ég gefst ekki svona auðveldlega upp sko! Wed, 22 Feb 2017 23:03:49 GMT http://asgardur.123.is/blog/record/761129/ Hebbi minn var ekkert glaður maður í dag þegar að hann kom í fjárhúsið.Við sem skildum svo fallega við allt í gær og allt var svo fínt og ný ilmandi rúlluð opnuð og svo bara var partý í alla nótt!Það gleymdist að loka einu hliði og þær voru ekki lengi að átta sig á því kindurnar og streymdu þær frammá gang og dönsuðu stríðsdans í kringum rúlluna,tættu hana niður og skitu og migu í hana.Trilluðu sér svo inn allan gang og skitu meira og lögðu sig og voru svo ekkert nema brosið og ropið þegar að kallinn kom í fjárhúsið að gæta að þeim.Ekki nóg með það þá voru þær búnar að rífa niður kaðla og dót og dreifa um allt og skoða allt sem nef þeirra náði í dæssssssssss..................Þetta er ekki í fyrsta og líklega síðasta skiptið sem þetta gerist.Jæja,ég þreif og tók til eftir þær og kallinn gaf út tvær rúllur í kindahólfið og svo gáfum við útiganginum líka.Allir sáttir og sælir og við komumst heim á skikkanlegum tíma í fréttir og mat þrátt fyrir ævintýri dagsins í fjárhúsinu.Öll hin dýrin á bænum voru til fyrirmyndar...............skrans...............!Nei nei nei hvaða vitleysa!EnglavængurEndurnar voru reyndar líka með óþekkt,þær hafa verið að koma inn síðustu 3 daga haltrandi og með siginn rass og ekki borðað neitt voðalega vel fóðurskammtinn sinn.Ein kellan lét bera sig inn og það munaði litlu að það þyrfti að bera hana út líka á morgnana.Svo allt í einu kveiknaði á perunni hjá kallinum,hann strunsaði útí gerðið þarsem aligæsirnar fá sitt daglega brauð og viti menn!Endurnar voru búnar að átta sig á leiðinni þangað og átu á sig gat og sér til óbóta.Þær þola illa mikið brauð og þá sérstaklega Pekin endurnar en þær virðast verða haltar og skakkar af of miklu brauðáti blessaðar. Mon, 20 Feb 2017 22:23:00 GMT http://asgardur.123.is/blog/record/761020/ 17 og 18 Febrúar Það var aldeilis gorgeir í mér og dóttlu í gær en við ætluðum sko að renna 130 kílóum af tilbúnu bjúgnahakki í gegnum Hobartinn á núll einni en þegar að 3 klukkutímar voru komnir og við búnar að gera 100 bjúgu þá fór mér að sortna fyrir augum og verða flökurt. Við gleymdum að stoppa í látunum og fá okkur að borða og drekka. Við skelltum í okkur sviðasultu og sólberjadrykk og vola,tvíelfdar!Riddaraliðið mætt með bros á vör. Ég ákvað samt að kalla á riddaraliðið og örfáum mínútum síðar birtust vinir okkar af næsta bæ boðin og búin að aðstoða og kæróinn hennar dóttlu ásamt börnunum sem létu sitt ekki eftir liggja í bjúgna og pylsugerðinni. Hebbi minn sem átti nú að fá að hvíla sig enda mikið búið að mæða á kallinum skellti sér líka í eldhúsið og þá komust ekki mikið fleiri þar inn en margar hendur unnu létt verk.Krissan mín og kæróinn hennar. Ungur nemur gamall temur.En svo smátt og smátt duttu krakkarnir út og steinsofnuðu blessuð enda ekki á hverjum degi sem þau lenda í svona ævintýri að gera bjúgu og pylsur.Pylsugerðin spennandi! Ég frétti það í dag að þeim hlakkaði mikið til þegar að næsti hestur í Ásgarði dytti niður dauður! Tek það fram að þessi fékk hjálp við það lol!Smá grín í gangi með stóra "bjúgað"!Dóttlan með fyrstu heimagerðu pylsuna sína. Við fullorðna fólkið héldum áfram fram á rauða nótt og kláruðum verkið. Bjúgun fóru svo öll í reyk í dag og verða reykt næstu daga og svo verður eitt tekið heim og prófað og í framhaldinu ákveðið hvort reykja eigi lengur. Svo er það bara að vacumpakka þeim og ofaní kistu. Dagurinn í dag fór í að þrífa almennilega eldhúsið og skúra gólf og skrúbba allt hátt og lágt. Nágranna konan kom yfir og við umpottuðum á blómum enda vorið að banka á dyrnar þrátt fyrir að miður Febrúar sé. Eldaði og bakaði eina eplaköku og ætla að þeyta rjóma og setja aukreitis jarðaber oná,við eigum smá dekur skilið eftir þetta hörkupúl allt saman! Takk alveg endalaust öll sem komuð og hjálpuðu okkur í gær/nótt ! Sun, 19 Feb 2017 21:58:03 GMT http://asgardur.123.is/blog/record/765218/ Nóg að gera í sveitinni,ég sá um allar skepnur í dag en kallinn var í steypuvinnu hjá góðum granna. Mjölnir lambhrúturinn sem ég hef haft áhyggjur af eftir slagsmál við Svan og svo var Skúmur að herja á hann líka varð heldur betur montinn í dag þegar að ég hleypti inn öllum kindunum 23 og beinustu leið inní krónna hjá honum. Sá hrökk í gang,hann hentist á eftir dömunum og skoðaði í krók og kima og þreifaði fyrir sér í kvennamálunum og meira að segja prófaði að skreppa á bak við lítinn fögnuð þeirra. Hann hefur ekki viljað skoða neinar dömur í gegnum grindurnar þegar að honum hefur verið hleypt fram á gang og hefur haldið sig til hlés. Mér leist satt að segja ekkert á hann og taldi að hann hefði laskast í hálslið en hann hefur hegðað sér sérkennilega þartil í dag. Jæja,hann er þá í lagi blessaður og kemur til með að virka eftir helgina en þá er kominn tími á dömurnar að fá hrút. Hænur og endur fengu furuflís undir sig og hálm,einnig gimbrarnar og hrútanir hver í sína stíu.Allir fengu matinn sinn og drykkinn sinn og ég var búin að öllu um sexleytið. Kíkti á steypukallana en þeir voru búnir að vera í einhverju brasi og var þetta tóm steypa hjá þeim og vesen. Ég hentist heim að elda oní þá kindabjúgu með alles + sviðasulta á kantinum og grjóni í sparifötum með rjóma takið eftir í eftirrétt. Þeir komu svo inn í mat um níuleytið í kvöld alsælir búnir að hræra nokkrar hrærur og allt gekk vel. Ætla að setja inn myndband af aliöndunum þramma inn í kvöld en mér rétt tókst að furuflísa undir þær og gefa korn í dallana áður en þær komu inn rétt fyrir myrkur einsog þær ávallt gera þessar elskur :) Wed, 07 Dec 2016 15:47:00 GMT http://asgardur.123.is/blog/record/757744/ Hitti Fröken Killer í dag í gegninum mínum og átti hún ekki til orð yfir ósköpunum sem dynja yfir kynsystur hennar og frænkur. Killer spurði mig hvað yrði gert við öll brúneggin sem færu ekki í búðirnar? Ég sagði við hana að vonandi fengju þau að fara inná heimili þar sem þeirra væri þörf því ekkert væri að eggjunum. Kannski myndu umráðamenn eggjanna gefa þau frá sér í stað þess að farga þeim. Það fannst Killer sniðug lausn. Kannski myndu umráðamenn eggjanna jafnvel líða betur í hjartanu ef þeir gerðu það. Killer elti mig á röndum á meðan ég vatnaði,gaf fóður í dallana og bar sag gólfið. Eitthvað brann á gogginum á þessari litlu brúnhænu sem hingað kom eftir mikið blaðaumtal en hún fékk aðeins að kenna á því á forsíðu DV en er nú búin að jafna sig á öllu ljótum kommentunum sem hún fékk. En hvað verður gert við allar brúnhænurnar spurði hún og saug uppí nefið/gogginn og horfði upp til mín. Það var fátt um svör hjá mér,hvað átti ég að segja við þesssa litlu saklausu brúnhænu sem varla skilar eggi hér en skilar bara öðru í staðinn einsog skemmilegum samræðum. Heyrðu Killer mín,ég held að haninn úti hafi fundið eitthvað gómsætt útá haug og hann er alveg ábyggilega að kalla akkúrat nafnið þitt núna! Killer þaut út um leið með stélið sperrt en einn unghaninn hann Aðalsteinn hefur verið að stíga í vænginn við hana síðustu dagana og hún afar spennt fyrir honum þó hún vilji ekki beint viðurkenna það. Wed, 30 Nov 2016 12:35:00 GMT http://asgardur.123.is/blog/record/757743/ Kindurnar og lömbin una sér vel á haustbeitinni,Garðskagaviti í baksýn.Upp og út að vinna,girtum af túnið sem við unnum í vor en merarnar eru að hreinsa upp það sem kindurnar skildu eftir og var óslegið.Vonumst til að geta klárað að vinna þann hluta næsta vor og svo fá merarnar ekki að fara aftur inná tún,þær eiga það til á vissum árstíma að grafa holur og skemma þegar að gróðurinn er að lifna við eldsnemma vors. Veðrið var frábært,logn og sól og við unnum alveg frammí myrkur við að pota niður staurum og setja upp þráðinn,náðum að klára og opna aftur niður á tún. Meranar átta sig á þessu þegar þær rölta aftur niður úr í björtu. Útí kanínuhús að fóðra nínurnar sem blása út af bygginu og höfrunum sem þær fá með heyinu. Hænurnar,aligæsirnar og aliendurnar fá líka korn og eru afar glaðar með það þó aligæsunum finnist gott að fá brauð með líka. Þær eru hrifnar af brauðmeti en allsekki snúðum eða öðru sykurjukki. Gimbrarnar eru að róast og 2 farnar að koma og borða brauð úr hendi en það er hún Lilla litla Höfðingjadóttir sem varð útundan en annar speninn á mömmunni eyðilagðist. Hin sem er ansi frökk og étur brauð hjá mér er hinsvegar stærsta gimbrin í húsinu en það er hún Baugalín Kornelíusardóttir. Semsagt minnsta og stærsta gimbrin eru orðnar brauðspakar á öðrum degi í dekrinu Þetta lofar góð eða...........! Vorum komin heim fyrir fréttir og ég tók smá húsmóður sveiflu og bakaði jólaköku í brauðvélinni,Roomba ryksugaði á meðan ég braut saman þvott,setti í þvottavél og hengdi svo upp.Tók wc-ið og þreif hátt og lágt,nennti ekki að þurrka af enda sé ég ekkert af viti á kvöldin í þessu myrkri. Talandi um myrkur,keyptum meira af þessum yndislegu perum sem lyfta manni upp í skammdeginu! Ég er ekki frá því að ég sé bara miklu aktívari núna en við erum að verða komin með þessar perur á flesta staði og í fyrra voru settar ansi margar upp í kanínusalnum og fjárhúsinu og það er allt annað að vinna þar núna. Mon, 21 Nov 2016 12:28:00 GMT http://asgardur.123.is/blog/record/757742/ Mjölnir með Mjólkurhyrnu móður sinni í SeptemberJæja,fórum í að aðskilja gimbrarnar frá mæðrum sínum og settum mömmurnar útí rúllu. Sumar eru enn að mjólka og eftir smá stund þá fóru kindurnar að týnast úr rúllunni og jarma á hurðinni og nokkrar af gimbrunum inni fóru að hágráta. Lambhrútarnir þeim Svanur,Skúmur og Mjölnir eru farnir að tuskast ansi mikið og slást og um daginn fékk Mjölnir blóðnasir en það lagaðist svo. Í fyrradag þurfti að taka hann frá en hann var hálf vankaður blessaður og greinilega með hausverk,lagðist niður og var slappur en í dag var hann orðinn góður. Gáfum merunum og folöldunum líka rúllu og einnig fengu stóðhestarnir Hrókur og Náttfari sína rúllu. Enn er auð jörð og næg beit með og veðrið alveg dásamlegt. Sun, 20 Nov 2016 12:21:00 GMT http://asgardur.123.is/blog/record/747726/ Gamli Garðskagavitinn fékk ljósakúpulinn sinn aftur í dag en þyrlan TF -Líf setti kollinn á hann og nú lítur hann svo fallega út blessaður.Hef verið löt við að blogga hérna en síðan er þung í vöfum en von er á að 123.is uppfæri kerfið hjá sér og þá verður allt hraðvirkara og nýtt útlit með allskonar spennandi hlutum.Hér er vorverkin á fullu,búið að þrífa útihúsin hátt og lágt,smúla skrúbba og bóna.Erum að vinna í túninu og "stagbæta" eftir hrossin undanfarin ár og gera fínt aftur því að nú á að slá hér heima í fyrsta sinn í mörg mörg ár aftur og hlakka okkur mikið til.Þartil næst,farið varlega elskurnar mínar og eigið góða helgi. Sat, 23 Apr 2016 14:05:58 GMT http://asgardur.123.is/blog/record/761163/ Sat, 19 Mar 2016 22:41:00 GMT http://asgardur.123.is/blog/record/739577/ Falleg kona hún Ingigerður.Við skruppum af bæ og alla leið í Borgarnes en nú vorum við orðin á síðustu stundu með að sjá sýninguna Gleym þeim ei, sem er um sögu fimmtán íslenskra kvenna. Sýningin er hönnuð af Heiði Hörn Hjartardóttur og er sett upp í tilefni af kosningaafmæli kvenna. Sýningin er óvanaleg að því leyti að efniviðurinn í hana kemur frá aðstandendum kvennanna fimmtán: texti, munir og myndir.Amma hans Hebba hún Ingigerður Kristjánsdóttir fékk sinn sess á sýningunni ásamt forláta klukku sem hún átti og var virkilega gaman að sjá og lesa um þessar konur sem hafa átt dagana misjafna í gegnum tíðina bæði gleði og sorg.Sannakallaðar hetjur síns tíma og dugnaðurinn mikill í þeim.Svo drifum við okkur tilbaka og komum við í Bauhaus en það fannst Hebbanum ekki borga sig,urðum einhverjum þúsundköllum fátækari fyrir vikið en ég brosti mínu breiðasta með minn feng sem var ýmislegt smálegt inná baðherbergið.Heim komumst við en það var komin hálka og allir saltbílar landsins á þönum.Drifum okkur í skítagallann og útí dýrahús að gefa.Ég kallaði inn kindurnar og endurnar og allir voru voða fegnir að fá að komast inní hús.Kindurnar voru nýbúnar með rúlluna og endurnar orðnar sársvangar.Ég dreif mig í að ormahreinsa ásetningsgimbrarnar og svo kindurnar og var snögg að því.Þurfti varla hjálp við það svo skipulega fór ég í þetta.Reyndar er ég orðin svo mikið breytt til verka eftir að hafa komist á skjaldkirtilslyfin að líf mitt er rétt að byrja núna!Best að vera ekki of ánægð með sig og montin því það kemur bara í bakið á manni síðar.Það er vaninn!Kallinn fór vel yfir alla fuglana og kanínurnar og við vorum búin í verkunum á einum og hálfum tíma. Thu, 12 Nov 2015 22:41:16 GMT http://asgardur.123.is/blog/record/739571/ Kolla KrákudóttirKölluðum kindurnar heim úr haganum og opnuðum hliðið og yfir veginn streymdu þær og á eftir kellingunni með brauðið og inn í fjárhúsið þarsem meira brauð beið þeirra í garðanum.Það er voðalega þægilegt að eiga svona brauðkindur sem að er hægt að stýra fram og tilbaka með góðgæti í poka eða fötu.En eitt er ég búin að læra að það má aldrei svíkja þær eða plata því þær muna það næst eða þarnæst.Gegna ekki eins vel og geta verið með vesen.En þegar inn var komið og þær búnar að úða í sig góðgerðunum og tuggunni þá tók ég frá ásetningsgimbrarnar og sprautaði með þrívirka bóluefninu.Ein lítil gimbur var þarna sem ég var að furða mig á en hún var ekki skráð í Fjárvís sem ásetningur.Því hringdi ég í vinkonu sem var við tölvu og gat frætt mig á því hvaða gimbur nr 118 væri en það er þrílembingsgimbur sem missti móður sína snemma en naut mjólkur í einhverntíma ásamt systrum sínum.Blúnda móðir þeirra systra fór í afveltu í vor og skildi eftir sig 3 litlar dömur sem ekkert var hægt að tjónka við með pela þannig að ég bara setti þær aftur út uppá von og óvon.Svo fóru þær niður á tún með öllum kindunum og lömbunum og svo bara týndust þær í fjöldanum en þær þroskuðust bara ágætlega og ekkert mikið síður en hin lömbin sem höfðu mæður sínar.Þessi þrílembings gimbur var svo hnellin þó lítil væri í haust að ég kippti henni með að gamni í dóm og stigaðist hún alveg ágætlega miðað við sína móðurlausu ævi.Hún heitir Vala og er undan Blúndu (Bondínudóttur) og Fána (Borðasyni).Svona stigaðist sú stutta: Þungi 33 óm 25 ómfita 2,2 lögun 2.5 h+h 8.0 læri 16.5 ull 7.5 = 32 stig.Sumir hefðu nú ekki birt þennan dóm en ég er montin með þá stuttu og set hana á í vetur og skoða hana næsta haust varðandi framhaldið en nú veltur allt á að fóðra hana vel.Það er eitthvað sem kítlar við að setja þessa á þó smá sé,einhver hvíslaði yfir öxlina á mér að gefa henni séns.Ég á alveg eftir að setja svo inn blogg með hinum ásetnings gimbrunum sem eru með fína dóma en ég er alveg að verða komin þangað sem ég vil með tölurnar.Meira um það seinna. Sun, 08 Nov 2015 21:43:00 GMT http://asgardur.123.is/blog/record/739570/ Gaf kindunum út rúllu,þær eru ennþá inná stóra haganum með aðgengi að Sléttabóli þarsem er gott skjól og rennandi vatn fyrir þær.Mér finnst alveg upplagt að skera göt í rúlluplastið en þá fer minnst til spillis og heyið ést vel upp.Þetta er rúlla nr 2 sem ég gef útí hólf og eru þær 19 að tölu með 9 ásetninglömb.Þær eru í cirka 6-7 daga með rúlluna.Svo setti ég inn rúllu í fjárhúsið en þar eru 11 gimbrar sem bíða þess að fara í stóra ferðalagið alla leið ofaní kistu.Þær ásamt kanínunum eru í cirka 8 daga með rúlluna.Og í augnablikinu eru í kanínusalnum 50 kanínur með ungum.Viku áður þegar að ég gaf fyrstu rúlluna út þá liðu ekki margir klukkutímar þartil ein kindin lá afvelta en það var hún Heba kellingin.Hún horfði bara uppí himininn og beið eftir norðaljósasýningu sýndist mér.Ég reisti hana upp og var hún orðin ansi útblásin og völt á fótunum sínum en fyrsta verkið hennar var að drífa sig í rúlluna og fá sér aðeins meiri tuggu.Ég rak hana aðeins til og lét hana rölta þartil ég sá að hún var komin með gott jafnvægi.Enn rignir og rignir og við að gera okkur vonir um að fá tækifæri til að hreinsa í það minnsta hánna sem endar í útiganginum.Best væri auðvitað að geta hreinsað af því sem eftir er,það lítur betur út og túnin verða auðveldari viðureignar næsta sumar. Thu, 05 Nov 2015 21:11:00 GMT http://asgardur.123.is/blog/record/735233/ Kragi frá MelabergiMelabergsbændur tóku nokkar kindur og lömb inní dag og vigtuðu.Við Hebbi fórum og kíktum í fjárhúsið en þarna var lambhrútur sem ég er búin að vera spennt fyrir en það er alveg orðið tímabært að fara að nota litahrút hér á bæ og leika sér aðeins.Við Gunni tvístégum í kringum hvort annað,hann var að sverma fyrir því hvort ég hefði ekki áhuga og ég að athuga hvort að kauði fengist ekki keyptur.Það endaði með því að við ætlum að hafa skipti og ég fæ hrútinn sem er vel ættaður og rekur sig í Grábotna.Mig er lengi búið að langa í Grábotnagen og ekki skemmir það fyrir að móðir hans Kraga er tvævetlan Þröm sem við Gunni drógum út í sameiningu en þvílíkt risalamb sem hún var fædd og er þetta gríðarlega mikil kind í dag.Þröm með Kraga og svörtu gimbrina sína.Þröm er svo undan kind sem að Friðbjörn á og heitir Lóa sem er undan Korna og er frá Dóra á Bjarnarstöðum.Lömbin eru ansi falleg hjá þeim Melabergsmönnum og gaman að sjá hve væn og flott þau eru.Falleg gimbrin á móti Kraga.Þessi gemlings gimbur er gríðarlega stór og vóg yfir 50 kg 22 Ágúst.Hér er hún með móður sinni Þöll Snæsdóttur sem er keypt frá Hjarðarfelli.Gimbur undan Gulkollu (12-775 Skalladóttir)Gimbur undan Gulkollu (12-775 Skalladóttir)Með mömmu sinni Gulkollu.Mæðgurnar komnar út.Þessi hvíta gimbur er engin smásmíði undan gemsa. Sat, 22 Aug 2015 23:25:09 GMT http://asgardur.123.is/blog/record/734162/ Hér er endalaus blíða,hiti sól en vantar rigninguna til að vökva. Þá er gott að fá sér ferska og kalda melónu í hitanum Silkihænu ungar í öllum regnbogans litum eru enn til á sölulista en þeir erum óðum að tínast að heiman til nýrra hamingjusamra eigenda sinna. Sat, 01 Aug 2015 23:46:18 GMT http://asgardur.123.is/blog/record/731780/ Allt fullt af flottum Silkihænu ungum tilbúnir til að fara að heiman. Komu úr eggjunum í lok Mars 2015. Flottir litir og í ár er mjög mikið af toppskúfum svo þær varla sjá út. Mikið til af gráum ungum sem vöntun var á í fyrra en nú er ég aldeilis búin að laga það til og úrvalið gott. Verið velkomin að kíkja og velja ykkur fallega unga en stykkið kostar 5000-krónur. Nýmalað kaffi á könnunni og heitt kakó fyrir þá sem vilja. Er við flesta daga seinnipartinn en gott að mæla sér mót og hringja með dags fyrirvara eða senda mér skilaboð í gegnum FB. Sumarkveðja Ransý Ásgarði Sími 869-8192 Sun, 14 Jun 2015 19:21:48 GMT http://asgardur.123.is/blog/record/727190/ Matjurtakörin mín 2014.Rakst á nýja síðu um kartöflur en nú fer maður að undirbúa sig og láta kartöfurnar spýra en líklega verð ég að drífa mig fyrst í að taka þær upp því þær eru ennþá ofaní moldinni niður í matjurtakörunum frá því í fyrra.Hér er linkur á Kartöflur.is Thu, 09 Apr 2015 16:51:19 GMT http://asgardur.123.is/blog/record/734168/ Þessi fallega unga snót hún Eldey frá Ásgarði undan Emblu Hróks og Björgfjörð Aðalssyni fór inná Mánagrund fyrir tæpri viku í smá fortamningu til Eygló ömmu. Hún fær hæðstu einkunn fyrir geðslag og er hún hreint út sagt yndislegt trippi. Fljót að læra og dugleg stelpan. Það er alveg nauðsynlegt að forvinna trippin strax á unga aldri því þá verður eftirleikurinn mun auðveldari ef þau kunna grunnreglurnar einsog að teymast og lyfta fótum og að þau séu óhrædd við manninn. Fri, 06 Feb 2015 00:25:00 GMT http://asgardur.123.is/blog/record/734167/ Fósturtalning um helgina og verður spennandi að vita hvort við náum fósturfjöldanum niður í 2 lamb á hverja á eða að það verði einhver einlembd sem hægt verði að venja undir frá þrílembu. Engin einlemba verið síðastliðin tvö ár hjá okkur og er það ekki gott. Gamlar vinkonur sem voru ansi oft þrílemdar voru felldar síðastliðið haust þannig að vonandi að frjósemin minnki við það og engar aðrar fari að taka uppá því að koma með þrjú. Fyrirsætan í dag er tengdasonurinn okkar hann Andrés með Hermínuson í fanginu. Thu, 05 Feb 2015 00:20:00 GMT http://asgardur.123.is/blog/record/734166/ Ég er ekki alveg að nenna þessu veðri og ætla ekki út í dag. Kallinn er búinn að fara einu sinni út og hleypa út öndum og gefa hrossum og kindum. Svo er það seinni ferðin til að setja inn endur og fóðra kanínur og fugla og bæta á hin ef þeim vantar meira í gogginn sinn. Verð inni að dunda mér við að skrá inn kanínu ættfærslur og raða inn númerin á ásetningnum frá árinu 2014. Þvo þvott og ganga frá sápunum mínum og skera niður og dunda mér í heimilisverkunum. Vonandi að rokið fari nú ekki uppí 40 + vindstig einsog um dagin. Sun, 25 Jan 2015 21:11:00 GMT http://asgardur.123.is/blog/record/734163/ Wed, 21 Jan 2015 23:53:00 GMT http://asgardur.123.is/blog/record/720007/ Byrjaði daginn auðvitað á kaffibolla og yfirferð í netheimum.Sauð svo fisk,kartöflur og hitaði hamsa með.Dreif mig svo af stað niður í hesthús því að von var á hrossi hingað og annar að fara til síns heima.Ég skellti upp löngum þræði til að leiðbeina trippadótinu sem styðstu leið inní hesthús og var þetta hin flotta renna og runnu þau beinustu leið inní réttina.Hebbi skrapp yfir á Hólabrekku og gaf rúllu.Þegar að ég var búin að mýla hann Lúxus kallinn þá kom hestakerran úr Grindavík með gestahestinn og sá var drifinn inn og Lúxus drifinn um borð í staðinn og tók þetta alveg ótrúlega stuttan tíma miðað við um daginn þegar að hann Lúxus stóð í þeirri meiningu að hann ætti ekki að yfirgefa okkur hérna í Ásgarðinum og neitaði að fara uppí hestakerruna sem leigð hafði verið undir hann.Þá var að koma nýja hestinum útí stóð en hann átti að fara með trippa og gelddótinu og tók ég hana Rjúpu mína inn honum til halds og traust en hún átti að sjá um að leiða hann réttu leiðina í rólegheitunum eftir að trippin í réttinni voru komin aftur útí rúllu.Ég hleypti trippunum útúr réttinni og taldi að það dygði að hafa hana Súsý litlu með mér til að hotta á þau.Eitthvað hljóp í rassgatið á trippadraslinu sem að tættist á þráðinn með látum og sleit hann og inní réttina ruku þau aftur með töglin flaksandi uppí loftið og fótlyftur svo rosalega að það lá við að þau brytu á sér hökuna af monti!Eftir heilmikinn eltingarleik þá sótti ég písk og lét hvína í en þau dönsuðu bara stríðsdans um allt og léku á mig aftur og aftur.Ég fékk svo hjálp frá lítilli dömu sem þarna var og á endanum rauk hópurinn útí hagan blísperrt og sigri hrósandi yfir því hvað þau voru búin að hreyfa kellinguna sína mikið í dag.Nágrannakonan mín kom svo að ormahreinsa folöldin sín og það var sama loftið í þeim.Þau folöld sem við flokkuðum frá og settum aftur útí rétt með fullorðinni hryssu gerðu sér lítið fyrir og slitu í tætlur hliðið og hlupu niður í leikhólfið svokallaða.Það tók svolitinn tíma að róa niður þessi þrjú sem voru inni en þau eiga að kallast spökust og stilltust af öllum folöldunum en það var ansi mikið loft í þeim til að byrja með.Svo tæklaði eigandinn þau og tantraði og áður en þau vissu af var ormalyfið komið ofaní þau.Næst var að fá sér kaffisopa og með því og gott spjall.Aftur útí kuldann og nú var það að klára verkin útí dýrahúsum.Ég tók hrútana tvo úr þá Fána og Stóra Stubb en nú eru þeir búnir með sitt verk.Þeir voru bara sáttir og röltu á sinn stað og litu ekki á kindurnar þegar að þær fóru aftur útí rúllu.Ég fór extra vel yfir hjá þeim dýrum sem ég sinnti um en það voru gimbrarnar,hrússarnir og kanínurnar.Kallinn sá um allan fiðurfénaðinn.Það er víst að gera snarvitlaust veður og ég er að hugsa um að vera inn á morgun og senda kallinn einan út í verkin en það er auðveldur dagur á morgun í dýrahúsunum. Mon, 19 Jan 2015 00:11:55 GMT