Best að byrja bara aftur gott fólk.........allt sem ég var búin að pikka eyddist út arg.......

Einhver vildi sjá allann kroppinn á nýju merinni minni henni Von en hér er gellan komin upp fyrir veg en þar vorum við hjónin að girða land um daginn sem við eigum en höfum ekki notað hingað til.Það veitti ekki af að bæta því landi við enda með afbrigðum gaman að rækta hross .Ég fékk þær upplýsingar með henni Von að hún sé slysafang og fæddist hún um haust árið sem hitasóttin banvæna geisaði hér um landið.Hún slapp vel enda hugsuðu fyrrum eigendur hennar vel um folaldið og móðurina.Von er undan Streng frá Einholti sem er undan Kolfinni frá Kjarnholtum.Samkvæmt dómi Strengs á merin að geta tölt en brokkið þá að vera síðra.En hún brokkar vel en á bágt með að tölta en þá vill hún skella sér í hliðar saman hliðar .Hér er dómur Strengs:

Aðaleinkunn 7.96 Ég er ekki allskostar sátt við Hrafnagerið sem birtist hérna um daginn og er að byrja að kroppa í okkar fínu flottu rúllustæðu.Ekki nóg með það þá bauð sér einn í mat hér en hann át heilt læri af Gæs sem að hann Hebbi minn skaut fyrir mig og hann var svo lunkinn við að gera þetta þarsem gæsin hékk á snúrustaurnum.Ég fæ kallinn minn yfirleitt til að ná 1-2 Gæsum handa mér í kistuna í staðinn fyrir alla beitina sem þær eru að éta hér upp.Það er algjört lágmark að fá í einsog tvo Sunnudagamata fyrir allt grasið sem þær blessaðar éta hér á haustin.Ein gæs er búin að vera hér í nokkurn tíma en hún er vængbrotin greyið og ætlaði kallinn minn að farga henni um daginn en hún var búin að vera með öndunum okkar í nokkra daga niður við tjörn en viti menn,Gæsin var horfin og einsog jörðin hefði bókstaflega gleypt hana! Við leitum hér um alla haga en fundum hana ekki.En í kvöld þegar að ég fór að huga að hrossunum þá gekk ég framá hana í andatjörninni og var hún hin ánægðasta með Öndunum okkar. Þessir fallegu kanínuungar verða til sölu eftir cirka 3-4 vikur og eru þeir undan Sauðnesvitalæðu og honum Risa frá Ásgarði en hann vegur einn 5 kíló! Það er von á að þessi kríli verði stóð og stæðileg einsog pabbi gamli . Buslufréttir: Busla er búinn að eignast góðan vin sem ætlar að reyna hvað hann getur að hjálpa henni að læknast.Henni bauðst þessi aðstoð óvænt og nú verður allt lagt í sölurnar svo beinið grói saman.Tíkin stígur nefnilega enn ekki í fótinn og finnur til.Við fórum til hans xxx og var tíkin röntgenmynduð og því miður þá er beinið sem var brotið enn ekki gróið.Og því miður þá er þessi seinni stóra aðgerð sem var gerð á tíkinni ekki alveg eins vel heppnuð og maður hélt og vonaði,beinendarnir ná ekki alveg saman en platan og skrúfurnar eru föst og ekkert los á því sem betur fer.Á næstunni verður sett einhverskonar geislar á beinið til að flýta fyrir beinmyndun og verður tíkin líka sett á sérstakt fóður sem á að gera það að verkum að beinvöstur eykst.En tíkin er þolinmóð og fer sér hægt og rólega.Reyndar hreyfir hún sig voðalega lítið,fer lengst niður að hesthúsi með mér einu sinni á dag,hlammar sér þar niður og fylgist með mér labba minn daglega rúnt í hólfin hjá hrossunum.Svo röltir hún þetta í rólegheitum aftur með mér heim þegar að ég er búin að setja aftur rafmagnið á girðingarnar niður í hesthúsi.Hér er þessi elska á sínum feita rassi að bíða eftir kellingunni sinni .

Ohhhhhhhh.............er stæðan okkar ekki flott! Nú líður minni vel,allar rúllurnar komnar heim í stæðu.En hmmmm........hvað haldiði að kallinn minn geri í dag? Fer hann ekki í morgun að slá meira! En hvað um það,kallinn er í stuði og þá er ekkert við því að gera.Hann hafði lofað að hreinsa af tveimur túnum og við það stendur hann.Þannig að á morgun verður maður eina ferðina enn kominn á traktor að rúlla og pakka .Þetta hlýtur að taka enda ekki satt .

Pálmi frá Höfnum seldur!

Ég gleymdi alveg að blogga um daginn en hún Deidrie verslaði sér annað folald hér en hún keypti hann Pálmar frá Höfnum .Til hamingju Deidrie með hann Pálmar!

Svo erum við að fá nýja tegund fugla í Ásgarðinn (okkur vantar svo mikið af fuglum hehehe) en það eru Kalkúnar á leiðinni hingað.Hann Úlfar Finnbjörns Landliðskokkur er að hafa fuglaskipti við okkur enn hann fékk hér hænur í staðinn.Við kíktum í kaffi til Úlla og VÁ" hvað það var gaman að koma til hans! Svo er fólk að tala um að hér hjá okkur sé dýragarður og spennandi að koma! Hann er með geðveikt flotta tjörn í garðinum hjá sér og er hún full af flottum Koi fiskum.Hann er líka með fallegar kanínur,Holdadúfur og fleira og fleira spennandi! Svo var maður leystur út með þessum flottu kryddjurtum (lifandi í pottum) en það hefur alltaf verið draumur hjá mér að klippa sjálf mitt krydd ofaní mína potta .Fræin sem ég hef keypt hafa ekki ennþá náð því marki að komast ofaní potta til að spíra.Það vantar ekki að ég kaupi og kaupi kryddjurtafræ en fræpokarnir lenda iðulega inní skáp.

Þessa myndarlegu meri var ég að eignast en hún átti að fara í hundafrystikistuna fyrir þá sök að vilja ekki tölta.Ég var svo heppin að eigendur hennar voru alveg til í að leyfa mér að eiga hana á fæti og nota hana sem reiðhross eða til að hengja utaná hana trippadótið sem ég er að fara að frumtemja.Mér skilst að hún Von brokki ágætlega,er þæg frá húsi þó ein sé og hið þægilegasta reiðhross nema að hún leggst í skeiðbinding ef á að reyna við töltið.Frábært að hengja utaná hana því hún teymist svo vel.Hún ætti að passa flott á móti Biskup því þau eru svipuð að stærð og bera þá kellinguna vel og lengi.Ég er bara lukkuleg með nýju hryssuna mína og þakka bara pent fyrir mig .

Ég get bara ekki hætt að dáðst að henni Heilladís frá Galtarnesi.Hún er alveg frábær þegar að hún er að gefa báðum folöldunum í einu og ekki sést það á holdafarinu á henni að hún sé að mjólka tveimur! Það er nú samt stutt í að ég setji rúllu hjá henni en í dag setti ég til hennar hana Pamelu og Pálmar litla sem kom svo seint í þennan heim en hann er fæddur 20 Ágúst.Þessar tvær hefðardömur verða í algjöru dekri og fá sérmeðferð.Hinar breddurnar á bænum fá ekki strax rúllur til sín,enda eru þær ungar og frískar og bara með eitt folald hver,snemmköstuð.

Það var einhver að kvarta um að ég setti ekki inn myndir af folaldinu hennar! En þarsem sú manneskja hefur ekki verið dugleg að bera sólarvörn á vissan nábleikann líkamshluta á HEST folaldinu sínu þá er ég ekki viss um að það birtist myndir af hennar folaldi..........."Jú hehehehehehe,ég tók nokkrar myndir af Kónginum í dag í sólinni .

Jæja gott fólk.Nú man ég ekkert hvað ég var að gera undanfarna daga hehehe.Það sem fréttnæmast er finnst mér vera það að við erum að verða búin að keyra öllu heyinu heim.Þökk sé Friðbirni og hans Traktor og stóra heyvagni.Stæðan er alveg fjallmyndarleg og nú er bara á morgun að setja öfluga girðingu umhverfis hana svo ekkert komi nú fyrir.

Þær Sif Hróksdóttir og Von Ögradóttir blása hreinlega út þrátt fyrir að þær séu báðar að drekka úr sömu merinni.Heilladísin mjólkar alveg einsog belja handa þeim tveimur og er hún alveg sátt við fósturdóttur sína hana Von.

Ég var nú meiri kellingin í dag,gleymdi að hafa cameruna á mér og ekkert smá gaman hjá litlu frændsystkinum mínum sem komu að fá að hitta frænku í sveitinni og fara á hestbak.Auðvitað var Biskupinn söðlaður fyrir börnin sem skríktu af gleði og var klárinn burstaður í bak og fyrir áður en hnakkurinn var lagður á.Ég veit"hægann hægann gott fólk..........Biskupinn er alltaf svo góður við börnin þó hann láti einsog kjáni með fullorðna og er hann blessaður erfiðastur í samreið með öðrum hestum.Þið hefðuð átt að sjá litlu stýrin á baki! Fyrst vildi nú frænka ekki sleppa klárnum í réttinni og hafði ég langan taum í klárnum svona fyrstu skrefin.En Biskupinn rölti þetta hring eftir hring og meira að segja fór hann uppá tölt af og til eftir því hvað börnin þorðu.Það endaði með því að 6 manns fóru á bak honum í réttinni í dag en Siggi og Lilja foreldrar krakkanna urðu nú að prófa líka:)) Ég er ekki frá því að Siggi hafi verið farinn að íhuga að selja Mótorfákinn og fá sér grasmótorfák í staðinn hann varð svo hrifinn af klárnum.Deidrie fór líka nokkra hringi en hún hefur ekki farið á hestbak síðan hún lenti í einhverjum leiðindum á klár útí og varð hún víst hálfskelkuð eftir það.Með henni Deidrie voru tveir kanar og drifu þeir sig líka á bak og var ekki laust við þeir væru að smitast af hinni ógurlegu hestabakteríu sem herjar á svo margan manninn:)) Ég er semsagt búin að fyrirgefa honum Biskup mínum lætin í smalinu um daginn,hann er svo indæll í svona dúlluvinnu með krökkum og frábær í tamningar með folöldin og trippin.

Þá er hann Hringur farinn til Sigga Matt og verður gaman að fá að vita hvernig hann kemur út þar en ég ætla að kíkja á þá næsta Föstudag.Það virðist vera alveg brjálað að gera í sölu á hestum,nógu voru margir að prófa og skoða þegar að við komum þangað í gær.Kannski að klárinn finni nýjann eiganda þar,nú ef ekki þá á ég þarna hinn þægilegasta reiðhest,smalahest og skammlausann keppnishest á góðum degi:) Ekki slæm blanda í einum hesti.

Ég átti alveg að segja frá því helsta sem skeði í smalinu en það sem er minnistæðast er FJALLIÐ sem við þurftum að labba yfir! Kræstur hvað það dunaði hjartslátturinn í höfðinu á mér og blóðbragðið í munninum.....dúdda mía! Alltaf þegar að ég labba þarna upp (farið þetta tvisvar hehehe) þá spyr ég sjálfa mig "afhverju í ósköpunum át ég ekki gúrkur og grænmeti eingöngu frá síðasta smali og þessu? Allt er þetta svo gleymt þegar að upp er komið og maður er búinn að dæsa og hvæsa úr sér mesta móðnum hehehehe.EN ég er búin að panta skíðalyftu þarna upp fyrir næsta smal og verð ég bara einsog prinsessa....upp,upp,upp með Biskup brjál í taumi .

Annað er mér afar minnistætt og það eru þessi skærgulu vesti sem löðuðu að manni Hunangsflugur í öllum stærðum og gerðum.Þeim mun stærri sem þær voru þeim mun hraðar reyndi maður að ríða en ein elti mig hálfann Hamradalinn og á endanum þá trylltist ég alveg og stökk af hestinum og tætti af mér vestið með látum! Helv......flugan var á leiðinni uppí mig! Eygló stóð þarna í hláturskasti og fannst þetta bara fyndið.Hún var nú svo almennileg að taka vestið upp með flugunni á og troða því ofaní hnakktöskuna hjá Bogga en þá tók ekki betra við,flugan ætlaði alveg ofaní kok á Eygló og þá var komið að henni að stíga trylltann dans .Hehehehehehe..........þá fattaði ég afhverju þessar heavy ógeðslegur flugur voru alltaf framaní okkur,við vorum báðar að drekka sama drykkinn alveg dísætann sem þær voru svona hrifnar af.Þær (flugurnar)hafa séð okkur sem risastór gul blóm með himneskri Baileys lykt af og haldið að þarna fengju þær sko nóg af hunangi hehehehe.

Svana afmælis"barn",Inga,Jóna og Sæja í heita pottinum í blöðruleik!

Eftir að ég stakk af úr smalinu þá einsog ég var búin að blogga um fórum við í 60 ára afmælið hennar Svönu systur hans Hebba.Þar var nú aldeilis stuð á öllum og var farið í ratleik og var hann Óskar mágur alltaf jafn fundvís á næstu vísbendingar.Þær byrjuðu allar á "farið inn og fáið ykkur einn sjúss"og svo átti að gera eitthvað sniðugt syngja,dansa eða semja ljóð.Það var mikið skrafað og skemmtilegt að njóta samvista við þennan samheldna systkinahóp .

Skelli hér inn skemmtilegum myndum úr afmælinu:))

Dabba treysti sér ekki úti pottinn til hinna systranna enda aldrei að vita hverju þær taka upp hehehehe.Best að vera undir hlýrri sæng og sötra sinn kalda bjór:))

Inga gella OFFELY DRUNK! Eða þannig sko hehehehehehehe.Hún lemur mig!

Auðvitað var svo Brunch að hætti systranna,ekkert smá góð brauðin sem Inga bakaði!

Í dag erum við Hebbi búin að vea óvenjulega dugleg,drifum okkur útí góða veðrið að halda áfram að girða fyrir ofanveg.Við vorum búin að setja niður hornstaurana og styrktarstaurana um daginn þegar að við fengum gröfuna hans Tryggva lánaða og í dag rúlluðum við út vír og settum einangrana á og strekktum hana upp.Það varð smá töf auðvitað en hinir og þessir voru að stoppa okkur og þegar að Hebbi þurfti að sinna sprungnu dekki þá fór ég bara í að girða smá hólf af fyrir Freistinu og Rjúpu sem eru nánast búnar með sína beit.Ég setti líka út Tangó og Ask útí leikhólfið þeirra og þar bitu þeir gras þartil Tangó var orðinn saddur en þá þurfti hann endilega að taka eftir því að hross voru þarna einhverstaðar niðurfrá og þetta skildu sko vera merarnar hans! Hann æddi með girðingunni og hneggjaði og hneggjaði en enginn svaraði honum greyinu.Ég dreif mig bara í að setja þá inn svo Tangó fari nú ekki að missa hold af merarspenningi hehehe.Lömbin fengu líka að dandalast útí góða veðrinu í dag og voru þau hin ánægðustu.Hebba er búið að takast að gera þau að brauðrollum og þarf maður bara að opna hurðina og kalla í þau þá streyma þau inn og fá brauðmola að launum.Bara hið besta mál .

Þá er smalinu þetta árið lokið.Við fengum frábært veður,eiginlega alltof gott veður.Ég er svo þreytt núna að ég ætla bara að pikka smá og fara svo að sofa gott fólk.Ég nefnilega sofnaði ekki fyrren 3:30 aðfaranótt Laugardagsins og vaknaði svo hálftíma á undan klukkunni 5:30 en ég var svo spennt að fara að smala . Ég var komin í hnakkinn klukkan 9:00 og stígin af baki klukkan 16:00 en þá kom Hebbi og sótti mig og brunuðum við austur fyrir fjall í segstugsafmælið hennar Svönu systir Hebba.Auðvitað var maður með aðeins í annari tánni í smalinu og ekkert stopp varð á því fyrir austan en systurnar voru með vel af veigum í veislunni og þegar að klukkan var orðin 1:00 um nóttina þá var mín orðin ansi framlág og þreytt.Þetta var heljarinnar matarveisla einsog þær gerast bestar hjá systrunum,hvað annað .

Ég ætla að setja inn myndir af mér (efst:) á Biskup og "mínum" smölum sem voru Boggi og Eygló.

Boggi á Hervöru og teymir Biskupinn minn.

Eygló á Hring mínum og teymir Vindu sína.Hringur stóð sig einsog hetja í smalinu.Ekki feilpúst hjá honum,Biskup mætti taka hann til fyrirmyndar:)

Ég setti inn nýtt myndaalbúm af smalinu í Grindavíkinni.Endilega kíkið á þær.Ein er nú svo flott af "litla"dekurbossanum mínum honum Biskup en ég stoppði í miðju fjalli til að ná andanum og tók þá eina mynd af honum.Reyndar er ég þarna nýbúin að detta af honum eða öllu heldur henda mér af honum en ég þrumaði honum upp fjallið bæði til að tappa af honum loftinu og látunum en þá altíeinu þegar að hann var kominn þónokkuð hátt upp þá snerist honum hugur í snarbrattanum og ætlaði kauði að snúa við og dúndra sér niður aftur með mig og þarsem ég er með afbrigðum lofthrædd þá lét ég mig fjúka af honum áður en hann náði að steypa sér niður brattann með mig á bakinu! Eina sem ég hugsaði um þegar að ég féll var að missa ekki tauminn!!!! Sem betur fer þá meiddi ég mig ekkert að ráði,pínu marin á herðablaði ekkert sem grær áður en ég gifti mig.

Biskupinn vel sveittur í miðri fjallshlíðinni og annað eins eftir að klífa upp!

Þá fer að líða að smalinu í Grindavíkinni.Við Hebbi keyrðum Biskup inná Mánagrund í fyrradag og þar var hann járnaður upp.Í gær fórum við Eygló svo niður í Reiðhöll með Biskupinn og Vindu mömmu Dímon Glampasonar sem er hjá mér í merum.Biskupinn er orðinn svo frekur og leiðinlegur í beisli að ég átti bara ekki til orð yfir framkomu hans við mig í gær! Hann reif af mér tauminn einsog hann hefði eytt öllu sumrinu í Reiðskóla.Djö.......var ég fúl útí hann arrrrggg.En þarsem ég er ekki smákrakki sem lætur rífa af mér tauminn þá varð ég að gera eitthvað í málunum og í kvöld þá batt ég hnút á tauminn og nelgdi svo klárinn niður í hornunum í Reiðhöllinni (með hóinu sem hann á að þekkja) og þegar að hann reif tauminn af mér með hnútnum á þá gat hann ekki rifið mig uppúr hnakknum með (ég er nú ekkert smá flykki:) heldur setti ég bara hendurnar fast ofaní makkann á honum og þá var hann bara farinn að rífast að mestu við sjálfan sig hehehehehe.Þetta virkaði svona vel að í reiðtúrnum sem við fórum í myrkrinu í kvöld þá var hann miklu betri en í gær (lentum líka í myrkri í gær:) Hann var allt annar og sáttari við að knapinn væri að stjórna honum en ekki hann knapanum.

Biskupinn við uppáhalds iðju sína BORÐA:))))

Ég prófaði hann Hring minn og er hann þægur og rólegur reiðhestur.Hann þarf reyndar ákveðinn knapa og þá er hann flottur annars er hann bara venjulegur reiðhestur og ekkert til að snúa sig úr hálsliðnum útaf:))En hjá henni Eygló er hann sko flottur og þvílík yfirferð í klárnum á töltinu! Hún vefur hann alveg uppí þetta keppnislúkk sem ég hrífst svo af.Ég er mikið spennt að vita hvernig hann kemur út hjá honum Sigga Matt en þangað er hann að fara eftir helgina.Þá verða sko báðar Camerurnar teknar með:))

Ég má nú ekki gleyma henni Hervöru keppnishryssunni hjá Bogga og Eygló en ég fékk að fara á hana í gær og þvílíkt skemtilegt reiðhross úfff.........hún fleytti nánast kerlingar áfram með mig á yfirferðartöltinu! Það var einsog hún svifi áfram og snerti ekki jörðina og ekki eitt feilspor þrátt fyrir allt myrkrið í gærkveldi! Svona eiga hross að vera:))

Hervör og Boggi á fleygiferð.

Ég má ekki gleyma að blogga um gærdaginn! Hingað komu fullt af skemmtilegu fólki og þar má nefna Sigrúnu Tangó eiganda og Deidrie en þær smullu saman og gátu blaðrað heil ósköpin öll:)) Enskan hennar Sigrúnar er alveg aðdáunaverð og þagði ég bara hehehe.Sigrún"áttir þú heima í útlöndum einhverntímann???

Ég hitti hressa skvísu inná Mánagrund í kvöld en það er hún Sunna Sigga ofurhestagella.Hún var að ríða út með honum Bogga og sá ég þau af Garðveginum þegar ég brunaði á mínum kagga þar og fannst mér eitthvað skrítið með útlitið á henni Eygló þarna á Vindu sinni?Það var einsog Eygló hefði farið í heiftarlegt fitusog frá því ég hitti hana deginum áður???Hún var öll svo mjónuleg á hrossinu en svo kom hið rétta í ljós þegar að ég stillti mér upp með cameruna og beið eftir þeim.Var ekki Eygló og Eymundur uppá kaffistofunni og upp veginn komu Boggi og Sunna Sigga.Ég smellti myndum af þeim tveimur þrátt fyrir óhagstætt cameruveður.

Hér er hún Sunna Sigga á Vindu og hægt að vinda af henni svitann:) Sunna tjáði mér það að ef ég vissi um einhvern sem langaði til að kaupa keppnishestinn hennar þá væri hann Ástríkur Orrasonur (Orra Þúfu hvað annað:)) til sölu hjá henni.Ástríkur er liðugi hesturinn aftar í blogginu sem er að teygja sig svo snilldarlega eftir Fífli undir gerðið.Virkilega fallegur klár!

Nú er mín gengin af göflunum endanlega! Ég verslaði mér eitt stykki hrút í gær og er það annar perrinn sem er búinn að vera að perrast hérna í gimbrunum mínum síðustu vikurnar,en einsog ein góð vinkona mín segir "enginn er verri þó hann sé perri nema að hann sé óþverri".Nú vona ég bara að þetta eigi við hann Flanka frá Norður-Flankastöðum.

Við hjónin náðum heim tveimur vögum af rúllum í gær eftir að bóndi minn fór í Reykjavíkina til að versla varahlutinn sem vantaði í ámoksturstækin.Við slepptum því um helgina að láta kalla út mann í Véla..... en útkallið átti að kosta 9200 krónur fyrir utan VSK og svo varahluturinn sem kostaði sem betur fer bara 2400 krónur.Auðvitað náðu krakkarnir að gata einar 10 rúllur fyrir okkur um helgina og voru rúllurnar svo illa farnar að ég þurfti að pakka þeim aftur inn .

Ég bíð spennt eftir að fá aftur traktorinn lánaðann hjá vini okkar svo við getum haldið áfram að keyra heim rúllunum áður en fleiri rúllur fara svona.Djö......er þetta dýrt spaug að vera fátækur og geta ekki verslað sér traktor með ámoksturstækjum og rúllugreip.En við erum nú alltaf með augun opin fyrir svona græjum og einn daginn finnum við græjurnar sem passa við budduna okkar:))

Við vorum bara nokkuð dugleg í dag hjónin,gerðum að fiski sem okkur var færður:)) Ég skar hann niður í passlegar pakkningar og þarf því ekki að vera með neitt vesen þegar að kemur að því að elda hann,bara þíða hann og elda:)) Næst var að færa heimalningana útí stóðhestahús og nýja hrússann.Þá eru þau hætt að drulla hér um allt hlaðið.Toppa "skemmtilega"var útí húsi ein í stíu vegna þess hve óþekk hún er en hún brussaðist tvívegis yfir þráðinn og fékk því að dúsa inni í stóru folaldastíunni og var hún ekki par hrifin af því.Það lak af henni svitinn,hún var sko búin að hlaupa fram og tilbaka sú gamla og komið hestlag á kerluna hehehehehe.Við skelltum henni um borð í hestakerruna og beint aftur til Hróks sem varð ekkert smá spenntur að fá "nýja"hryssu til sín.Toppa brást hin versta við og barði hann sundur og saman en hann sem ætlaði að vera svo góður við hana og fylja hana í einum grænum án þess að spyrja hana áður hvort hún væri í hestlátum?Hún svarði honum því að hún hefði nú bara skroppið frá í smátíma og hann væri líklega búinn að fylja hana:))

Næst var brunað með Biskupinn inná Mánagrund en hann er að fara með kellinguna í smalið í Grindavíkinni á næstu helgi.Ég hafði sett hann inn í gærkvöldi til að drulla því mesta úr sér en hann hefur fengið að vera með tittunum í 3 daga og lifað í vellystinum með þeim.Þetta var ekki alveg að ganga upp því kauði blés út einsog loftbelgur og sá ég framá að þurfa að senda hann á Heilsuhælið í Hveragerði ef ég stoppaði ekki þetta át á honum.Hann ásamt Glóa fékk að vera inni í sólarhring og var mikill munur að sjá hestinn en vömbin var mun minni:)) Högni járnaði hann en varð að smíða til skeifu undir hann og gerði það með miklum stjörnustæl en við Eygló héldum á tímabili að það væri komið Gamlárskvöld þegar að Högin var með slípurokkinn að laga til skeifu á Biskup belg.Svo er bara að ríða "út"innan dyra í reiðhöllinni vegna veðurs og hreyfa gæðingana eitthvað svo maður geri nú ekki útaf við þá í smalinu.

Busla og Biskup á sínum yngri árum:))

Buslufréttir:

Busla sýnir hægfarann bata,stígur ekki í fótinn nema spari spari.Þetta var heljarinnar aðgerð sem gerð var á tíkinni og grær allt rétt og vel að manni sýnist.Ég hef ekki sett skerminn á hana vegna skurðarins á ofanverðum framfæti þarsem beinkurl var tekið og fært í afturfótinn en Buslan er svo góð og dugleg að hún snertir ekki saumana í lærinu á sér en sporin eru alls 13 þar.

Ég hef margverið spurð að því afhverju í ósköpunum við lóguðum bara ekki tíkinni.Mitt svar er einfalt,Busla er með afbrigðum geðgóð tík og vinnusöm.Hún er alveg svakalega húsbóndaholl og vill allt fyrir mann gera,hún myndi vaða yfir eld og brennistein fyrir mann! Ég get alveg ómögulega lógað hundi sem er öllum þeim kostum prýdd sem þessi tík er.Ég kem til með að gera allt fyrir hana sem á mínu valdi er sett svo hún eigi gott ævikvöld framundan,ég skulda henni það margfalt fyrir alla vinnuna sem hún hefur lagt á sig fyrir okkur hér í Ásgarðinum.

Mér er alveg sama þó hún eigi ekki eftir að ná mink eða hjálpa mér við hitt og þetta sem hún hefur gert en hún er ágætis smalahundur og frábær að fanga td staka Önd úr hóp eða Aligæs á meðan þær voru hérna.Núna er komið að mér að dekra við þessa dúllu og það mun ég gera þartil yfir líkur.

Busla að láta sér líða vel,algjör dekurdúlla .

Ég var búin að pikka alveg helling í gær og svo gerði ég eitthvað og allt týndist! En núna ætla ég að passa mig að vera ekki að fikta svona ógurlega í tölvunni því það er svo svekkjandi að vera búin að pikka heil ósköpin öll og svo úpppppsss....allt farið .

En hann Tangó mætti á svæðið í gær með eigendum sínum og er þetta hinn myndarlegasti foli,stór og vænn.Hann er ekkert smá krúttlegur þegar að maður kemur í hesthúsið að gefa.Ég fékk ekkert smá mikið hnegg og kumr þegar að ég mætti í hesthúsið og hlýnar manni um hjartaræturnar að fá svona móttökur:)) Allt var með kyrrum kjörum og Askur er greinilega góður nágranni því þeir voru ekkert að vesenast hvor í öðrum á milli stíanna enda var sett rafmagn á í gærkveldi.Það var nú svolítið fyndið í gær þegar að Tangó var kominn en ég hafði ekki náð að koma Aski útí stóðhestahús þannig að ég greip hana Freistingu sem var með Rjúpu og Toppu gömlu í girðingu við hliðina á húsinu og setti ég hana Freistingu í þarnæstu stíu við hann Tangó.Þegar að ég kom aftur út þá var hún Toppa alveg óð og búin að brussa sér yfir rafmagnsþráðinn og var að leita að henni Freistingu! Það var sko ekki nóg fyrir hana að hafa hana Rjúpu sem er nú greinilega bara 3 vetra krakkaskítur í hennar augum.Við urðum að setja þær tvær líka inn á meðan við fórum heim að gefa fólkinu kaffi og spjalla um hesta og allt sem þeim viðkemur.

Það komu 12 manns í heimsókn í gær og eitthvað af þeim eru varla taldir til gesta en það eru svokallaðir heimalningar sem koma hingað svo oft að það liggur við að maður láti bara smíða lykla handa þeim .En það komu skemmtilegir gestir í gærkveldi sem hafa ekki komið hingað áður og var það hann Pálmar og fjölskylda frá Þorlákshöfn.Þau eru í hestunum líka og auðvitað drifu þau sig bara með okkur í verkin eftir að hafa þegið kaffi og kleinur.Askur var handsamaður og settur uppá kerru og skutlað útí stóðhestahús.Ósköp hefur hann þroskast mikið í sumar og stækkað! Ég er ekki frá því að við séum þarna með spennandi stóðhestefni sem við tímum jafnvel ekki að selja strax.Ætlunin var að selja hann og var ég búin að setja þessa svakalegu auglýsingu á einn vefmiðilinn en hún týndist einhverstaðar á leiðinni?

Askur kominn á hús og hinn ánægðasi með tugguna sína.Reyndar þurfti ég að gefa hey frá í fyrra í dag, því að þetta seinslegna hey óáborið var aðeins of sterkt og þáðu hrossin gamla heyið frekar og tóku líka í hálminn sem á að vera undirburður.Hálmurinn er flottur að því leiti að þau borða hann með ef að heyið er of sterkt.

Í dag eru ekki margir búnir að koma.Einn heimalningur að nafni Jónas Andrésson er hér og svo komu Guðrún frænka með litlu frænku og Snorra sinn en þau voru að koma með fellihýsið sitt í geymslu fyrir veturinn.Aníta litla frænka var alveg óð að sjá ho ho og gefa þeim hamborgarabrauð sem fylgdi honum Tangó:)) Tangó var alveg til í að fá smá brauð og Askurinn líka og pössuðu folarnir sig að bíta ekki í litlu puttana á frænkunni minni.

Ég bara verð að bæta smá við bloggið hérna fyrir kvöldið.Það er nú ekki oft sem ég sýni snilldartakta í eldhúsinu en núna verð ég bara að monta mig smá . Ég og kallinn minn vorum að sporðrenna honum Nagla niður (Fashaninn Nagli) og tókst mér svona svakalega vel upp með eldamennskuna á honum en þetta er í fyrsta sinn sem ég elda Fashana. Ég ætla að setja uppskriftina að honum hér inn svo ég gleymi ekki hvernig ég gerði hana.

Grillaður Fashani A La Ransý .SLURP!!!!!!

Einn Fashani reyttur og sviðinn.Hann vigtaði 900Gr. Hver 300Gr þurfa 15 mín í ofni.

Fashaninn fylltur með Lárviðarlaufi,Skessujurt,svörtum Piparkornum.Salt og pipar nuddað vel utaná Fashanann.Þræddur uppá tein og skellt í grillið í ofninum.

Sósan:Smjörbolla búin til.Ég notaði olíu og fínt Spelthveiti og bjó til bollu úr því.

 Soðið sem lekur af fuglinum er sett saman við (sigtað áður).Matreiðslurjóma bætt við,Bláberjamauki (sykurlaust) frá Himneskri Hollustu bætt útí og Soysósa (glútenfrí) til að fá góða sósubragðið.Ég hefði sett útí líka Gráðost ef hann hefði verið til,geri það bara næst:))

Kartöflurnar hitaði ég á pönnu og hellti smávegis af Agave Syrup útá í staðinn fyrir að búa til sykurbráð og steikja þær uppúr því.Agave Syrup er náttúruvara og unnin úr Kaktus.Mun hollara en hvíti sykurinn og alveg dísætt fyrir bragðlaukana.

Svo er bara að hafa það grænmeti sem hver og einn kýs sér.

Jæja þá gott fólk.Eg nennti ekki að blogga í gær þannig að ég geri það bara í dag.Við erum enn svolítið tuskulega eftir heyskapinn um daginn enda var það alveg svakaleg törn á okkur og ekki var það betra að vera tognuð á handleggnum við það.Ég er loksins núna að lagast og er bara einn putti dofinn af þremur áður og held ég að þetta sé að koma.

Fyrsti stóðhesturinn er að koma að norðan til mín og verður hér í geymslu í vetur.Það var kannski ekki alveg ætlunin að taka strax á hús en hvað gerir maður ekki þegar að fólk er í vandræðum og ég tala nú ekki um svona almennilegt og skemmtilegt fólk einsog þau sem eiga hann Glófaxa hjá okkur.))Þessi foli er nefnilega hálfbróðir hans Glófaxa og hlakkar mig virkilega til að hitta kappann .Ég gerði allt tilbúið í gær fyrir komuna hans og núna er bara að sækja hann Ask Stígandason og koma honum útí stóðhestahús svo sá nýji hafi góðann félagsskap.

Í gær kom kanínukaupandi og verslaði síðustu Loop ungana sem ég má missa frá mér.Það vantaði meira að segja einn uppá en það varð bara svo að vera.Sauðanesvita kanínurnar sem ég sótti norður eru virkilega búnar að sanna sig sem mjög frjósamar og duglega mæður.Kannski full frjósamar en þær hafa verið að koma með 9-10 unga í goti sem er óþarflega mikið.Í dag og á morgun eiga nokkrar kanínur að gjóta og eru þær búnar að gera flott hreiður í kassana sína og reyta sig.

Ég er farin að halda að ég hafi hlaupið á mig þegar að ég sagði að einhver hefði hent út kanínuunga hér um daginn en Tara og Skvetta eru alveg brjálaðar núna undir járnplötum niður við hesthús og er alveg næsta víst að þar er annar kanínuungi á ferð! Þannig að kanínurnar sem ég sá lausar við Hafurbjarnarstaði og voru búnar að dreifa úr sér og gjóta um allt á Kolbeinsstöðum er líklegast að flæða yfir okkur núna hérna í Ásgarðinum:( Þetta er slæmt mál fyrir mig að fá villtar kanínur hér um allt í kringum kanínubúið mitt.

Það eru margir að spá í hvernig hófurinn að henni Orku lítur út í dag.Orka er merin sem sést í Myndaalbúminu undir "ýmislegt sem skeður á bænum"og er Egill dýralæknir búinn að skafa hófinn upp til að komast í veg fyrir gröft og lítur hófurinn út einsog klauf á belju.Orka hefur það fínt hvað varðar fótinn og hófurinn er að verða einsog venjulegur hófur og allur gröftur á bak og burt.En hún missti tvíburafolöld í sumar og líklegast hefur eitthvað skeð með mjaðmagrindina í henni því þegr að hún hleypur þá setur hún vinstri afturfót út til hliðar á hlaupunum en samt getur hún skellt rassinum í næstu merar og slegist án þess að finna til að manni virðist.Annað sem ég er ekki sátt við er það að hún gengur alltaf upp hjá stóðhestinum og virðist ekki festa fang,þannig að það er spurning hvað á að gera við hana blessunina.

Farin út að vinna gott fólk .

Hér er mynd síðan í vor en þarna er Busla með Skvettu dóttur sinni að tæta í sundur barð en þar var minkur undir.

Þá erum við Busla komnar heim úr Reykjarvíkurferðinni en við vöknuðum um 9:00 í morgun og brunuðum af stað í bæinn.Það var vel tekið á móti okkur inná Dýraspítala og Busla sett í búr á meðan hún beið eftir að röðin kæmi að henni að fara á skurðarborðið.Ég fór á bæjarrölt en ég var búin að ákveða að kaupa annan GSM handa kallinum mínum en það varð úr að ég fékk mér nýjan GSM því minn bókstaflega trylltist í bænum og fór að gera allar hundakúnstir.Td.þegar að dýralæknirinn hennar Buslu hringdi í morgun í okkur þá lá síminn í sætinu á milli mín og tíkarinnar og svaraði hann sjálfur (síminn) og dýralæknirinn heyrði bara drunurnar í bílnum og tónlistina á Bylgjunni! Svo þegar að ég var sjálf búin að ná að hringja í hann Hebba minn þá heyrðist bara stöðugt bíp (símanum en ekki Hebba:) í honum og þegar að ég var búin að æpa í gegnum símann að ég ætlaði að kaupa mér annann síma og skella á þá hringdi síminn minn aftur og aftur í Hebba? Ég margslökkti á honum en hann byrjaði bara aftur að hringja í kallinn og það endaði með því að ég varð nánast að rífa hann í tætlur svo hann hætti þessum kúnstum! Það vildi ég óska að ryksugan léti svona!

Eftir að ég var búin að versla eitt og annað í Elko og Rúmfatalagernum þá plantaði ég mér í pössun hjá henni Helgu Skowronski en ég ætlaði ekki heim Buslulaus og einhverstaðar varð ég að vera og Helga var alveg til í að hafa mig. Við skröfuðum um stóðhesta og kynbótahryssur í gríð og erg og svo enduðum við uppí Stardal en þar er hún með verðandi gæðingana sína í hagagöngu á virkilega stóru og góðu landi.Gaman að sjá tryppin hjá henni eða það sem í þau sást fyrir spiki:)) Bara flott:))

Næst var að sækja hana Buslu sem var að vakna úr aðgerðinni en hún var ansi völt á fótunum en samt gat þessi elska skrölt á móti mér örfá spor þegar að hún heyrði í mér.Ég bar hana útí bíl og þar lagðist hún bara útaf og svaf áfram.Hún er búin að fá mikið hrós frá dýralæknunum á Dýraspítalanum en það haggar henni bókstaflega ekkert,sama hvað er verið að krukka í henni.Aldrei hefur hún sýnt það að ætla að verja sig eða glefsa í einn eða neinn enda ekki hennar karakter að sýna mannfólkinu neitt illt.Margir hrökkva frá henni þegar að ég segi að hún sé minkaveiðihundur en fólk er sem betur fer fljótt að sjá að þarna er tík sem er treystandi og er ekkert nema elskulegheitin.Geðbetri hund er vart hægt að finna.Núna liggur hún á teppinu sínu og er búin að bæði drekka vel og borða smá þurrfóður.Fóturinn er réttur núna að sjá og búið að setja plötu sem er fest með 6 skrúfum.Dýralæknarnir þurftu að sækja beinkurl í framfótarbeinið og flytja það í afturfótinn til að flýta fyrir að beinið grói.Eða svona skildi ég það minnsta kosti.Maður er orðinn svo ruglaður í hausnum eftir þetta allt saman að ég á það stundum til að lokast alveg þegar að ég er í þessum Reykjavíkurferðum með tíkaræfilinn minn.Ég týni bókstaflega öllu á þessum dögum og virðist aldrei ætla að komast útum dyrnar því ég gleymi öllu:)) Núna ætla ég að gera tilraun til að fara með hana út í rólegheitum til að pissa fyrir nóttina svo hún verði nú ekki í spreng í fyrramálið.))

Þau geta verið svolítið fyndin þessi folöld þegar að fullorðið hross nálgast þau:) Fara að kjamsa alveg ógurlega og það skín úr augunum á þeim,vertu góð(ur) við mig.Hér er hann Þór Ögrasonur að kjamsa við hann Hrók.

Þetta var frekar rólegur dagur og hinn skemmtilegasti.Deidrie kom og Helga Skowronski og auðvitað var gengið á milli hólfa og hross skoðuð og metin.Einsog endra nær þá vakti Dímon Glampasonur mestu athyglina en hann var voðalega stillur í dag og kippti engum buxum niður um gestina í dag:))Hann var látinn hlaupa svolítið og sýna mont takta og var hún Helga sammála mér í því að folinn er óvenjulega þroskaður og minnir margt um hann Hágang bróður sinn frá Narfastöðum.Hún meira að segja sló sér á lær og skammaðist yfir því að hafa haldið öllum merunum sínum í sumar:)) Það verður virkilega gaman næsta vor að sjá hvað kauði gefur okkur.

Ég var svo dugleg í gær í kanínuhúsinu að það hálfa hefði verið yfirdrifið.Enda veitti ekki af eftir að hafa verið í heyskap alla síðustu viku og gaf ég mér varla tíma til annars en rétt henda heyið í þær greyin.Mín fór að smúla stéttar og þegar að ég er á annað borð byrjuð að sulla þá get ég ekki hætt.Ég smúlaði og smúlaði og á endanum náði ekki slangan lengra og gemsinn hringdi (getur það verið!) Þá hætti ég loksins og labbaði heim.Já"þið lásuð rétt,nú labba ég alveg einsog ég get til að verða ekki skilin eftir einhverstaðar í Fagradalsfjallinu í leitunum hehehehe.

Í kvöld fór ég í göngutúr með Töru gömlu og Skvettu sem er dóttir hennar Buslu.En fyrst baðaði ég þær og gerði fínar en það tók því víst ekki því þær voru ekki lengi að stökkva útí sjóinn að sulla.Skvetta er svo dugleg að synda og sækja hluti útí sjó og er ég hæst ánægð með það því að þá getum við sent hana eftir mink sem er að reyna að stinga af í vatni.

Buslufréttir.

Það á ekki af tíkinni minni að ganga.Fljótlega eftir að teinarnir voru teknir úr fætinum á henni þá gaf beinið sig aftur og er hún þá enn fótbrotin.Þessi elska liggur bara á teppunum sínum og skröltir út af og til til að gera stykkin sín.Á morgun á að gera aðra aðgerð á henni sem er sú aðgerð sem ég hélt að væri alltaf gerð við svona beinbrot en núna verður teinaðferðinni ekki beitt heldur á að gera þetta almennilega og setja plötu og bolta beinið saman.Mig hálfkvíður fyrir þessu fyrir hönd tíkarinnar en hún stendur sig einsog hetja sú stutta og er afar stillt og þolinmóð við þessar mannverur sem eru alltaf að krukka í skrokknum á henni og hún er sem betur fer gengin róleg og stillt með afbrigðum þannig að þetta á allt saman að verða betra núna.Sendið okkur góða strauma í fyrramálið gott fólk .

Jæja gott fólk,nú er heyskap næstum lokið hjá okkur Hebba mínum en við erum búin að vera alla síðustu viku hossandi á traktorunum milli túna og í gær þá fór (loksins:) að rigna þannig að við erum stopp enda öll mikilvægustu túnin búin.Við gerðum talningu í gær og erum við komin með 325 rúllur í plasti.Mikið verður gaman þegar að allar rúllurnar eru komnar heim og þá verður nú falleg stæðan hér á hlaðinu:))Við fáum lánuð tæki til að koma rúllunum heim og stefnt er á næstu helgi og vonandi verður veðrið gott eða minnsta kosti túnin þurr svo að þau sporist ekki út eftir vélarnar.

Ég er pínulítið fúl í dag vegna þess að líklega hefur eina ferðina enn einhver komið með kanínuunga og sleppt honum lausum á hlaðið hjá mér.Tara og Skvetta voru alveg brjál niður við hesthús og hlupum við Hebbi niðureftir því lætin í Töru voru slík að það hlaut að vera minkur undir timburstaflanum sem hún var að róta í.Hebbi var tilbúinn með byssuna og ég rótaði í timbrinu og þá skaust kanínuungi út lafhræddur og Skvetta náði honum undireins en við öskruðum á hana að sleppa og hún sleppti og enn rauk unginn af stað og Tara náði honum næst og tókum við hann af henni alveg lamaðann af hræðslu. Ég ætla að gefa honum einn sólarhring áður en við lógum honum ef einhver skildi lesa þetta og vilja bjarga honum.Það er regla hjá mér að lóga svona dýrum því þau geta borið smit með sér inná kanínubúið hjá mér.Reyndar hefur verið vesen á næstu bæjum við okkur vegna villikanína sem var sleppt þar en þær hafa gotið einhver ósköpin öll í sumar og eru að grafa allt í sundur á næstu bæjum.Þær fara undir húsin og gera göng um allt! Við höfum verið kölluð út með hundana til að veiða þær og vitum við um fleiri minkahunda eigendur sem eru að fá útköll á ýmsa staði þarsem kanínur eru að gera usla.Ástandið er að verða hrikalegt vegna þessa opg áfram heldur fólk að versla sér kanínur og henda þeim svo út þegar að áhuginn fyrir þeim dvínar.

Þessa skemmtilegu mynd sendi hún Diedrie mér þegar að hún var að vinna við hrossin hér á bæ og ég að heima á traktornum:))Heilladís frá Galtarnesi hugsar voðalega vel um bæði folöldin sín og mjólkar einsog belja.Hún er sko ekkert venjulega góð þessi hryssa og verður hún sko fyrst af öllum til að fá rúllu til sín í haust þegar að grasið fer að sölna.

Og hér eru fallegar myndir af litríkum folöldum hjá okkur.Heljar og Sókrates sem eru báðir mjög sérstakir á litinn.

Það var svakalega skemmtileg smalamennska á okkur hjónunum í gær en ég ákvað að reka endurnar aftur á tjörnina sína í gær en þær eru búnar að vera útvið bú síðan að við urðum að loka þær inni síðastliðinn vetur vegna yfirvofandi fuglaflensu.Við fengum "góða"hjálp frá honum Dímon sem passaði vel uppá að þær færu nú ekki styðstu leið í gegnum hagann hans og niður í tjörn heldur gekk hann meðfram girðingunni og beið spenntur eftiur því að búa til andastöppu ef einhver þeirra vogaði sér með sundfit innfyrir girðinguna .Það var sko enginn smá púkasvipur a kalli og rosaleg rassaköst á honum hehehehe.En allar þeirra komust niður á tjörn en síðstu endurnar voru orðnar mjög þreyttar á labbinu og voru farnar að draga rassana á eftir sér og göptu af mæði enda vel spikaðar og feitar! Ekkert ósvipað og ég ætla EKKI að verða í smalinu eftir tæpann hálfann mánuð   .Og......mig hlakkar til!